សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងតាមការរៀបរាប់ដោយមន្ត្រីម្នាក់នៃរដ្ឋាភិបាលទីក្រុងប៉េកាំងបានបញ្ជាក់ប្រាប់កាសែតរ៉យទ័រនៅសប្តាហ៍នេះថា ប្រទេសចិនបានសន្យាថានឹងផ្តល់ជំនួយជាថវិកាប្រមាណជា៥០០លានដុល្លារសម្រាប់រយៈពេល៥ឆ្នាំទៅឲ្យអង្គការសុខភាពពិភពលោកហៅកាត់ថា WHO (World Health Organization)។
ថ្លែងបញ្ជាក់បែបនេះនៅក្នុងអំឡុងពេលសន្និសិទអង្គការសុខភាពពិភពលោកកាលពីថ្ងៃអង្គារគឺនៅចំពេលដែលទីភ្នាក់ងារសុខភាពនៃអង្គការសហប្រជាជាតិមួយនេះកំពុងតែស្វែងរកមូលនិធិបន្ថែមសម្រាប់ការចំណាយប្រចាំឆ្នាំរបស់ខ្លួន ជាពិសេសក្រោយពេលដែលទីក្រុងវ៉ាស៊ិនតោនបានប្រកាសថានឹងដកខ្លួនចេញក្នុងនាមជាម្ចាស់ជំនួយសម្រាប់អង្គភាពសុខមាលភាពធំបំផុតរបស់ពិភពលោក។
ប្រភពដដែលបានបញ្ជាក់ដែរថា សេចក្តីប្រកាសនេះត្រូវបានធ្វើឡើងដោយផ្ទាល់ពីសំណាក់ឧបនាយករដ្ឋមន្ត្រីចិន លោក Liu Guozhong នៅក្នុងអំឡុងពេលធ្វើសេចក្តីថ្លែងការណ៍របស់លោកនៅក្នុងទីក្រុង Geneva។
លោក Liu បានពន្យល់ប្រាប់ទៅកានក្រុមគណៈប្រតិភូទាំងអស់ថា ៖
«បច្ចុប្បន្នពិភពលោកកំពុងប្រឈមមុខនឹងផលប៉ះពាល់នៃលទ្ធិឯកតោភាគីនិយម និងនយោបាយអំណាចផ្តាច់មុខ ដែលវាជាកត្តានាំមកនូវបញ្ហាប្រឈមធំៗដល់សន្តិសុខ សុខភាពពិភពលោក ប៉ុន្តែ យើងមានលទ្ធិពហុភាគីនិយមប៉ុណ្ណោះដែលនឹងអាចក្លាយទៅជាវិធីសាស្ត្រដោះស្រាយ និងជាច្រកមួយយ៉ាងប្រាកដក្នុងការដោះស្រាយការលំបាកទាំងនោះ»។
គួរឲ្យដឹងដែរថា អង្គការសុខភាពពិភពលោកបានបង្ហាញអំពីរបាយការណ៍កែសម្រួលថវិកាប្រចាំឆ្នាំ២០២៦-២០២៧របស់ខ្លួនរួចហើយ ពោលគឺថយចុះប្រមាណជា២១ភាគរយ មកនៅត្រឹម៤,២ ពាន់លានដុល្លារប៉ុណ្ណោះដោយក្នុងនោះ ដោយសារតែបញ្ហាហិរញ្ញវត្ថុរបស់ខ្លួនដែលបណ្តាលមកពីការសម្រេចចិត្តរបស់រដ្ឋបាល Trump ក្នុងការកាត់បន្ថយជំនួយរបស់អាមេរិកជាមួយនឹង WHO។
ជាលទ្ធផលនៃសន្និបាតរបស់ WHO បានឲ្យដឹងថា ថវិកាថ្មីដែលកំណត់ដោយកិច្ចប្រជុំនៅថ្ងៃអង្គារគឺនឹងត្រូវបង្កើនថ្លៃសេវាចាំបាច់របស់ប្រទេសជាសមាជិកចំនួន២០ភាគរយក្នុងរយៈពេល២ឆ្នាំខាងមុខ ហើយបានរុញច្រានឱ្យប្រទេសចិនក្លាយជាម្ចាស់ជំនួយធំជាងគេជំនួសតំណែងរបស់សហរដ្ឋអាមេរិក។
ទោះបីជាយ៉ាងណាក្តី នៅមិនទាន់មានការបញ្ជាក់ទេថាតើកញ្ចប់ថវិកាជំនួយ៥០០លានដុល្លារដែលប្រកាសដោយប្រទេសចិននោះគឺមានបូកបញ្ចូលទាំងសេវាថ្មី២០ភាគរយដែលបានតម្លើងដោយ WHO ឬយ៉ាងណានោះទេ៕
Account
Security
Favourite Content