សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ននោងជ្រុងជាបន្លែម្យ៉ាង ដែលគេអាចយកកែច្នៃធ្វើម្ហូបអាហារបានច្រើនមុខ ដូចជា ឆា ស្ងោរ ឬច្នៃទៅដាក់ស៊ុបបង់ម្អប បង្កើនរសជាតិឆ្ងាញ់គួរឱ្យចាប់អារម្មណ៍ ដែលជាហេតុធ្វើឱ្យននោងជ្រុង មានទីផ្សារមិនចេះរីងស្ងួតគ្រប់រដូវកាល។
លោក ចុន ហុន កសិករដាំននោងជ្រុង រស់នៅភូមិទួលក្រូច ឃុំក្រាំងយ៉ូវ ស្រុកស្អាង ខេត្តកណ្តាល បានឱ្យដឹងថា គ្រួសាររបស់លោកបានដាំននោងជ្រុងប្រមាណជាង៣ឆ្នាំមកហើយ ដោយសារវាងាយស្រួលថែទាំជាងបន្លែយកស្លឹក ឬបន្លែយកមើមមួយចំនួន ហើយអាចប្រមូលផលបានយូរគួរសម ជាពិសេស ដាំលើដីត្រឹមតែប្រមាណជា២០អាប៉ុណ្ណោះ ប៉ុន្តែអាចប្រមូលផលបានជាង២០០គីឡូក្រាមក្នុងមួយថ្ងៃ ដោយមួយគីឡូក្រាមអាចលក់បានតម្លៃចន្លោះពី ១០០០រៀល ទៅ ១៥០០រៀល ។
លោកបញ្ជាក់ថា ៖
«បើយើងគណនាឃើញថា គ្រូសាររបស់ខ្ញុំអាចរកចំណូលបានចន្លោះពី ២០ម៉ឺនរៀល ទៅដល់ ៣០ម៉ឺនរៀលក្នុងមូយថ្ងៃ។ ជីវភាពធូរធារដែបងដាំននោងបេះលក់បានលុប្រចាំថ្ងៃ ហើយយើងអាចឆ្លៀតធ្វើការផ្សេងទៀត ដូចខ្ញុំធ្វើជាចុងភៅផង ដាំននោងផង អាចធ្វើឱ្យជីវភាពបានធូរធា មានលទ្ធភាពផ្គត់ផ្គង់លើការចំណាយប្រចាំថ្ងៃ ដូចជា ឱ្យកូនទៅរៀន និងចំណាយទិញម្ហូបប្រចាំថ្ងៃបានដែរ»។
គួរបញ្ជាក់ថា ននោង គេអាចដាំបានគ្រប់រដូវកាល មិនថារដូវប្រាំង ឬរដូវវស្សានោះទេ ដោយគ្រាន់តែយកចិត្តទុកដាក់ថែទាំដាក់ជី បាញ់ថ្នាំសម្លាប់សត្វល្អិត និងស្រោចទឹកឱ្យបានទៀតទាត់មួយថ្ងៃម្តៗនោះននោង និងដុះបានល្អ ហើយឱ្យផលច្រើនមិនខាន។ សម្រាប់ននោងគេអាចធ្វើរោងឱ្យវាតោងឡើងក៍បាន ឬធ្វើជាធ្វើជន្លង់ឱ្យវាតោងឡើងដូចម្រេចក៍បានដែរ។
ចំពោះបច្ចេកទេសដាំ ននោង ក៏មិនខុសពីបន្លែផ្សេងៗនោះដែរ ពោលនៅមុននឹងដាំ គឺត្រូវត្រូវភ្ជួរាស់ដីហាលទុកឱ្យបាន១សប្តាហ៍ ហើយត្រូវយកគ្រាប់ននោងដាក់ត្រាំទឹកមួយថ្ងៃ ទើបយកទៅផ្អាប់ទុកពីរថ្ងៃ នោះគ្រាប់ននោងនឹងចេញពន្លក ទើបគេយកទៅដាំតាមគុម្ពចនីមួយៗ ចន្លោះពីគ្នា ២ម៉ែត្រ និងមានគម្លាត ១.៥ម៉ែត្រពីរងមួយទៅរងមួយ។ សម្រាប់ននោងរបស់កសិករខាងលើ មិនធ្វើឱ្យរោងឱ្យននោងវាតោងឡើងនោះឡើយ ពោល គឺដាំឬស្សី ឬដាំកូនឈើ រាយមងសំណាញ់ទៅតាមរងនីមួយៗ ដើម្បីឱ្យននោង វាតោងឡើងវិញ ដែលធ្វើដូចនេះវាមានភាពងាយស្រួលដាំ និងងាយស្រួលដើរប្រមូលផល។
រាប់ចាប់តាំងពីថ្ងៃដាំដំបូង បើកសិករថែទាំបាញ់ទឹក ដាក់ជីបានឌិតដល់ នោះននោងនឹងលូតលាស់បានល្អ និឆាប់បានឱ្យផល រហូតដល់អាយុ២០ថ្ងៃននោងជ្រុងចាប់ផ្តើមបោះដៃឡើង រហូតដល់អាយុ១ខែននោងចាប់ផ្តើមឱ្យផល ហើយបានអាយុប្រហែលជាមួយអាទិត្យទៀត ននោង នឹងចេញផ្លែពេញលេញ ដែលក្នុងទំហុំដីប្រមាណជា២០ហិកតា អាចប្រមូលផលបាន២០០គីឡូក្រាមឬឱ្យផលលើសពីនេះជារៀងរាល់ថ្ងៃ ហើយឱ្យផលរយៈពេលមួយខែទៅជាងមួយខែ ននោងចាប់ផ្តើមស្កាល ស្លឹកក្រហម ដើមចាស់ទៅវិញបណ្តើរៗ ចំណែកទិន្នផលក៏ថយចុះទៅតាមនោះដែរ ដោយកសិករខ្លះនៅបន្តបេះរហូតដល់កន្លះខែទផៀត ទើបរុះអទ្រើងចោលហើយរៀបចំដីដាំសាជាថ្មី។
លោក ចុន ហុន បញ្ជាក់ថា ននោងអាចដាំមួយឆ្នាំបានចំនួន ០២ ទៅ ០៣ដង ហើយការមិនធ្វើទ្រើង ងាកមកដាំឈើរាយមងឱ្យវាតោងឡើង គឺអាចចំណេញថ្លៃទិញកូនឈើ ចំណេញទាំងពលកម្ម ថ្លៃធ្វើទ្រើង ងាយស្រួលថែទាំ និងងាយស្រួលប្រមូលផលទៀតផង៕ វិន ឈុនហ៊ាត
Account
Security
Favourite Content