សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ឆ្នាំ២០២៤ សេដ្ឋកិច្ចពិភពលោកបានបន្តជួបប្រទះបញ្ហាជាច្រើនដែលវាពិតជាបានធ្វើឲ្យមានការប្រែប្រួលយ៉ាងខ្លាំងទៅលើរបៀបនៃការចាយវាយ និងសន្សំសំចៃរបស់អ្នកប្រើប្រាស់នៅក្នុងទីផ្សារទិញលក់ផលិតផល និងសេវាកម្ម។
នៅក្នុងការស្រាវជ្រាវមួយដែលធ្វើឡើងដោយ Innova Market Insights ផ្តោតសំខាន់ទៅលើការយល់ដឹងឲ្យបានកាន់តែច្បាស់អំពីទឹកចិត្ត និងទំនោរនៃចំណង់របស់អ្នកប្រើប្រាស់ក្នុងសម័យកាលបច្ចុប្បន្ននិងទៅអនាគតនោះ បានបង្ហាញពីចំណុចសំខាន់ៗមួយចំនួនទៅដល់ម្ចាស់អាជីវកម្ម ក៏ដូចជាអ្នកដែលមានបំណងចង់បើកអាជីវកម្មគួរត្រៀមខ្លួន និងពិចារណាបែបណាដើម្បីអាចទាក់ចិត្តអតិថិជនពួកគេឲ្យបានកាន់តែមានប្រសិទ្ធភាពជាងមុន។
តាមរយៈកិច្ចការងារស្រាវជ្រាវ និងស្ទាបស្ទង់មតិរបស់ Innova ពាក់ព័ន្ធទៅលើនិន្នាការធំៗដែលជះតទ្ធិពលដល់អ្នកប្រើប្រាស់ រួមទាំងកត្តាសេដ្ឋកិច្ច សង្គម និងបច្ចេកវិទ្យា ព្រមទាំងការផ្លាស់ប្តូររបៀបរស់នៅរបស់ក្រុមមនុស្សដែលជាអតិថិជន ។ ជាលទ្ធផលបានបង្ហាញថា បញ្ហាចំបងនៃការព្រួយបារម្ភរបស់អតិថិជនសំខាន់ជាងគេនោះគឺហិរញ្ញវត្ថុផ្ទាល់ខ្លួន និងតាមពីក្រោយដោយបញ្ហាសុខភាព ជាពិសេស អត្ថប្រយោជន៍នៃចំណីអាហារ ជាមួយនឹងទំនុកចិត្តទៅលើម៉ាកសញ្ញានៃផលិតផលនានាដែលខ្លួនប្រើប្រាស់។ ជារួម Innova បានធ្វើការសន្និដ្ឋានទៅលើទំនោរមួយចំនួនដែលយើងអាចពិចារណាបានសម្រាប់ទីផ្សារសកលនៅឆ្នាំ២០២៥ខាងមុខនេះដូចខាងក្រោម ៖
ផលិតផល និងសេវាកម្មដែលផ្តល់បទពិសោធល្អៗ និងអាចប្រើប្រាស់ដោយផ្ទាល់យ៉ាងមានប្រសិទ្ធភាព Savvy and Self-Sufficient៖ ការប្រើប្រាស់ និងអាចរៀបចំបានដោយខ្លួនឯងសម្រាប់អតិថិជនវាគឺជាកត្តាទី១ដែលបានផ្តល់អារម្មណ៍ជូនពួកគេថាអ្វីៗគឺស្ថិតនៅក្នុងការគ្រប់គ្រងបានត្រឹមត្រូវ។ អតិថិជនស្ថិតនៅក្នុងសម័យឌីជីថល ចង់តាមដាន និងគ្រប់គ្រងទៅលើអ្វីៗគ្រប់យ៉ាងដោយខ្លួនឯង បូករួមទាំសុខភាពហិរញ្ញវត្ថិរហូតទៅដល់ការចំអិនអាហារដោយខ្លួនឯងនៅផ្ទះបាន។
ផលិតផលដែលមានគុណភាព និងប្រកបដោយសុវត្ថិភាព Quality and Integrity៖ អតិថិជននាពេលបច្ចុប្បន្ននេះ ភាគច្រើនបានបាត់បង់ទំនុកចិត្តយ៉ាងខ្លាំងទៅលើទំនិញ ក៏ដូចជាផលិតផលម៉ាកយីហោល្បីៗមួយចំនួន ជាពិសេសក្រុមអតិថិជនវ័យក្មេង ដូច្នេះ ការផលិត និងបង្កើតសេវាកម្មមួយដែលផ្តល់នូវគុណតម្លៃពិតប្រាកដគឺជាអ្វីដែលពួកគេចង់បានបំផុតជាជាងម៉ាកយីហោ។
ផលិតផលដែលផ្តល់អារម្មណ៍ល្អៗជូនអតិថិជន Positive Best៖ បើនិយាយពីអតិថិជនវ័យក្មេងវិញ ផលិតផលទាំងឡាយណាដែលអាចផ្តល់ឲ្យពួកគេបាននូវទំនុចចិត្តនោះគឺជាចំណុចដែលគួរឲ្យម្ចាស់អាជីវកម្ម ក៏ដូចជាអ្នកផ្តល់សេវាកម្មពិចារណាបំផុត។
ផលិតផល និងសេវាកម្ម ដែលភ្ជាប់ជាមួយធម្មតា និងសកម្មភាពជាក់ស្តែង Authentic Connections៖ ការរៀបចំទីកន្លែងភ្ជាប់ជាមួយធម្មជាតិ ការទទួលសេវាកម្មដោយអនុញ្ញាតឱ្យអតិថិជនអាចអនុវត្តបានដោយខ្លួនឯងដើម្បីទទួលបានបទពិសោធជាក់ស្តែង ដោយក្នងនោះអាចមានពាក់ព័ន្ធទៅនឹងការផលិត ឬចម្អិនអាហារ និងភេសជ្ជៈជាដើម ព្រមទាំងសកម្មភាពខាងក្រៅផ្សារភ្ជាប់និងសហគមន៍ផងដែរ។
យ៉ាងណាក្តី ការស្វែងរកទំនោរចិត្តអតិថិជននៅក្នុងទីផ្សារនាពេលបច្ចុប្បន្ន និងបន្តទៅថ្ងៃអនាគត ក្នុងនាមជាអ្នកប្រកបអាជីវកម្ម ឬផ្តល់សេវាកម្ម គឺចាំបាច់ត្រូវការស្រាវជ្រាវជាប់ជាប្រចាំ ជាពិសេសទីតាំង និងតំបន់ជារឿងសំខាន់ដែលត្រូវយកចិត្តទុកដាក់។ ក្រោយពេលដែលអ្នកបានស្រាវជ្រាវពីទំនោរចិត្តរបស់អតិថិជន ក៏ដូចជាតម្រូវការចាំបាច់របស់ទីផ្សារបានច្បាស់លាស់នោះ ដំណើរការនៃអាជីវកម្មរបស់អ្នកអាចទទួលបានលទ្ធផលវិជ្ជមានក្នុងអត្រាខ្ពស់ជាមិនខាន៕
Account
Security
Favourite Content