សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
សៀមរាប ៖ បាយក្តាំង ឬបាយក្រៀម បើនិយាយចំពោះអ្នកដែលមិនសូវចូលចិត្តទទួលទានអាហារសម្រន់ក្រៅពេលហាក់មិនសូវមានប្រជាប្រិយភាពនោះទេ ប៉ុន្តែបើសម្រាប់អ្នកចូលចិត្តចំណីអាហារកំដរមាត់ ឬអាសម្រន់ អាចនឹងមានការចាប់អារម្មណ៍ច្រើន ជាពិសេសចំពោះបាយក្ដាំង ឬបាយក្រៀមដែលមានរសជាតិច្រើនមុខ។ ជាក់ស្ដែងដូចជាបាយក្រៀមនៅខេត្តសៀមរាបដែលកំពុងមានភាពល្បីល្បាញនាពេលបច្ចុប្បន្ន។
កញ្ញា ពេជ្រ កញ្ញា ជាម្ចាស់អាជីវកម្មខ្នាតតូចមានជំនាញផលិតអាហារសម្រន់ប្រភេទបាយក្ដាំងបំពងដែលមានយីហោ «សៀមរាប ស្នេក Seim Reap Snacks» រស់នៅភូមិវត្តស្វាយ ឃុំសាលាកំរើក ខេត្តសៀមរាប បានប្រាប់ឱ្យដឹងថា អាហារសម្រន់ដែលស្ថិតនៅក្នុងអាជីវកម្មយីហោមួយនេះគឺមានការគាំទ្រពីសំណាក់អតិថិជនយ៉ាងច្រើន ទាំងអ្នកនៅក្នុងតំបន់ ក៏ដូចជាទេសចរមកពីបណ្តាក្រុងភ្នំពេញ និងបណ្តាខេត្តមួយចំនួនទៀត។
កញ្ញាបានបញ្ជាក់ថា ៖
“អាហារសម្រន់ក្រៅពេលនំបាយក្រៀមរបស់ខ្ញុំគឺធ្វើឡើងដោយខ្លួនឯងផ្ទាល់ដែលចេះរូបមន្តបន្តពីម្ដាយ ហើយក្រៅពីមានរសជាតិឆ្ងាញ់ ខ្ញុំក៏ផ្ដោតសំខាន់ទៅលើសុខភាពជាចម្បងដែលជាអាហារមិនប្រើប្រេង មិនមានជាតិស្ករ ហើយមានបន្ថែមនូវគ្រាប់ធុញ្ញជាតិច្រើនមុខ ដូចជា គ្រាប់ស្វាយចន្ទី សណ្ដែកដី ល្ង គ្រាប់ឪឡឹក គ្រាប់ល្ពៅ ជាដើម ដែលសុទ្ធសឹងជាធុញ្ញជាតិគ្មានជាតិស្ករ ជួយចំប៉នសុខភាព ដោយឡែកចំពោះប្រភេទអាហារសម្រន់ដែលមានរសជាតិផ្អែម គឺខ្ញុំប្រើទឹកឃ្មុំជំនួសការប្រើស្ករ ហើយការផលិតទៀតសោតគឺខ្ញុំធ្វើឡើងតែពេលទំនេរពីការងារប្រចាំថ្ងៃតែប៉ុណ្ណោះ”
ពាក់ព័ន្ធទៅនឹងការផលិតវិញ ម្ចាស់អាជីវកម្មវ័យក្មេងរូបនេះបានបញ្ជាក់ថា កញ្ញាអាចផលិតម្ដងបានប្រមាណ ១គីឡូក្រាម ហើយអាហារសម្រន់សៀមរាបនេះ (បាយក្រៀម) អាចលក់បានក្នុងតម្លៃចាប់ពី ៨០០០រៀលឡើងទៅ ដែលភាគច្រើនលក់តាមបណ្ដាញសង្គម (facebook) និងបោះដុំនៅតាមបណ្តាហាងផ្សេងៗ ដោយក្នុងមួយខែអាចរកបានចំណូល និងប្រាក់ចំណេញគួរសម។
គួរបញ្ជាក់ដែរថា កញ្ញា ពេជ្យ កញ្ញា បានចាប់ផ្ដើមអាជីវកម្មខ្នាតតូចជាលក្ខណៈគ្រួសារមួយនេះកាលពីឆ្នាំ២០២០ ដែលប្រើដើមទុនលើកដំបូងត្រឹមតែប្រមាណ ២០ម៉ឺនរៀលប៉ុណ្ណោះក្នុងការទិញវត្ថុធាតុដើម និងគ្រឿងផ្សំ ហើយក្រោមកក៏ចេះតែមានការគាំទ្រច្រើនឡើងៗ រហូតពង្រីកបានទ្រង់ទ្រាយដូចពេលបច្ចុប្បន្ននេះ។ ដោយឡែក ចំពោះបញ្ហាប្រឈមបច្ចុប្បន្ននេះ គឺការផលិតនៅមានភាពយឺតយ៉ាវដោយសារតែខ្វះម៉ាស៊ីនដុត និងម៉ាស៊ីនសម្ងួត។ ដោយឡែក សម្រាប់គោលបំណងនាពេលអនាគត កញ្ញាចង់បង្កើនការផលិតឱ្យបានច្រើនមុខ និងអាចដាក់លក់នៅតាមហាងធំៗ ក៏ដូចជាបណ្តាផ្សារទំនើបផងដែរ៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន
បទយកការណ៍, អាជីវកម្មថ្មី និងនវានុវត្ត
• 16/10/2024
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ
ព័ត៌មានទូទៅ
មើលទាំងអស់ ➧
ម្ហូបឌីមសាំ ប៉ះជាមួយគ្រឿងទេសកំពត បង្កើតរសជាតិឆ្ងាញ់ ប្លែក និងច្នៃប្រឌិត
ព្រឹត្តិការណ៍, អត្ថបទពាណិជ្ជកម្ម
• 03/04/2026
ដើម្បីអបអរសាទរ និងលើកកម្ពស់រសជាតិអាហារបែប "Glocal" (ការរួមបញ្ចូលគ្នារវាងរសជាតិសកល និងរសជាតិក្នុងស្រុក) កាលពីល្ងាចថ្ងៃទី២ ខែមេសា ឆ្នាំ២០២៦ ភោជនីយដ្ឋាន Yi Sang ដែលទើបនឹងសម្ពោធថ្មីៗស្ថិតនៅក្នុងអាកាសយានដ្ឋានអន្តរជាតិតេជោ
អ៊ីរ៉ង់ បានបាញ់ទម្លាក់ F-35 របស់អាម៉េរិកយ៉ាងជោគជ័យ ក្រោយការចែករំលែកទិចនិកបាញ់ពីសំណាក់អ្នកជំនាញចិន
ព្រឹត្តិការណ៍, អាជីវកម្មថ្មី និងនវានុវត្ត
• 03/04/2026
វិស្វករជនជាតិចិនម្នាក់បានធ្វើឱ្យមានការភ្ញាក់ផ្អើលយ៉ាងខ្លាំងនៅលើបណ្តាញសង្គម បន្ទាប់ពីបានបង្ហោះវីដេអូបង្រៀនលម្អិតអំពីរបៀបបាញ់ទម្លាក់យន្តហោះចម្បាំងបំបាំងកាយទំនើបបំផុត F-35 របស់សហរដ្ឋអាម៉េរិក។
ក្រោយបញ្ចប់ការចុះបញ្ជីទូទាំងប្រទេស ក្រសួងដែនដីបន្តបេសកកម្មផ្សេងទៀត ដើម្បីឱ្យពលរដ្ឋរស់នៅកាន់តែស្រួល តជំនាន់
Top News, ព្រឹត្តិការណ៍, អចលនទ្រព្យ
• 02/04/2026
ក្រសួងរៀបចំដែនដី នគរូបនីយកម្ម និងសំណង់ នឹងបន្តបេសកកម្មធ្វើការងារផ្សេងទៀត ដើម្បីធ្វើយ៉ាងណាឱ្យប្រទេសជាតិ ក៏ដូចជាប្រជាពលរដ្ឋកម្ពុជាទាំងអស់រស់នៅប្រកបដោយសុខុដុមរមនាទាំងអស់គ្នា និងតជំនាន់
Hacker កូរ៉េខាងជើង អាចលួចបញ្ចូល bug software ទៅក្នុងដំណើរប្រតិបត្តិការក្រុមហ៊ុនរាប់ពាន់នៅអាម៉េរិក
ព្រឹត្តិការណ៍, អាជីវកម្មថ្មី និងនវានុវត្ត
• 02/04/2026
អ្នកជំនាញអាម៉េរិកថា hackers របស់កូរ៉េខាងជើងកំពុងប្រើប្រាស់ software មួយប្រភេទដែលមានផ្ទុកទៅដោយមេរោគ ឬ bug ជាយុទ្ធសាស្ត្ររបស់ខ្លួនដំណើរការនៅក្នុងក្រុមហ៊ុនរាប់ពាន់នៅសហរដ្ឋអាម៉េរិក
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content