សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ អង្គការជីវិតធម្មជាតិនៅកម្ពុជា (NatureLife Cambodia) បានសហការជាមួយសហគមន៍តំបន់ការពារធម្មជាតិទួលនាងសាវផ្លូវហ្លួង រៀបចំចងក្រងប្រជាសហគមន៍ ដែលកំពុងប្រកបរបរឆ្អើរត្រីជាក្រុម ក្នុងទម្រង់ជាសហគ្រាសសហគមន៍ខ្នាតតូច ក្នុងគោលបំណងជំរុញការលើកកម្ពស់គុណភាព និងអនាម័យផលិផល រួមទាំងបញ្ចូលនូវគោលការណ៍ អភិរក្សធនធានធម្មជាតិ បង្កើនកម្រិតជីវភាពប្រជាសហគមន៍មូលដ្ឋាន។
ប្រជាសហគមន៍រស់នៅក្នុងតំបន់បឹងទន្លេសាប ក៏ដូចជាសហគមន៍តំបន់ការពារធម្មជាតិទួលនាងសាវផ្លូវហ្លួង មានមុខរបរជាអ្នកនេសាទ ដូច្នេះការឆ្អើរត្រីជាមុខរបរចម្បងមួយ និងជាប្រភពប្រាក់ចំណូលដ៏សំខាន់សម្រាប់សហគមន៍ផងដែរ ប៉ុន្ដែដោយសារកង្វះខាតនូវធនធាន និងបច្ចេកទេសបានធ្វើឱ្យដំណើរការផលិតជួបប្រទះនូវបញ្ហាកង្វះអនាម័យ និងគុណភាពនៅឡើយ។
អង្គការជីវិតធម្មជាតិនៅកម្ពុជាបានឱ្យដឹងថា ដោយមើលឃើញពីតម្រូវការចាំបាច់ កាលពីខែមេសា ឆ្នាំ២០២៤ អង្គការជីវិតធម្មជាតិ បានសហការជាមួយសហគមន៍តំបន់ការពារធម្មជាតិទួលនាងសាវផ្លូវហ្លួង រៀបចំចងក្រងប្រជាសហគមន៍ ដោយកំណត់ឈ្មោះថា «សហគ្រាសកសិផលអភិរក្សទន្លេសាប»ដែលសមាជិកសហគមន៍បានចុះឈ្មោះជាសមាជិកក្រុមផលិតត្រីឆ្អើរចំនួន២៩រូប (ស្ដ្រីចំនួន ១៨រូប) និងបានបង្កើតជា២ក្រុមដើម្បីដំណើរការការងារនេះ។
លោក ប៊ូ វរសក្ស នាយកអង្គការជីវិតធម្មជាតិនៅកម្ពុជាបានប្រាប់ឱ្យដឹងថា យោងតាមការសិក្សារបស់អង្គការ សមាជិកសហគមន៍ ស្ទើរតែ១០០% ដែលនេសាទត្រី ក្នុងនោះមាន២៧១គ្រួសារ នៃ២៧១សមាជិកសហគមន៍ ដោយក្នុងមួយគ្រួសារជាមធ្យមក្នុងមួយថ្ងៃអាចរកត្រីបានជាង ២០គីឡូក្រាម។
លោកបានបញ្ជាក់បន្ថែមថា ៖
«កន្លែងឆ្អើរត្រីរបស់ពួកគាត់ មុនពេលមានគម្រោង CEPF Critical Ecosystem Partnership Fund ចូលដល់ ពួកគាត់ឆ្អើរលក្ខណៈគ្រួសារ ដែលគាត់ឆ្អើរតាមផ្ទះរៀងៗខ្លួន ក្នុងមួយថ្ងៃចន្លោះពី២៥០ ទៅ ៥០០ចង្កាក់ ទៅតាមទិន្នផលត្រីដែលរកបាន ឬប្រមូលទិញបាន»។
លោក ប៊ូ វរសក្ស ក៏បានអរគុណមូលនិធិ CEPF ដែលបានគាំទ្រហិរញ្ញវត្ថុដល់កម្មភាពនេះ។ ក្រោយពេលមានគម្រោង CEPF ចូលមកដល់ និងចាប់ផ្តើមចងក្រងក្រុមត្រីឆ្អើរជា ២ក្រុម ដែលក្នុង ១ក្រុម មានគ្នាប្រមាណជា ១០ ទៅ១៥ នាក់ ហើយលទ្ធភាពដែលអាចឆ្អើរបានគឺជំរុញមួយថ្ងៃយ៉ាងតិចឱ្យបាន១០០០ចង្កាក់។
គួរបញ្ជាក់ផងដែរថា សហគ្រាសកសិផលអភិរក្សទន្លេសាបកំពុងរៀបចំបង្កើនផលិតភាព និងគុណភាព ផលិតផលត្រីឆ្អើរជាជំហានដំបូង ហើយនឹងកំណត់ផែនការជំរុញការផលិតកែច្នៃកសិផលជាច្រើនមុខ ដែលមានក្នុងសហគមន៍ទៅថ្ងៃអនាគត។
សម្រាប់គោលការណ៍សំខាន់ក្នុងការជ្រើសរើសសមាជិកសហគ្រាសរួមមាន៖ ការចូលរួមដោយស្ម័គ្រចិត្ដពីសមាជិក ការមិនប្រើប្រាស់ឧបករណ៍នេសាទខុសច្បាប់ ឬប្រព្រឹត្ដបទល្មើសធនធាន ធម្មជាតិ ការប្រើប្រាស់អុសសម្រាប់ឆ្អើរត្រី ការចូលរួមបដិភាគដល់ការងារអភិរក្សក្នុងសហគមន៍ និងការចូលរួម អភិរក្សធនធានធម្មជាតិនានា៕
Account
Security
Favourite Content