សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងតាមប្រភពព័ត៌មានពី Economies បានរាយការណ៍ថា តម្លៃមាសបានធ្លាក់ចុះនៅក្នុងពាណិជ្ជកម្មអឺរ៉ុប និងអាមេរិកក្នុងរយៈពេល៩ខែជាប់ៗគ្នា ខណៈដែលការជួញដូរនៅអាស៊ីទទួលបានប្រាក់ចំណេញ។ ទិន្នន័យមួយចំនួនបានផ្តល់នូវសញ្ញាសំខាន់ៗនៃការរឹតបន្តឹងគោលនយោបាយដោយធនាគារកណ្តាលអាមេរិក Fed ក្នុងប៉ុន្មានខែខាងមុខនេះ ដោយសារទីផ្សារនាពេលបច្ចុប្បន្ននេះបានកំណត់តម្លៃក្នុងការដំឡើងអត្រាការប្រាក់ ០,២៥ ភាគរយនៅក្នុងខែកុម្ភៈខាងមុខនេះ។
ទិន្នន័យអំពីតម្លៃមាស បានបង្ហាញថា តម្លៃមាសបានធ្លាក់ចុះ ០,៥ ភាគរយ ឬ សល់ត្រឹម ១ ៩៣៦ ដុល្លារក្នុងមួយអោន ដោយសារប្រាក់ដុល្លារមានការធ្លាក់ចុះ។ ទីផ្សារមាសនៅ SPDR Gold Trust បានកើនឡើង ២,០៣ តោន ដែលចំនួនសរុបឡើងដល់ ៩១៩,៣១៧ តោន ជាចំនួនខ្ពស់បំផុតចាប់តាំងពីខែតុលា ខណៈដែលសន្ទស្សន៍ប្រាក់ដុល្លារបានកើនឡើងជាង ០,១ ភាគរយ បានងើបផុតបន្តិចពីកម្រិតទាបរយៈពេល៨ខែជាប់ៗគ្នា។
ទិន្នន័យកំណើន GDP មានការចុះខ្សោយ ដែលធ្វើឲ្យ Fed បន្ថយល្បឿននៃការរឹតបន្តឹងគោលនយោបាយ និងជំរុញតម្លៃមាស ខណៈដែលកំណើនផលិតផលក្នុងស្រុកសរុបរបស់សហរដ្ឋអាមេរិកត្រូវបានគេវិភាគថា អាចនឹងធ្លាក់ចុះដល់ ២.៦ ភាគរយ ដែលធ្លាក់ចុះពី ៣,២ ភាគរយនៅក្នុងត្រីមាសទី៣នៃឆ្នាំ២០២២ កន្លងទៅនេះ។ យ៉ាងណាមិញ អ្នកវិភាគជឿថា សម្រាប់មាសអាចឡើងថ្លៃដល់កម្រិត ២ ០០០ ដុល្លារ បើសិនជាប្រាក់ដុល្លារត្រូវតែបន្តធ្លាក់ចុះ។
ស្របពេលនេះដែរ បណ្តាប្រទេសនៅក្នុងតំបន់អាស៊ី ដូចជា ចិន និង ជប៉ុន ទទួលបានផលចំណេញពីទីផ្សារមាសបានយ៉ាងល្អប្រសើរ។ មាសនៅជប៉ុនបានឡើងថ្លៃដល់កម្រិតខ្ពស់ថ្មីមួយគឺ ៨ ៩៧៧ យ៉េន (៦៩,២៨ ដុល្លារអាមេរិក) ក្នុងមួយក្រាម ខ្ពស់ជាងកម្រិតមុនដែលមានតម្លៃ ៨ ៩៦៩ យ៉េន (៦៩,២២ដុល្លារអាមេរិក) ក្នុងមួយក្រាមកាលពីខែមេសា។ កាលពីឆ្នាំ២០២២ កន្លងទៅនេះ ប្រទេសចិនបាននាំចូលមាសរបស់ស្វីសក្នុងកម្រិតខ្ពស់រយៈពេល៤ឆ្នាំ ដោយចិនបានទិញមាសចំនួន ៥២៤ តោន មានតម្លៃប្រហែល ៣៣ ពាន់លានដុល្លារ និងត្រូវបានគេស្គាល់ថា ចិនគឺជាឈ្មួញកណ្តាលមាសដ៏ធំមួយរបស់ពិភពលោក៕
Account
Security
Favourite Content