សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
កោះកុង ៖ សហគមន៍អេកូទេសចរណ៍ជីផាត ដែលស្ថិតនៅក្នុងខេត្តកោះកុង គឺជាសហគមន៍ដ៏ចំណាស់មួយ ដែលត្រូវបានបង្កើតឡើងតាំងពីឆ្នាំ២០០៧មកម្ល៉េះ ហើយក្រោយពីបានបង្កើតបានប្រមាណ១ឆ្នាំ សហគមន៍មួយនេះបានទាក់ទាញអ្នកទេសចរជាច្រើនទៅលេងកម្សាន្ត និងបានបង្កើនចំណូលដល់ប្រជាសហគមន៍តាមរយៈការផ្គត់ផ្គង់ចំណីអាហារ និងការផ្តល់សេវាកម្មផ្សេងៗ។
ពីមួយឆ្នាំទៅមួយឆ្នាំ តំបន់នេះទទួលបានចំណូលកើនឡើងជាលំដាប់ ហើយចំណូលទាំងនោះបាន ចាក់ចូលទៅក្នុងសហគមន៍ កែប្រែតំបន់ធម្មជាតិមួយនេះឱ្យកាន់តែមានសក្កានុពលសម្រាប់វិស័យទេសចរណ៍បែបធម្មជាតិគួរជាទីទាក់ទាញ។
បើតាមការឱ្យដឹងពីសំណាក់ប្រធានសហគមន៍អេកូទេសចរណ៍ជីផាតបានឱ្យដឹងថា ក្នុងចំណោមប្រជាជនទាំង ៦៤០ គ្រួសារ មានប្រជាជន ៣៣២ គ្រួសារហើយជាអ្នកទទួលផលដោយផ្ទាល់ ដែលសំដៅលើម្ចាស់ផ្ទះស្នាក់ ម្ចាស់បឹងហ្គាឡូ ចុងភៅ និងអ្នកជូនភ្ញៀវដើរជាដើម ហើយចំណែកឯគ្រួសារប្រមាណជាពាក់កណ្ដាលផ្សេងទៀត គឺជាអ្នកទទួលផលដោយប្រយោល។
លោក អ៊ន សុវណ្ណ ប្រធានសហគមន៍អេកូទេសចរណ៍ជីផាត បានគូសបញ្ជាក់ថា ៖
“ប្រជាជនទាំង ៦៤០ គ្រួសារ សុទ្ធតែមានចំណែកក្នុងការទទួលផលពីវិស័យទេសចរណ៍ ដូច្នេះហើយ ពួកគេមានជីវភាពធូធារច្រើនជាងមុន។ សហគមន៍ជីផាតគ្រប់គ្រងលើ៤ភូមិ ពោលគឺឃុំទាំងមូលតែម្ដង ហើយដែលមុនពេលកកើតតំបន់ទេសចរណ៍នេះឡើង ប្រជាជនភាគច្រើនប្រកបរបរធ្វើកសិកម្ម និងនេសាទ។ ប៉ុន្តែយ៉ាងណា មុខរបរទាំងនេះមិនសូវជាផ្ដល់ចំណូលទៀងទាត់ជូនប្រជាសហគមន៍នោះទេ ម្លោះហើយបានជាជីវភាពពួកគាត់ក៏មិនសូវជាធូរធាដូចបច្ចុប្បន្ននេះដែរ”
សម្រស់ធម្មជាតិយ៉ាងបំព្រង ដូចជា ព្រៃឈើ ភ្នំ ទឹកជ្រោះ និងទឹកព្រែក បានជំរុញតំបន់មួយនេះឱ្យកាន់តែមានភាពល្បីរន្ទឺ ព្រមទាំងជាតំបន់ ដែលមានសក្កានុពលច្រើនប្រភេទផងដែរ។ ភ្ញៀវដែលទៅលេងអាចដកស្រង់បទពិសោធន៍ខុសៗគ្នា ដូចជា ជិះកង់ ឡើងភ្នំ ដើរផ្សងព្រេង ចូលល្អាងភ្នំ លេងទឹកជ្រោះ និងជិះទូកកាយ៉ាកតាមដៃព្រែកជាដើម។ ដូច្នេះហើយ វាមិនមែនជារឿងចម្លែកទេ ដែលតំបន់នេះអាចចិញ្ចឹមមនុស្សបានរាប់ពាន់នាក់។
លោក អ៊ន សុវណ្ណ បានឱ្យដឹងទៀតថា ៖
“ក្នុងមួយឆ្នាំ យើងបានទទួលភ្ញៀវចន្លោះពី ៣ ២០០ នាក់ ទៅ ៣ ៥០០ នាក់ ដែលមានទាំងភ្ញៀវខ្មែរ និងបរទេសលាយឡំគ្នា ហើយភាគច្រើនពួកគេមកជាក្រុមៗ កម្រមានអ្នកមកគ្នាតិចណាស!”
ជាការគួរឱ្យកត់សម្គាល់ នៅពេលទំនេរតែពីការងារបម្រើសេវាកម្មទេសចរណ៍ ប្រជាសហគមន៍មួយចំនួនបានដាំដុះបន្លែ និងឈើហូបផ្លែនៅជុំវិញផ្ទះ ឬដីនៅទំនេរ ហើយនៅពេលទទួលបានផលគឺយកលក់ទៅឱ្យភ្ញៀវដែលមកកម្សាន្ដ ដូច្នេះពួកគេមានទីផ្សារស្រាប់ៗតែម្ដង។ លើសពីនេះទៅទៀត ដំណាំ បន្លែបង្កាទាំងនោះត្រូវបានដាំដុះលើដីភ្នំដែលមានជីវជាតិ និងមានការថែទាំយ៉ាងដិតដល់ពីកសិករ ដូច្នោះហើយ ផលដែលទទួលបានគឺមានគុណភាពល្អ និងមានឱជារសឆ្ញាញ់ មិនមានសារជាតិគីមី ជាហេតុធ្វើឱ្យភ្ញៀវដែលជាអ្នកទេសចរសួររកឥតដាច់នោះឡើយ៕
Account
Security
Favourite Content