សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ត្រីឆ្លូញ ជាប្រភេទត្រីដ៏មានទីផ្សារខ្ពស់ដោយសារគេនិយមទទួលទានច្រើន ត្បិតត្រីប្រភេទនេះ មានសាច់ត្រីស្វិតល្អ រសជាតិឆ្ងាញ់ និងមិនមានឆ្អឹងល្អិតនោះទេ។ ដោយសារតែមានតម្រូវការទីផ្សារខ្ពស់ និងមានតម្លៃថ្លៃ បច្ចុប្បន្ននេះ ត្រីឆ្លូញត្រូវបានកសិករ ឬវារីវប្បករមួយចំនួនបានធ្វើការចិញ្ចឹមតាមវិធីផ្សេងគ្នា ប៉ុន្តែអ្វីដែលគួរឱ្យកត់សម្គាល់នោះគឺវិធីចិញ្ចឹមក្នុងអាងស៊ីម៉ងត៍ ដែលមិនសូវពិបាកថែទាំ និងអាចទទួលបានទិន្នផលខ្ពស់។
សម្រាប់វិធីសាស្ត្រនៃការចិញ្ចឹមត្រីឆ្លូញនៅក្នុងអាងស៊ីម៉ងត៍បាន ជាដំបូងគេត្រូវការរៀបចំអាងសម្រាប់ចិញ្ចឹមដែលមានទំហំធំល្មមអាចដាក់ពូជត្រីចូលបាន ហើយអាងត្រូវមានកម្ពស់ប្រមាណ ៧តឹក ចៀសវាងត្រីអាចលោតចេញ។ ក្រៅពីនេះ គេត្រូវរៀបចំប្រព័ន្ធបញ្ចេញបញ្ចូលទឹកឱ្យបានល្អ ដើម្បីងាយស្រួលផ្លាស់ប្តូរទឹកកុំឱ្យស្អុយដែលបង្កឡើងដោយសារការដាក់ចំណីឱ្យត្រីស៊ី។
ក្រៅពីនេះ គេត្រូវប្រើប្រភេទដីស្អិតទ្រាប់នៅបាតអាង ដែលជាប្រភេទដីយកពីបាតត្រពាំង ឬបឹង ហើយដាក់ចូលកម្រាស់ប្រមាណ ២តឹក រួចចាក់ទឹកចូលកម្ពស់៤តឹក។ ជាចុងក្រោយ គេអាចបន្ថែមរុក្ខជាតិទឹកចូល ដូចជា កំប្លោក ចក និងត្រកួនទឹកមួយចំនួនដាក់ក្នុងអាង ដែលធ្វើយ៉ាងណាឱ្យបរិស្ថានក្នុងអាងមានសភាពដូចក្នុងប្រភពទឹកធម្មជាតិដែរ។
ចំពោះពូជត្រីវិញ គេអាចទិញកូនត្រីពូជស្រាប់ៗពីកសិដ្ឋានបង្កាត់ពូជត្រី ឬអាចទិញមេ និងបាត្រីដែលធំល្អពីផ្សារមកចិញ្ចឹមយកពូជកូនដោយខ្លួនឯងក៏បាន។ សម្រាប់កូនត្រីដែលមានអាយុ ៣សប្តាហ៍ឡើងទៅគេអាចដាក់ចូលក្នុងអាងចិញ្ចឹមដែលបានរៀបចំដូចខាងលើជាការស្រេច។
ពាក់ព័ន្ធទៅនឹងការថែទាំ គេត្រូវផ្លាស់ប្តូរទឹកចេញរៀងរាល់មួយសប្តាហ៍ម្តង ដែលធ្វើយ៉ាងណាកុំឱ្យទឹកក្នុងអាងស្អុយអាចបង្កជាបញ្ហាដល់ត្រីចិញ្ចឹមក្នុងអាង។ ចំណែកការដាក់ចំណីវិញ ចំណីរបស់ត្រីឆ្លូញគេអាចរកបានងាយៗ ដូចជា កាកសំណល់ត្រីសាច់ផ្សេងៗ ជាពិសេសពពួកសត្វជន្លេនដែលសម្បូរទៅដោយប្រូតេអ៊ីន ជួយធ្វើឱ្យត្រីឆ្លូញឆាប់លូតលាស់ធំធាត់លឿន និងមានសុខភាពល្អ។
ដោយឡែកការដាក់ចំណីទៀតសោត គេត្រូវដាក់ ២ដងក្នុងមួយថ្ងៃ ពោលគឺរៀងរាលព្រឹក និងល្ងាច ធ្វើយ៉ាងណាឱ្យត្រីស៊ីចំណីបានគ្រប់គ្រាន់ ឆាប់លូតលាស់ តែក៏មិនត្រូវដាក់ចំណីច្រើនជ្រុលដែលធ្វើឱ្យខូចទឹកនោះដែរ។ ចំណែកឯរយៈពេលចិញ្ចឹមវិញ គេត្រូវការរយៈពេលប្រមាណ ៦-៧ខែ ទើបត្រីធំធាត់ល្អដែលអាចប្រមូលផលយកទៅលក់នៅលើទីផ្សារបាន។ នេះជាវិធីងាយៗក្នុងការចិញ្ចឹមត្រីឆ្លូញក្នុងអាងស៊ីម៉ង់ត៍ដែលរៀបចំបាននៅជុំវិញផ្ទះ ឬផ្ទៃដីទំនេរ ដោយប្រើកាកសំណល់ផ្ទះបាយធ្វើជាចំណីដើម្បីកាត់បន្ថយថ្លៃទិញចំណីត្រី និងអាចទទួលបានទិន្នផលល្អ បង្កើនចំណូលក៏ដូចជាលើកកម្ពស់សេដ្ឋកិច្ចគ្រួសារបានយ៉ាងប្រសើរ៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន
បទយកការណ៍, អាជីវកម្មថ្មី និងនវានុវត្ត
• 16/10/2024
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ
ព័ត៌មានទូទៅ
មើលទាំងអស់ ➧
ម្ហូបឌីមសាំ ប៉ះជាមួយគ្រឿងទេសកំពត បង្កើតរសជាតិឆ្ងាញ់ ប្លែក និងច្នៃប្រឌិត
ព្រឹត្តិការណ៍, អត្ថបទពាណិជ្ជកម្ម
• 03/04/2026
ដើម្បីអបអរសាទរ និងលើកកម្ពស់រសជាតិអាហារបែប "Glocal" (ការរួមបញ្ចូលគ្នារវាងរសជាតិសកល និងរសជាតិក្នុងស្រុក) កាលពីល្ងាចថ្ងៃទី២ ខែមេសា ឆ្នាំ២០២៦ ភោជនីយដ្ឋាន Yi Sang ដែលទើបនឹងសម្ពោធថ្មីៗស្ថិតនៅក្នុងអាកាសយានដ្ឋានអន្តរជាតិតេជោ
អ៊ីរ៉ង់ បានបាញ់ទម្លាក់ F-35 របស់អាម៉េរិកយ៉ាងជោគជ័យ ក្រោយការចែករំលែកទិចនិកបាញ់ពីសំណាក់អ្នកជំនាញចិន
ព្រឹត្តិការណ៍, អាជីវកម្មថ្មី និងនវានុវត្ត
• 03/04/2026
វិស្វករជនជាតិចិនម្នាក់បានធ្វើឱ្យមានការភ្ញាក់ផ្អើលយ៉ាងខ្លាំងនៅលើបណ្តាញសង្គម បន្ទាប់ពីបានបង្ហោះវីដេអូបង្រៀនលម្អិតអំពីរបៀបបាញ់ទម្លាក់យន្តហោះចម្បាំងបំបាំងកាយទំនើបបំផុត F-35 របស់សហរដ្ឋអាម៉េរិក។
ក្រោយបញ្ចប់ការចុះបញ្ជីទូទាំងប្រទេស ក្រសួងដែនដីបន្តបេសកកម្មផ្សេងទៀត ដើម្បីឱ្យពលរដ្ឋរស់នៅកាន់តែស្រួល តជំនាន់
Top News, ព្រឹត្តិការណ៍, អចលនទ្រព្យ
• 02/04/2026
ក្រសួងរៀបចំដែនដី នគរូបនីយកម្ម និងសំណង់ នឹងបន្តបេសកកម្មធ្វើការងារផ្សេងទៀត ដើម្បីធ្វើយ៉ាងណាឱ្យប្រទេសជាតិ ក៏ដូចជាប្រជាពលរដ្ឋកម្ពុជាទាំងអស់រស់នៅប្រកបដោយសុខុដុមរមនាទាំងអស់គ្នា និងតជំនាន់
Hacker កូរ៉េខាងជើង អាចលួចបញ្ចូល bug software ទៅក្នុងដំណើរប្រតិបត្តិការក្រុមហ៊ុនរាប់ពាន់នៅអាម៉េរិក
ព្រឹត្តិការណ៍, អាជីវកម្មថ្មី និងនវានុវត្ត
• 02/04/2026
អ្នកជំនាញអាម៉េរិកថា hackers របស់កូរ៉េខាងជើងកំពុងប្រើប្រាស់ software មួយប្រភេទដែលមានផ្ទុកទៅដោយមេរោគ ឬ bug ជាយុទ្ធសាស្ត្ររបស់ខ្លួនដំណើរការនៅក្នុងក្រុមហ៊ុនរាប់ពាន់នៅសហរដ្ឋអាម៉េរិក
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content