សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
សៀមរាប ៖ ជ្រូកគូលេន ដែលប្រជាជនភាគច្រើនស្គាល់ថាជាជ្រូកកណ្ដុរ ត្រូវបានប្រជាសហគមន៍រស់នៅលើខ្នងភ្នំគូលេន ខេត្តសៀមរាប ចិញ្ចឹមតាមបែបធម្មជាតិនៅទីនោះ និងឱ្យឈ្មោះទៅតាមតំបន់របស់ពួកគេតែម្ដង ហើយក៏ជាប្រភពចំណូលសំខាន់មួយផ្នែកសម្រាប់ជួយទ្រទ្រង់សេដ្ឋកិច្ចគ្រួសារបានយ៉ាងប្រសើរ។
ភ្នំគូលេន គឺជាតំបន់ទេសចរណ៍វប្បធម៌ និងធម្មជាតិ ដែលប្រជាពលរដ្ឋអាចពឹងអាស្រ័យលើការរកចំណូលបានតាមរយៈការលក់ចំណីអាហារ និងវត្ថុអនុស្សាវរីយ៍ជូនដល់បណ្តាទេសចរជាតិ-អន្តរជាតិ។ បន្ថែមពីនេះ ប្រជាជនដែលកំពុងរស់នៅតំបន់នេះ បាននាំគ្នាប្រកបមុខរបរបន្ថែមដោយការចិញ្ចឹមជ្រូកកណ្តុរ ឬជ្រូកគូលេន សម្រាប់ចម្អិនជាអាហារស្រាប់ជូនដល់ទេសចរ ក៏ដូចជាលក់ឱ្យអាជីវករផ្សេងទៀតដែលទទួលបានចំណូលច្រើនគួរឱ្យកត់សម្គាល់។ យ៉ាងណាមិញ រសជាតិរបស់ជ្រូកគូលេន បានទាក់ចិត្តអ្នកទេសចរឱ្យកាន់តែជាប់ចិត្តជាមួយតំបន់នេះ រហូតប្រសិទ្ធនាម និងកំណត់ជាអត្តសញ្ញាណតំបន់ថា «ជ្រូកគូលេន» ។
បើតាមការបញ្ជាក់ពីប្រជាសហគមន៍បានឱ្យដឹងថា ជ្រូកគូលេន បច្ចុប្បន្ននេះ កំពុងមានតម្រូវការទីផ្សារខ្ពស់បំផុត ពោលគឺប្រសិនបើចង់ហូបគឺត្រូវកុម្មង់ ឬបញ្ជារទិញទុកមុនទើបអាចផ្គត់ផ្គង់ទៅដល់ភ្ញៀវបាន ព្រោះថាសាច់វាឥតមានខ្លាញ់ និងមានឱជារសឆ្ងាញ់ សាច់វារសជាតិបែបធម្មជាតិ ទើបប្រជាពលរដ្ឋឥឡូវនិយមចូលចិត្តទិញជ្រូកភ្នំគូលេនខ្វៃទៅបរិភោគជាងជ្រូកធម្មតា។ ជ្រូកនេះត្រូវបានចិញ្ចឹមដោយមិនប្រើប្រាស់ថ្នាំនោះទេ ពោលគឺអ្នកភូមិព្រលែងឱ្យវារស់នៅតាមធម្មជាតិរបស់វាតែម្ដង។
ដោយឡែកសម្រាប់ការចិញ្ចឹមជ្រូកនេះទៀតសោត គឺងាយស្រួល និងមិនស្មុគស្មាញឡើយ ទាំងចំណី ការចិញ្ចឹម និងការមើលថែ។ ចំណីសម្រាប់ប្រភេទជ្រូកភ្នំគូលេនេះ មានដូចជា បបរ បាយ ផង់អង្ករ ដំឡូងមី និងដើមចេកជាដើម។ បន្ទាប់ពីផ្ដល់ចំណីហើយ ជ្រូកទាំងនោះត្រូវបានកសិករលែងឱ្យដើរស៊ីដើមរុក្ខជាតិផ្សេងៗ ដោយក្រោយពេលចិញ្ចឹមបានប្រមាណ ២ខែកន្លះ ទៅ ៣ខែ និងមានទម្ងន់ចន្លោះពី ៨-១៣គីឡូក្រាម កសិករអាចចាប់លក់បានតំលៃចាប់ពី ៤០ ទៅ ៦០ម៉ឺនរៀលក្នុងមួយក្បាល។
មានការលើកឡើងពីប្រភពនៃការកើតមានពូជជ្រូកនេះថា ដំបូងឡើយ នៅពេលដែលមេជ្រូកស្រុករកឈ្មោលវាដើរចូលព្រៃបានបង្កាត់ជាមួយបាជ្រូកព្រៃ ហើយបង្កើតពូជបានជាប្រភេទជ្រូកកណ្តុរ ឬជ្រូកគូលេនដែលមានលក្ខណៈជាក់លាក់មួយ ហើយកន្លងមក ក្រសួងបរិស្ថានក៏ធ្លាប់បានជំរុញឱ្យកសិករចិញ្ចឹមជ្រូកប្រភេទនេះឱ្យបានច្រើននៅតាមតំបន់សហគមន៍ធម្មជាតិ និងបានចែកពូជឱ្យកសិករចិញ្ចឹមផងដែរ ដើម្បីជាស្បៀងសម្រាប់ហូបចុកក្នុងក្រុមគ្រួសារ និងសម្រាប់ផ្គត់ផ្គង់ទីផ្សារក្នុងស្រុក ដោយកសិករអាចរកប្រាក់ចំណូលបន្ថែមបាន មិនត្រូវពឹងផ្អែកតែការធ្វើស្រែចម្ការមួយមុខឡើយ។ ទន្ទឹមនឹងនេះ ក្រសួងបរិស្ថានបាន និងកំពុងធ្វើឱ្យឧទ្យានជាតិព្រះជ័យវរ្ម័ន-នរោត្តម “ភ្នំគូលែន” នេះ ក្លាយជាតំបន់ទេសចរណ៍ផ្សារភ្ជាប់នឹងទឹកដី ដោយធ្វើយ៉ាងណាបង្កើននូវចំណូលជូនប្រជាសហគមន៍ តាមរយៈអេកូទេសចរណ៍ ការចិញ្ចឹមសត្វ ដំណាំកសិកម្មជាដើម។ ជាក់ស្តែង ក្រសួងក៏បានបង្កើតជាស្ថានីយបន្សុទ្ធពូជជ្រូកកណ្តុរសម្រាប់ចែកជូនដល់សហគមន៍ផ្សេងៗ ដើម្បីឱ្យប្រជាជនមានចំណូលបន្ថែមទៀត ក្រៅពីការពឹងអាស្រ័យលើអនុផលព្រៃឈើ ដូចជា សំរ៉ង ទំពាំង ផ្សិត ជាដើម៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
“សង្រ្កាន្តអម្រឹត ឆ្នាំ២០២៦” ផ្សារភ្ជាប់នឹងការគោរពដឹងគុណវីរៈកងទ័ពជួរមុខ
ព្រឹត្តិការណ៍, អត្ថបទពាណិជ្ជកម្ម
• 12/04/2026
នាព្រឹកថ្ងៃទី១១ ខែមេសា ឆ្នាំ២០២៦ គ្រឹះស្ថានមីក្រូហិរញ្ញវត្ថុ អម្រឹត បានរៀបចំ “កម្មវិធីសង្រ្កាន្តអម្រឹត” នៅស្នាក់ការកណ្តាលរបស់គ្រឹះស្ថាន ដោយមានការចូលរួមពីគណៈគ្រប់គ្រង បុគ្គលិក និងក្រុមគ្រួសារបុគ្គលិក សរុបប្រមាណជាង ៥០០ នាក់
រកឃើញយន្តហោះចម្បាំងជប៉ុន សម័យសង្គ្រាមលោកលើកទី ២ ក្រោយបាត់ខ្លួនអស់ ៨១ ឆ្នាំ
ព្រឹត្តិការណ៍, អាជីវកម្មថ្មី និងនវានុវត្ត
• 10/04/2026
យន្តហោះចម្បាំងមួយគ្រឿង ដែលធ្លាប់ត្រូវបានប្រើប្រាស់អំឡុងសម័យសង្គ្រាមលោកលើកទី ២ ដោយកងទ័ពជើងទឹកអធិរាជជប៉ុន ឬ Imperial Navy ត្រូវបានគេរកឃើញ បន្ទាប់ពីវាបានដេកលង់លក់នៅក្រោមបាតសមុទ្រអស់រយៈពេល ៨១ ឆ្នាំ
៥ឆ្នាំទៀត ចិននឹងមានឡានតាក់ស៊ីគ្មានមនុស្សបើករហូតដល់ ៤លានគ្រឿង
ព្រឹត្តិការណ៍, អាជីវកម្មថ្មី និងនវានុវត្ត
• 10/04/2026
៥ឆ្នាំទៀត ឬនៅឆ្នាំ២០៣០ ប្រទេសចិនបានកំណត់គោលដៅដាក់ដំណើរការឡានតាក់ស៊ីគ្មានមនុស្សបើក ឬបើកបរដោយស្វ័យប្រវត្តិរហូតដល់ ៣០០ ០០០គ្រឿង នៅតាមបណ្តាទីក្រុងធំៗចំនួន៤
ចិន ជោគជ័យសាកល្បងហោះហើរយន្តហោះគ្មានមនុស្សបើកធំបំផុតក្នុងលោក
ព្រឹត្តិការណ៍, អាជីវកម្មថ្មី និងនវានុវត្ត
• 10/04/2026
ចិន កាន់តែវិវឌ្ឍរីកចម្រើនថែមមួយកម្រិតទៀត ស្របពេលដែលមហាយក្សនៅអាស៊ីមួយនេះ បានទទួលជោគជ័យក្នុងការសាកល្បងហោះហើរយន្តហោះដ្រូនដឹកជញ្ជូនធំជាងគេបំផុតរបស់ពិភពលោក
៣ ខែដំបូង កូរ៉េខាងជើង បាញ់តេស្តមីស៊ីល ១៣ គ្រាប់ ខណៈ លោក គីម ជុងអ៊ុន ថាមកពីវិបត្តិភូមិសាស្ត្រនយោបាយ
ព្រឹត្តិការណ៍, អាជីវកម្មថ្មី និងនវានុវត្ត
• 10/04/2026
ត្រឹមរយៈពេល ៣ ខែដំបូងនៃឆ្នាំ២០២៦ នេះ ប្រទេសកូរ៉េខាងជើងបានបាញ់សាកល្បងមីស៊ីលផ្លោងរបស់ខ្លួនចំនួន ៣ លើក និងមានមីស៊ីលសរុបចំនួន ១៣ គ្រាប់
រោងចក្រ Newbustar (crossleader) ជារោងចក្រទីពីរ ដែលមានសិទ្ធិលក់ ចែកចាយ និងផលិតសំបកកង់ឡាននៅខ្មែរ
ព្រឹត្តិការណ៍, អត្ថបទពាណិជ្ជកម្ម
• 10/04/2026
ស្របពេលគ្រប់ទំនិញឡើងថ្លៃស្ទើរគ្រប់មុខដោយសារតែប្រេងឥន្ធន:ឡើងថ្លៃធ្វើឱ្យប៉ះពាល់ដល់ទីផ្សារទំនិញទូទាំងសកលលោក។ ទោះជាយ៉ាងណាក្តីអ្វីដែលល្អសម្រាប់កម្ពុជាត្រូវបានទទួលកាដូពិសេសមុនចូលឆ្នាំថ្មីប្រពៃណីជាតិខ្មែរខាងមុខនេះបែរជាមានវត្តមានសំបកកង់ខ្មែរមួយម៉ាកទៀត ហើយជារោងចក្រទីពីរ ផងដែរដែលមានសិទ្ធិលក់ និងចែកចាយសំបកកង់ឡានផលិតនៅខ្មែរ លើទឹកដីថ្មីនៃខេត្តក្រចេះ ក្រោមការផលិតដោយរោងចក្រឈ្មោះ Newbustar ផលិតសំបកកង់ឡានម៉ាក (crossleader)។
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content