សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ បន្ទាប់ពីថ្ងៃបើកព្រឹត្តិការណ៍កីឡាអាស៊ីអាគ្នេយ៍ ឬហៅថា SEA Games លើកទី៣២ ដែលកម្ពុជាធ្វើជាម្ចាស់ផ្ទះកន្លងទៅនេះ មានស្តង់ពិព័រណ៌ត្រៀបត្រានៅមុខកីឡដ្ឋានជាតិ មរតកតេជោ ផ្ទាល់តែម្ដង។ នៅក្នុងឱកាសនេះ ជាវេលាមាសសម្រាប់ម្ចាស់អាជីវកម្មក្នុងស្រុក ក្នុងការដាក់តាំងបង្ហាញផលិតផលរបស់ខ្លួនឱ្យភ្ញៀវទេសចរជាតិ និងអន្តរជាតិបានឃើញ និងស្គាល់ពីផលិតផលរបស់ខ្លួន។
ជាក់ស្ដែង អ្នកស្រី ម៉ៅ ម៉ារា ប្រធានគ្រប់គ្រងសិប្បកម្ម ម្សៅខ្ញី រមៀតពន្លៃ សាមគ្គីខសមេធីក SK ដែលកំពុងមមាញឹកក្នុងការទទួលភ្ញៀវទេសចរដែលមកលេងស្តង់ផលិតផលក្រោមឈ្មោះ ភូមិមួយផលិតផលមួយ បានមានប្រសាសន៍ថា ៖
“សម្រាប់ខ្ញុំ ក៏ដូចជាអាជីវករផ្សេងទៀត បានចាត់ទុកថា ឱកាសនេះគឺពិតជាពិសេសខ្លាំងណាស់ក្នុងនាមជាម្ចាស់ផ្ទះ ហើយម្ចាស់អាជីវកម្ម និងសហគ្រាសនានាបានយកឱកាសនេះដាក់តាំងបង្ហាញ និងលក់ផលិតផលខ្មែរបានយ៉ាងទូលាយ។”
អ្នកស្រីបន្តថា ៖
“នៅទីនេះមានប្រមាណ ២០ស្តង់ ដែលកំពុងទទួលភ្ញៀវយ៉ាងមមាញឹក ហើយសូមអំពាវនាវឱ្យបងប្អូនដែលធ្វើដំណើរមកទស្សនាការប្រកួតកីឡានានា អាចចូលមកសាក តេស្ត៍ នូវផលិតផលក្នុងស្រុករបស់យើងផ្ទាល់ មិនចាំបាច់តែទិញនោះទេ ឱ្យតែបានចូលមកសាក តេស្ត៍ ក៏ដូចជាផ្ដល់នូវមតិយោបល់ក៏ចាត់ទុកថាជាការគាំទ្រ ក៏ដូចជាការផ្ដល់កម្លាំងចិត្តដល់ម្ចាស់អាជីវកម្មគ្រប់រូប។”
យ៉ាងណាមិញ អ្នកស្រី ម៉ៅ ម៉ារា ក៏សូមថ្លែងអំណរគុណចំពោះបងប្អូនជិតឆ្ងាយ ដែលនិយមគាំទ្រផលិតខ្មែរ ក៏ដូចជាការរៀបចំរបស់គណៈកម្មាធិការជាតិជំរុញចលនាភូមិមួយផលិតផលមួយ ដែលបានជួយសម្រួល និងដុតដៃដុតជើងក្នុងការរៀបចំក៏ដូចជាផ្ដល់ឱកាសសម្រាប់ម្ចាស់សិប្បកម្មក្នុងស្រុកឱ្យបានចូលរួមក្នុងព្រឹត្តិការណ៍ដ៏វិសេសវិសាលនេះ។
គួរបញ្ជាក់ដែរថា សម្រាប់ក្រុមអាជីវករដែលកំពុងដាក់លក់ផលិតផលប្រមាណ ២០ស្តង់នេះ មានមកពីបណ្ដា ៤៥សហគ្រាសផ្សេងៗគ្នា ទាំងនៅតាមខេត្ត និងរាជធានីភ្នំពេញ ដែលធ្វើការរៀបចំ និងទទួលបងប្អូនយើងតាំងពីថ្ងៃបើក រហូតដល់ថ្ងៃបិទកីឡាអាស៊ីអាគ្នេយ៍ ពោលគឺចាប់ពីថ្ងៃ ០៥ ខែឧសភាព ដល់ថ្ងៃទី ១៦ ខែឧសភា ឆ្នាំ២០២៣៕
Account
Security
Favourite Content