សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ តាមរយៈចលនាភូមិមួយផលិតផលមួយ ដែលជាវេទិកាផ្គូរផ្គងរវាងក្រុមអ្នកផលិត និងអ្នកទិញ ធ្វើយ៉ាងណារកទីផ្សារសម្រាប់អ្នកផលិតក្នុងស្រុក និងសហគ្រាសធុនមីក្រូ តូច និងមធ្យម មានគោលដៅជំរុញបន្ថែមនូវវិស័យចំណីអាហារ និងភេសជ្ជៈសម្រាប់ឆ្នាំ២០២៤នេះ។
ឯកឧត្តម បណ្ឌិត សួង ណយ អគ្គលេខាធិការរងគណៈកម្មាធិការជាតិជំរុញចលនាភូមិមួយផលិតផលមួយនៃទីស្ដីការគណៈរដ្ឋមន្ដ្រីបានមានប្រសាសន៍ទាក់ទងនឹងអាជីវកម្មដែលជាគោលដៅសម្រាប់ឆ្នាំ២០២៤នេះថា៖
«សម្រាប់ឆ្នាំ២០២៤នេះ យើងនឹងជំរុញខ្លាំងជាងគេទៅលើផ្នែកចំណីអាហារ ភេសជ្ជៈ សម្ភារប្រើប្រាស់ និងសម្លៀកបំពាក់ ពោលគឺយើងជំរុញគ្រប់ផ្នែកទាំងអស់ តែយើងផ្ដោតទៅលើផ្នែកចំណីអាហារ និងភេសជ្ជៈនេះខ្លាំងជាងគេ ព្រោះវាជាតម្រូវការចាំបាច់សម្រាប់បងប្អូនយើងជារៀងរាល់ថ្ងៃ»។
ចំពោះគណៈកម្មាធិការជាតិជំរុញចលនាភូមិមួយផលិតផលមួយ បានបំពេញតួនាទីយ៉ាងសកម្មក្នុងការសម្របសម្រួលជាមួយក្រសួង ស្ថាប័នជំនាញ និងដៃគូពាក់ព័ន្ធក្នុងការរៀបចំគោលនយោបាយ និងដាក់ចេញនូវយុទ្ធសាស្ត្រនានា សំដៅលើកកម្ពស់ផលិតផលខ្មែរនៅតាមមូលដ្ឋានតាមរយៈការពង្រឹងនូវសសរស្ដម្ភចំនួន ៣ ដល់សហគមន៍ គឺការជំរុញគំនិតច្នៃប្រតិដ្ឋ និងនវានុវត្តន៍ ការព្រឹងស្មារតីម្ចាស់ការដល់សហគមន៍ និងការអភិវឌ្ឍសមត្ថភាពសហគមន៍។
សូមរំលឹកដែរថា គិតចាប់តាំងពីឆ្នាំ២០០៦ មកដល់ចុងឆ្នាំ២០២៣នេះ ចលនាភូមិមួយផលិតផលមួយមានក្រុមផលិតចំនួន ៦០២ ស្ថិតនៅក្នុងវិស័យកសិកម្ម ឧស្សាហកម្ម និងសេវាកម្ម រួមមានក្រុមភេសជ្ជៈ និងចំណីអាហារ ៣៦៤, ក្រុមអនុស្សាវរីយ៍ និងវត្ថុសិប្បៈចំនួន៤២, ក្រុមឱសថបុរាណ និងអាហារបំប៉នចំនួន១៦, ក្រុមវាយនភ័ណ្ឌ ៣០, ក្រុមគ្រឿងសម្អាង ៨, ក្រុមសេវាកម្ម៧៣, ក្រុមសង្ហារិម៦ និងក្រុមទូទៅផ្សេងទៀតចំនួន៦៣៕
Account
Security
Favourite Content