កម្ពុជាទទួលបានថវិកាជាតិពីចំណូលពន្ធជិត ១ ១៦០លានដុល្លារនៅក្នុងរយៈពេល

ភ្នំពេញ ៖ នៅក្នុងរយៈពេល ៦ខែនៃឆមាសទី១ ឆ្នាំ២០២១កន្លងទៅនេះ កម្ពុជាទទួលបានថវិកាជាតិតាមរយៈចំណូលពន្ធសរុបជិត ១១៦០លានដុល្លារ មានការធ្លាក់ចុះបន្តិចបើធៀបទៅនឹងរយៈពេលដូចគ្នាកាលពីឆ្នាំ២០២០កន្លងទៅនេះ ដែលបណ្តាលមកពីបញ្ហានៃវិបត្តិកូវីដ និងប៉ះពាល់ដល់វិស័យដឹកជញ្ជូន។

តាមរយៈសេចក្តីប្រកាសព័ត៌មានស្តីពីកិច្ចប្រជុំបូកសរុបការងារគយ និងរដ្ឋាករប្រចាំឆមាសទី១ ឆ្នាំ២០២១ ដែលបានផ្សព្វផ្សាយនៅរសៀលថ្ងៃទី១៥ ខែកក្កដា ឆ្នាំ២០២១នេះ អគ្គនាយកដ្ឋានគយ និងរដ្ឋាករកម្ពុជា (អ.គ.រ) បានបញ្ជាក់ថា ការប្រមូលចំណូលពន្ធបង់ចូលថវិកាជាតិបានចំនួន ៤ ៦៩៥,៨ ប៊ីលានរៀល ស្មើនឹង ១ ១៥៩,៥ លានដុល្លារ ថយចុះប្រមាណ ៨,៩ភាគរយ ធៀបនឹងឆមាសទី១ ឆ្នាំ២០២០។

នៅក្នុងសេចក្តីប្រកាសព័ត៌មាន ដែលបានធ្វើឡើងក្រោយកិច្ចប្រជុំបូកសរុបការងារគយ និងរដ្ឋាករប្រចាំឆមាសទី១ ឆ្នាំ២០២១ បានបញ្ជាក់ថា នៅក្នុងឆមាសទី១ ឆ្នាំ២០២១នេះ ចំណូលប្រមូលបានដោយ អ.គ.រ មានចំនួន ៤ ៦៩៥,៨ ប៊ីលានរៀល ស្មើនឹង ១ ១៥៩,៥ លានដុល្លារ ថយចុះប្រមាណ ៨,៩ភាគរយ ធៀបនឹងឆមាសទី១ ឆ្នាំ២០២០ ដែលសម្រេចបាន ៤៩ភាគរយនៃផែនការឆ្នាំដែលកំណត់ដោយច្បាប់ស្តីពីហិរញ្ញវត្ថុសម្រាប់ការគ្រប់គ្រងឆ្នាំ២០២១។

បើគិតតាមប្រភេទពន្ធ និងអាករ ឃើញថា អាករលើតម្លៃបន្ថែមមានចំនួន ១ ៧៧៥,០១ ប៊ីលានរៀល (ត្រូវជាប្រមាណ ៣៧,៨ភាគរយនៃចំណូលសរុប), អាករពិសេសមាន ១ ៧៦៥,០២ ប៊ីលានរៀល (ត្រូវជា ៣៧,៦ភាគរយនៃចំណូលសរុប), ពន្ធគយមាន ៨៤៧,៦៣ ប៊ីលានរៀល (ត្រូវជា ១៨,១ភាគរយនៃចំណូលសរុប), អាករបន្ថែមលើផលិតផលប្រេងមាន ២១៤ ប៊ីលានរៀល (ត្រូវជា ៤,៥ភាគរយនៃចំណូលសរុប), ហើយអាករនាំចេញ និងកម្រៃផ្សេងៗមាន ៩៤,១៣ ប៊ីលានរៀល (ត្រូវជា ២ភាគរយនៃចំណូលសរុប)។

បើគិតតាមក្រុមទំនិញវិញ ចំណូលពីយានយន្ត និងគ្រឿងចក្រមានចំនួន ១ ៩៨៥,៥ ប៊ីលានរៀល គ្របដណ្តប់ ៤២,៣ភាគរយនៃចំណូលសរុប, ទំនិញចម្រុះមានចំនួន ១ ៣១៦,៣ ប៊ីលានរៀល ត្រូវជា ២៨ភាគរយនៃចំណូលសរុប, ផលិតផលតេលសិលាមានចំនួន ១ ១០១,៩ ប៊ីលានរៀល ស្មើនឹង ២៣,៥ភាគរយនៃចំណូលសរុប និងសម្ភារៈសំណង់ និងកម្រៃផ្សេងៗ មានចំនួន ២៩២,២ ប៊ីលានរៀល ស្មើនឹង ៦,២ភាគរយនៃចំណូលសរុប។

បើពិនិត្យមើលតួលេខនៃទំហំពាណិជ្ជកម្មអន្តរជាតិក្នុងឆមាសទី១ ឆ្នាំ២០២១ ធៀបនឹងឆមាសទី១ ឆ្នាំ២០២០ មានដូចខាងក្រោម៖

* ការនាំចេញផលិតផលកាត់ដេរមានចំនួន ៤ ៧២១,៤ លានដុល្លារអាមេរិក កើនឡើងប្រមាណ ៤០,១ លានដុល្លារអាមេរិក ស្មើនឹង ០,៩ភាគរយ,

* ការនាំចេញផលិតផលវិនិយោគមិនមែនកាត់ដេរ (ដូចជា កង់ គ្រឿងបំណែកអេឡិចត្រូនិក បង្គុំខ្សែភ្លើង គ្រឿងបន្លាស់រថយន្ត អំពូលលម្អ កុងផ្លាកេ និងផលិតផលឧស្សាហកម្មផ្សេងៗទៀត) មានចំនួន ១ ៨៩៩,៧ លានដុល្លារអាមេរិក កើនឡើងប្រមាណ ៦៣២,៥ លានដុល្លារអាមេរិក ស្មើនឹង ៤៩,៩ភាគរយ។

កំណើនល្អប្រសើរនៃការនាំចេញផលិតផលវិនិយោគមិនមែនកាត់ដេរបានឆ្លុះបញ្ចាំងពីលទ្ធផលនៃការអនុវត្តគោលនយោបាយរបស់រាជរដ្ឋាភិបាលក្នុងការធ្វើពិពិធកម្មវិស័យឧស្សាហកម្មនៅកម្ពុជា។

ដោយឡែកការនាំចេញកសិផលមានចំនួន ១ ៥៨០,៦ លានដុល្លារអាមេរិក កើនឡើងប្រមាណ ៦១៧,៦ លានដុល្លារអាមេរិក ឬ ៦៤,១៣ភាគរយ ក្នុងនោះរួមមាន៖

ទី១៖ ស្រូវនាំចេញមានចំនួន ១,៦៩ លានតោន មានតម្លៃ ៤២៥,១ លានដុល្លារអាមេរិក កើនឡើងប្រមាណ ១ ០១៩,៧ ពាន់តោន (១៥១,៧ភាគរយ) ឬស្មើនឹងប្រមាណជា ២៨៥,១ លានដុល្លារអាមេរិក (២០៣,៥ភាគរយ)

ទី២៖ ការនាំចេញអង្ករសម្រេចបាន ២៩១,១ ពាន់តោន មានតម្លៃ ២០៤,២ លានដុល្លារអាមេរិក ថយចុះប្រមាណ ៧៨,១ ពាន់តោន (២១,២ភាគរយ) ឬប្រមាណ ៦០,៥ លានដុល្លារអាមេរិក (២២,៩ភាគរយ)

ទី៣៖ កៅស៊ូនាំចេញមានចំនួន ១០២,៨ ពាន់តោន មានតម្លៃ ១៥៧,៦ លានដុល្លារអាមេរិក កើនឡើងប្រមាណ ៤៥,៦ ពាន់តោន (៧៩,៧ភាគរយ) ឬប្រមាណ ៨៧ លានដុល្លារអាមេរិក (១២៣,២ភាគរយ)

ទី៤៖ កសិផលផ្សេងទៀត មានចំនួន ៣ ៥៩២,៧ ពាន់តោន មានតម្លៃ ៧៩៣,៧ លានដុល្លារអាមេរិក កើនឡើងប្រមាណ ១ ១៤១,៩ ពាន់តោន (៤៦,៦ភាគរយ) ឬប្រមាណ ៣០៦ លានដុល្លារអាមេរិក (៦២,៨ភាគរយ)៕

លោក អ៊ា សុវណ្ណារ៉ា | Mr. Ea Sovannara

ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។

របាយការណ៍ថ្មីៗ

មើលទាំងអស់ ➧

អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ

បទយកការណ៍, ហិរញ្ញវត្ថុ

• 09/04/2026

អ្នកជំនាញឌីជីថល លើកទឹកចិត្តឱ្យប្រើអ៊ីនធឺណិតផ្ទាល់ខ្លួន ដើម្បីមានសុវត្ថិភាពជាងការប្រើ Wifi សាធារណៈ

បទយកការណ៍, ហិរញ្ញវត្ថុ

• 10/03/2026

អ្នកជំនាញ ណែនាំឱ្យចេះសន្សំប្រាក់ដើម្បីត្រៀមបង្កាទុកដោះស្រាយបញ្ហាដែលអាចកើតមានជាយថាហេតុ

បទយកការណ៍, ហិរញ្ញវត្ថុ

• 16/02/2026

ការដាំបន្លែជាលក្ខណៈគ្រួសារ ទទួលបានបន្លែសុវត្ថិភាពសម្រាប់ទទួលទានផង និងអាចរកចំណូលបានទៀត

ជំនួញ, បទយកការណ៍

• 20/11/2025

ចំណេះដឹងកសិកម្ម ៖ ងាយៗបច្ចេកទេសផលិតស្កររងូ សម្រាប់ផលិតមេជី និងមេចំណីសត្វ

ជំនួញ, បទយកការណ៍

• 19/11/2025

ដាំស្លឹកគ្រៃ លក់បានទាំងដើម ហើយយកស្លឹកចម្រាញ់ប្រេងលក់បានទៀត

ជំនួញ, បទយកការណ៍

• 18/11/2025

ស្វែងយល់ពីបច្ចេកទេសងាយៗក្នុងការផលិតថ្នាំពុលធម្មជាតិសម្រាប់ការពារដំណាំយកស្លឹកពីសត្វល្អិត

ជំនួញ, បទយកការណ៍

• 17/11/2025

Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន

បទយកការណ៍, អាជីវកម្មថ្មី និងនវានុវត្ត

• 16/10/2024

អាជីវកម្មយកសំបុកត្រចៀកកាំក្នុងស្រុកកំពុងមានទីផ្សារ

ជំនួញ, បទយកការណ៍

• 15/12/2023

ព័ត៌មានទូទៅ

មើលទាំងអស់ ➧

ប៊ុលហ្គារី នឹងអនុវត្តគម្រោងទំនើបកម្មយោធាសំខាន់ចំនួន ៩ តាមរយៈមូលនិធិអឺរ៉ុប SAFE

ព្រឹត្តិការណ៍, អាជីវកម្មថ្មី និងនវានុវត្ត

• 16/07/2026

រដ្ឋាភិបាលទីក្រុងសូហ្វៀ នឹងចុះហត្ថលេខាលើកិច្ចព្រមព្រៀងមួយដើម្បីប្រើប្រាស់មូលនិធិរបស់អឺរ៉ុបដែលការអនុម័តនេះនឹងផ្តល់ហិរញ្ញប្បទានដល់គម្រោងសំខាន់ៗចំនួន ៩ សម្រាប់ការធ្វើទំនើបកម្មនៃកងកម្លាំងយោធារបស់ប្រទេសប៊ុលហ្ការី

ក្រសួងរ៉ែ និងថាមពល ផ្តល់សិទ្ធិវិនិយោគធ្វើអាជីវកម្មរ៉ែមាសថ្មីដល់ក្រុមហ៊ុន APEX POWER នៅមណ្ឌលគិរី

ព្រឹត្តិការណ៍, សេដ្ឋកិច្ច

• 16/07/2026

ក្រសួងរ៉ែ និងថាមពល បានផ្តល់សិទ្ធិវិនិយោគដល់ក្រុមហ៊ុន APEX POWER CO., LTD ដើម្បីធ្វើអាជីវកម្មរ៉ែមាស ដោយមានរយៈពេលអាជ្ញាបណ្ណ៥ឆ្នាំ លើផ្ទៃដី១.៩៥៧ ហិកតា ស្ថិតនៅតំបន់មេសំ ឃុំចុងផ្លាស់ ស្រុកកែវសីមា ខេត្តមណ្ឌលគិរី

កម្ពុជា-ចិន ចុះហត្ថលេខាជាផ្លូវការ បើកផ្លូវនាំចេញផ្លែខ្នុរស្រស់ទៅកាន់ទីផ្សារប្រទេសចិន

ព្រឹត្តិការណ៍, សេដ្ឋកិច្ច

• 16/07/2026

ប្រទេសកម្ពុជា និងចិន បានចុះហត្ថលេខាជាផ្លូវការលើពិធីសារភូតគាមអនាម័យ ដើម្បីបើកផ្លូវឱ្យមានការនាំចេញផ្លែខ្នុរស្រស់ ពីកម្ពុជាទៅកាន់ទីផ្សារប្រទេសចិន

អ្នកជំនាញអចលនទ្រព្យ៖ យុវជន Gen Z នឹងក្លាយជាសក្ដានុពលដ៏ធំសម្រាប់ទីផ្សារខុនដូនៅកម្ពុជា

ព្រឹត្តិការណ៍, អចលនទ្រព្យ

• 16/07/2026

ការអភិវឌ្ឍខុនដូនៅក្នុងប្រទេសកម្ពុជាមានកំណើនគួរឱ្យកត់សម្គាល់ក្នុងរយៈពេលជាង ១ ទសវត្សរ៍កន្លងមកនេះ ដោយវិនិយោគិនទាំងក្នុងនិងក្រៅប្រទេសបានសម្រុកអភិវឌ្ឍ ដើម្បីផ្គត់ផ្គង់នៅលើទីផ្សារ ប៉ុន្តែសម្រាប់អតិថិជនដែលមានតម្រូវការខុនដូនៅកម្ពុជា ភាគច្រើនជាអតិថិជនបរទេស ខណៈអតិថិជនក្នុងស្រុកមានចំនួនតិចតួចប៉ុណ្ណោះ

ពលរដ្ឋអាម៉េរិកកាន់តែច្រើនលែងមានជំនឿចិត្តលើប្រទេសអាម៉េរិកខ្លួនឯង

ព្រឹត្តិការណ៍, អាជីវកម្មថ្មី និងនវានុវត្ត

• 16/07/2026

អាម៉េរិកកំពុងគ្របដណ្តប់ដោយក្តីបារម្ភយ៉ាងខ្លាំងពីសំណាក់សាធារណជនដែលជាជនជាតិអាម៉េរិកខ្លួនឯងចំពោះបញ្ហាជាច្រើនដូចជាលទ្ធិប្រជាធិបតេយ្យ ស្ថិរភាពសេដ្ឋកិច្ច និងឯកភាពជាតិ

សាជីវកម្មហិរញ្ញវត្ថុអន្តរជាតិ បន្តគាំទ្រវិស័យហិរញ្ញវត្ថុនៅកម្ពុជា

ព្រឹត្តិការណ៍, ហិរញ្ញវត្ថុ

• 16/07/2026

សាជីវកម្មហិរញ្ញវត្ថុអន្តរជាតិ (IFC) បានរួមចំណែកពង្រីកលទ្ធភាពទទួលបានសេវាហិរញ្ញវត្ថុផ្លូវការ និងលើកកម្ពស់ជីវភាពរស់នៅរបស់ប្រជាពលរដ្ឋកម្ពុជា

កំណើនសេដ្ឋកិច្ចចិន សម្រេចបានអត្រាទាបបំផុតក្នុងប្រវត្តិសាស្ត្រ

ព្រឹត្តិការណ៍, សេដ្ឋកិច្ច

• 16/07/2026

កំណើនសេដ្ឋកិច្ចចិននៅក្នុងត្រីមាសទីពីរសម្រេចបានត្រឹម ៤,៣ ភាគរយប៉ុណ្ណោះ ដែលជាអត្រាទាបបំផុតមួយក្នុងប្រវត្តិសាស្ត្រ និងក្រោមគោលដៅរបស់រដ្ឋាភិបាលបានកំណត់ចន្លោះពី ៤,៥ ភាគរយដល់ ៥ ភាគរយ

ស្វែងយល់ពី RPL ៖ អត្ថប្រយោជន៍នៃការធ្វើតេស្ដ និងឱកាសការងារសម្រាប់អតីតពលករខ្មែរមកពីប្រទេសថៃ

ព្រឹត្តិការណ៍, សេដ្ឋកិច្ច

• 15/07/2026

ក្រសួងការងារ និងបណ្តុះបណ្តាលវិជ្ជាជីវៈ បានរៀបចំការវាយតម្លៃទទួលស្គាល់ជំនាញពីមុន(RPL) ដោយឥតគិតថ្លៃលើ ៨មុខជំនាញក្នុងវិស័យសំណង់ចាប់តាំងពីខែមេសា ឆ្នាំ២០២៦

កំណើនការនាំចេញរបស់ចិនហក់ឡើងខ្លាំង ដោយសារតម្រូវការបច្ចេកវិទ្យាបញ្ញាសិប្បនិម្មិត AI

ព្រឹត្តិការណ៍, សេដ្ឋកិច្ច

• 15/07/2026

ការនាំចេញរបស់ចិននៅក្នុងខែមិថុនា កើនឡើងក្នុងល្បឿនលឿនរហូតដល់ ២៧% បើធៀបនឹងរយៈពេលដូចគ្នាកាលពីឆ្នាំមុន ដែលជំរុញដោយសារការផ្ទុះឡើងនៃតម្រូវការបច្ចេកវិទ្យាបញ្ញាសិប្បនិម្មិត (AI)

ជម្លោះអាម៉េរិក-អ៊ីរ៉ង់ឡើងកម្ដៅកាន់តែខ្លាំង រុញឱ្យតម្លៃប្រេងឆៅហក់ឡើងដល់ជាង ៨០ ដុល្លារ/មួយបារ៉ែល

ព្រឹត្តិការណ៍, សេដ្ឋកិច្ច

• 15/07/2026

តម្លៃប្រេងឆៅបន្តឡើងថ្លៃជាង ៨០ ដុល្លារក្នុងមួយបារ៉ែលនៅថ្ងៃពុធនេះ បន្ទាប់ពីប្រធានាធិបតីអាម៉េរិក លោក ដូណាល់ ត្រាំ ដាក់ពង្រាយកងទ័ពជើងទឹកដើម្បីបិទខ្ទប់កំពង់ផែទាំងអស់របស់អ៊ីរ៉ង់ឡើង