សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ បើទោះបីទទួលរងនូវផលប៉ះពាល់ពីតម្លៃនៃការដឹកជញ្ជូនទំនិញក៏ដោយ ប៉ុន្តែការនាំចេញទំនិញរបស់កម្ពុជា ទៅកាន់ទីផ្សារអន្តរជាតិនៅតែបន្តកើនឡើងគួរឱ្យកត់សម្គាល់ ជាក់ស្ដែងនៅក្នុងរយៈពេល ០៤ខែ ដើមឆ្នាំ២០២៦កន្លងទៅនេះ ទំហំនៃការនាំចេញរបស់កម្ពុជា មានទឹកប្រាក់ជាង១១ពាន់លានដុល្លារ កើនឡើងប្រមាណជាង ២១% បើធៀបនឹងរយៈពេលដូចគ្នាកាលពីឆ្នាំ២០២៥ ដែលមានទឹកប្រាក់ប្រមាណជា ៩ពាន់លានដុល្លារអាមេរិក។
ឯកឧត្តម ប៉ែន សុវិជាតិ រដ្ឋលេខាធិការ និងអ្នកនាំពាក្យក្រសួងពាណិជ្ជកម្ម បានទទួលស្គាល់ថា ទោះជារងផលប៉ះពាល់ពីតម្លៃចង្វាក់ផលិតកម្ម ក៏ដូចជាតម្លៃនៃការដឹកជញ្ជូនទំនិញ ដោយសារការឡើងថ្លៃប្រេងនៅលើទីផ្សារអន្តរជាតិក៏ដោយ ក៏ការនាំចេញរបស់កម្ពុជាទៅកាន់ទីផ្សារអន្តរជាតិបន្តកើនឡើងជាលំដាប់។
ឯកឧត្តមបញ្ជាក់ថា ៖
«មិនមែនថាយើងមិនមានបញ្ហាប្រឈមទេក្នុងការនាំចេញ ក្នុងការធ្វើពាណិជ្ជកម្មអន្តរជាតិនេះ ការប្រឈមរបស់យើងគឺថ្លៃដឹកញ្ជូនកើនឡើង ថ្លៃធានារ៉ាប់រងកើនឡើង ដោយសារវិបត្តិសមុទ្រ Hormuz នោះនៅបន្តអូសបន្លាយ ប៉ុន្តែអាស្រ័យដោយភាពជឿជាក់ និងការបញ្ចាទិញកាលពីឆ្នាំទៅ យើងនៅតែអនុវត្តការនាំចេញបានល្អប្រសើរ ហើយយើងក៍បានដាក់វិធានការប្រុងប្រយ័ត្នផងដែរសម្រាប់ត្រីមាសបន្ទាប់» ។
សូមបញ្ជាក់ថា ទីផ្សារសំខាន់សម្រាប់នាំចេញរបស់កម្ពុជានៅតែបន្តឈរជើងរឹងមាំ មានដូចជា អាម៉េរិក ទីផ្សារ RCEP ទីផ្សារអាស៊ាន និងការធ្វើពាណិជ្ជកម្មទៅកាន់សហភាពរអ៊ឺរ៉ុបជាដើម ដែលមានមុខទំនិញសំខាន់ៗ ដូចជា សម្លៀកបំពាក់ ស្បែកជើង ពិសេសកាបូបធ្វើដំណើរនៅតែមានតម្រូវការខ្ពស់ក្នុងឱកាសនៃពិធិបុណ្យឈប់សម្រាករយៈពេលខ្លីរបស់អ្នកកាន់គ្រឹះសាសនា។
លើសពីនេះផលិតផលថ្មីៗរបស់កម្ពុជា ដូចជា សម្បកកង់រថយន្ត និងផលិតផលដំឡូងមីជាដើម បាន និងកំពុងច្បាមយកទីផ្សារថ្មីៗបន្ថែមទៀត ដែលទើបនឹងបានចុះអនុស្សាណៈយោគយល់គ្នា បូករួមនឹងកិច្ចសន្យាបញ្ជាទិញ ហើយត្រូវបានអនុវត្តជាបណ្តើរៗនៅក្នុងរយៈពេល ០៤ខែកន្លងទៅ និងបន្តទៅមុខទៀត។
លោក ជា ចាន់ដារ៉ា ប្រធានសមាគមពាណិជ្ជករដឹកជញ្ជូនទំនិញ បានមានប្រសាសន៍ថា ទោះរងផលប៉ះពាល់ពីតម្លៃនៃការដឹកជញ្ជូនទំនិញជាសកលក៏ដោយ ក៏ការនាំចេញរបស់កម្ពុជាបន្តកើនឡើង ក្រោមហេតុផលភាពធន់នៃសេដ្ឋកិច្ចកម្ពុជា ដែលបន្តកើនឡើងជារៀងរាល់ឆ្នាំ ចាប់តាំងពីឆ្នាំ២០២៣ ដែលអាចទាក់ទាញវិនិយោគិនបរទេសចូលមកបណ្តាក់ទុនកាន់តែច្រើនឡើងៗ។
លោកថា ៖
«ការចូលមកណ្តាក់ទុនពីសំណាក់វិនិយោគិនបរទេសនេះ ជាចលករសំខាន់ក្នុងច្បាមយកចំណែកទីផ្សារថ្មីៗបន្ថែមទៀត ហើយកាលណាមានវិនិយោគចូលមកបណ្តាក់ទុនច្រើន រកស៊ីច្រើននៅប្រទេសយើងច្រើន យើងនឹងពង្រីកទីផ្សារកាន់តែច្រើន ដែលធ្វើឱ្យការនាំចេញបន្តមានកំណើន ពិសេសផលិតផលវាយណភណ្ឌកាត់ដេរ និងផលិតផលកសិកម្មកំពុងមានតម្រូវការខ្ពស់ពីប្រទេសក្នុងតំបន់ ដូចជា ចិន និងវៀតណាមជាដើម»។
យោងតាមរបាយការណ៍ក្រសួងពាណិជ្ជកម្ម បង្ហាញថា ការនាំចេញសរុបរបស់កម្ពុជាកាលពីឆ្នាំ២០២៥ មានតម្លៃជាទឹកប្រាក់ប្រមាណជា ៣១ពាន់លានដុល្លារ កើនឡើង ១៦% ធៀបនឹងឆ្នាំ២០២៤ ដែលមានតម្លៃប្រមាណជា ២៦ពាន់លានដុល្លារ៕
Account
Security
Favourite Content