សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ កាលពីថ្ងៃអាទិត្យចុងសប្តាហ៍កន្លងមកនេះ ប្រធានាធិបតីបារាំង លោក Emmanuel Macron បានប្រកាសអំពីការសម្រេចចិត្តរបស់រដ្ឋាភិបាលក្នុងការបង្កើនប្រាក់ចំណាយថ្មីបន្ថែមប្រមាណជា ៦,៥ពាន់លានអឺរ៉ូ ឬត្រូវជា ៧,៦ពាន់លានដុល្លារអាម៉េរិកពីលើខ្ទង់ចំណាយដែលមាននៅក្នុងផែនការស្រាប់សម្រាប់រយៈពេល២ឆ្នាំខាងមុខ។
មេដឹកនាំបារាំងបានពន្យល់អំពីមូលហេតុសំខាន់ៗដែលនាំឲ្យមានការបង្កើនថវិកាលើវិស័យយោធាដ៏ច្រើននៅពេលនេះគឺដើម្បីអនុញ្ញាតឲ្យបារាំងមានសមត្ថភាពគ្រប់គ្រាន់ក្នុងការត្រៀមខ្លួនជាមុន និងទប់ទល់ទៅនឹងការគំរាមកំហែងខាងក្រៅរាប់ចាប់ពីប្រទេសរុស្ស៊ីទៅដល់ការរីកសាយភាយកម្មវិធីផលិតនុយក្លេអ៊ែរ, បញ្ហាភេវរកម្មអន្តរជាតិ និងការវាយប្រហារតាមបណ្តាញអ៊ីនធឺណេតផងដែរ។
លោក Macron បានបង្ហាញអំពីផែនការចំណាយនេះនៅក្នុងសុន្ទរកថាដ៏សំខាន់មួយដើម្បីអំពាវនាវឱ្យមានកិច្ចខិតខំប្រឹងប្រែងកាន់តែខ្លាំងដើម្បីការពារអឺរ៉ុប និងគាំទ្រអ៊ុយក្រែនក្នុងសង្គ្រាមប្រឆាំងនឹងការឈ្លានពានយ៉ាងពេញទំហឹងរបស់រុស្ស៊ី។
លោកបានអះអាងថា ប្រទេសបារាំងមានបំណងចំណាយទៅដល់ ៦៤ពាន់លានអឺរ៉ូ ឬប្រហែលជា ៧៤,៨ ពាន់លានដុល្លារអាម៉េរិកក្នុងការចំណាយលើវិស័យការពារជាតិប្រចាំឆ្នាំនៅត្រឹមឆ្នាំ២០២៧ ដែលជាឆ្នាំចុងក្រោយនៃអាណត្តិទីពីររបស់លោក។ ទំហំនេះនឹងកើនឡើងទ្វេដងនៃការចំណាយប្រចាំឆ្នាំចំនួន៣២ ពាន់លានអឺរ៉ូនៅពេលដែលគាត់បានក្លាយជាប្រធានាធិបតីសាជាថ្មីកាលពីឆ្នាំ២០១៧។ លោកបានទទូចថា បារាំងអាចបញ្ចេញប្រាក់ដើម្បីចំណាយលើវិស័យយោធាបានច្រើនជាងនេះបើទោះជាប្រទេសនៅកំពុងបន្តព្យាយាមទម្លាក់បំណុលជាតិយ៉ាងច្រើនក៏ដោយ។
គណបក្សអភិរក្សនិយម និងស្តាំជ្រុលបានគាំទ្រការចំណាយលើវិស័យការពារជាតិកាន់តែច្រើន ខណៈដែលគណបក្សឆ្វេងនិយមធ្លាប់បានធ្វើការចោទប្រកាន់រដ្ឋាភិបាលរបស់លោកថា បានលះបង់អត្ថប្រយោជន៍សុខុមាលភាពសង្គមយ៉ាងច្រើនទៅលើការដោះដូរសម្រាប់ចំណាយយោធាវិញ។
បច្ចុប្បន្នមេដឹកនាំអឺរ៉ុបបាននាំគ្នាមើលឃើញថា តំបន់អឺរ៉ុបកំពុងស្ថិតក្នុងគ្រោះថ្នាក់ដោយសារតែសង្គ្រាមរបស់រុស្ស៊ីនៅអ៊ុយក្រែន និងសង្រ្គាមនៅមជ្ឈិមបូព៌ា និងដោយសារតែសហរដ្ឋអាម៉េរិកនៅតែបន្តបង្ហាញភាពដឹកនាំមិនច្បាស់លាស់មួយនៅឡើយ។ នេះបើយោងតាមការបញ្ជាក់ដោយលោក Macron ។ គួរឲ្យដឹងដែរថា លោក Macron ក៏បានបញ្ជាឱ្យមន្ត្រីយោធា និងការពារជាតិកំពូលរបស់បារាំងចាប់ផ្តើម សន្ទនាជាយុទ្ធសាស្ត្រជាមួយដៃគូអឺរ៉ុបអំពីតួនាទីដែលឃ្លាំងអាវុធនុយក្លេអ៊ែររបស់បារាំងអាចដើរតួក្នុងកិច្ចការពារអឺរ៉ុប។ ជាលទ្ធផលមួយក្នុងចំណោមការចរចាជាច្រើននោះ ប្រទេសបារាំង និងអង់គ្លេសបានព្រមព្រៀងគ្នាកាលពីថ្មីៗនេះរួចមកហើយ ដើម្បីសហការលើបញ្ហាការពារជាតិដោយប្រើប្រាស់ក្បាលគ្រាប់នុយក្លេអ៊ែរ៕
Account
Security
Favourite Content