សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
កំពង់ឆ្នាំង ៖ ស្ថិតនៅស្រុកទឹកផុស ខេត្តកំពង់ឆ្នាំង សហគមន៍ការពារធនធានធម្មជាតិទឹកធ្លាក់ស្រែអំពិលត្រូវបានរៀបចំបង្កើតឡើងនៅចន្លោះឆ្នាំ២០១៦-២០១៧ ដោយមានទឹកជ្រោះដ៏ស្រស់ស្អាតជាកត្តាទាក់ទាញ ហើយរហូតដល់ឆ្នាំ២០១៩-២០២០ ទើបសហគមន៍មួយនេះបានចុះបញ្ជីក្លាយខ្លួនទៅជាតំបន់ទេសចរណ៍ពេញលក្ខណៈ។
ហ៊ុំព័ទ្ធជុំវិញទៅដោយព្រៃឈើខៀវស្រងាត់ តំបន់ទឹកធ្លាក់មួយនេះបានសំងំលាក់ខ្លួនជាយូរណាស់មកហើយ ដែលទើបតែត្រូវបានប្រជាពលរដ្ឋក្នុងតំបន់ស្គាល់ និងប្រែទៅជាទីតាំងទេសចរណ៍ធម្មជាតិ និងបានទាក់ទាញភ្ញៀវទៅកម្សាន្ដហូរហែឥតដាច់ពីមួយឆ្នាំទៅមួយឆ្នាំ។
លោក សោភា ដែលជាប្រធានសហគមន៍ការពារធនធានធម្មជាតិទឹកធ្លាក់ស្រែអម្ពិលបានឱ្យដឹងថា តំបន់របស់លោកទទួលបានភ្ញៀវរហូតដល់រាប់ម៉ឺននាក់ក្នុងមួយឆ្នាំ ដែលគិតជាទឹកប្រាក់មានចំនួនជាង១០លានរៀល។ ចំណូលដែលបានមកពីទេសចរនេះបានចាក់ចូលទៅក្នុងសហគមន៍សម្រាប់ទិសដៅអភិវឌ្ឍន៍បន្ថែម ជាពិសេសជួយបង្កើតការងារ ក៏ដូចជាអាជីវកម្មលក្ខណៈគ្រួសារជូនដល់ពលរដ្ឋក្នុងតំបន់ដែលកាលពីមុនធ្លាប់តែប្រកបរបរដោយការចូលព្រៃកាប់ឈើ និងអាស្រ័យលើអនុផលព្រៃឈើ ប៉ុន្តែពេលនេះបានក្លាយទៅជាអ្នកបម្រើសេវាកម្មទេសចរណ៍ ដែលរកចំណូលបានច្រើន ហើយថែមទាំងមិនប្រឈមនឹងច្បាប់។
លោក សោភា៖
“បើធ្វើការប្រៀបធៀបមុនបង្កើតសហគមន៍ និងក្រោយពេលបង្កើតសហគមន៍ទេសចរណ៍នេះឡើង ឃើញថាប្រជាពលរដ្ឋមានជីវភាពប្រសើរឡើងជាងមុនច្រើនណាស់! មុនបង្កើតពួកគាត់ប្រកបមុខរបរចូលព្រៃកាប់ឈើ បរបាញ់សត្វ ប៉ុន្តែឥឡូវនេះពួកគាត់មកបម្រើសេវាទេសចរណ៍ជូនភ្ញៀវវិញដើម្បីដោះស្រាយជីវភាពក្នុងគ្រួសារវិញ។ ក្រៅពីនេះ ប្រជាជនក្នុងសហគមន៍បានចិញ្ចឹមសត្វ ដាំដំណាំដោយមិនប្រើជីគីមីសម្រាប់ផ្គត់ផ្គង់ជាអាហារប្រចាំថ្ងៃ ហើយថែមទាំងសម្រាប់ទុកចម្អិនលក់ជូនទេសចរដែលមកកម្សាន្តថែមទៀតផង”
ប្រធានសហគមន៍រូបនេះក៏បានបញ្ជាក់ពីចំណុចពិសេសរបស់សហគមន៍ គឺបានគិតគូរទៅដល់សុវត្ថិភាពភ្ញៀវទេសចរ ដោយយកចំណូលដែលបានមកទៅរៀបចំជាហេដ្ឋារចនាសម្ព័ន្ធ ព្រោះតំបន់នោះតែងតែសើម និងរអិលជាប់ជាប្រចាំ។ ក្រៅពីទឹកជ្រោះដែលហូរចុះពីជើងភ្នំនោះ ភ្ញៀវទេសចរមានទស្សនីយភាពខៀវស្រងាត់នៃដើមឈើធំៗដុះហែរហមជុំវិញទឹកជ្រោះផងដែរ។
គួរបញ្ជាក់ថា សហគមន៍ការពារធនធានធម្មជាតិទឹកធ្លាក់ស្រែអម្ពិល ស្ថិតក្នុងតំបន់អាទិភាពរបស់ក្រសួងបរិស្ថានក្នុងការអនុវត្តគម្រោង «ទេសចរណ៍ផ្សារភ្ជាប់ធម្មជាតិ»។ ដែលគម្រោងនេះធ្វើឡើងដើម្បីលើកស្ទួយជីវភាពប្រជាជនរស់នៅតាមតំបន់ការពារធម្មជាតិ និងអភិរក្ស ជីវៈចម្រុះ។ តំបន់អាទិភាពទាំង៦រួមមាន៖ តំបន់អេកូទេសចរណ៍នៅឧទ្យានជាតិព្រះជ័យវរ្ម័ន-នរោត្តម «ភ្នំគូលែន» តំបន់អេកូទេសចរណ៍ទេសភាពជួរភ្នំក្រវាញ តំបន់អេកូទេសចរណ៍ឆ្នេរ តំបន់អេកូទេសចរណ៍ឋាបនីយជីវៈមណ្ឌលបឹងទន្លេសាប តំបន់អេកូទេសចរណ៍ព្រៃឡង់ និងតំបន់អេកូទេសចរណ៍ភូមិភាគឦសាន៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
សមាជិកសភាអាមេរិក ៥០នាក់ ទាមទារឱ្យលោក Trump បង្ហាញរបាយការណ៍ចំណាយពិតទៅលើសង្គ្រាមប្រឆាំងនឹងអ៊ីរ៉ង់
ព្រឹត្តិការណ៍, អាជីវកម្មថ្មី និងនវានុវត្ត
• 25/08/2026
សមាជិកសភាតំណាងរាស្ត្រអាមេរិក កំពុងទាមទារឱ្យរដ្ឋបាល លោក Donald Trump ផ្តល់ទិន្នន័យលម្អិតអំពីផលប៉ះពាល់ផ្នែកហិរញ្ញវត្ថុ និងជីវិតមនុស្សក្រោមជម្លោះយោធាជាមួយនឹងប្រទេសអ៊ីរ៉ង់
សិង្ហបុរី បញ្ចេញកញ្ចប់ថវិកាគាំទ្រកុមារក្នុងម្នាក់ទទួលបានជាង ៥ ៥០០ដុល្លារ និងវិធានការគាំទ្រនានា ដោយសារអត្រាកំណើតធ្លាក់ចុះ
Top News, ព្រឹត្តិការណ៍, អាជីវកម្មថ្មី និងនវានុវត្ត
• 25/08/2026
សិង្ហបុរី ដាក់ចេញកញ្ចប់ថវិកាគាំទ្រកុមារក្នុងម្នាក់ទទួលបានជិត ៧ ម៉ឺនដុល្លារសិង្ហបុរី និងវិធានការគាំទ្រនានា ដោយសារអត្រាកំណើតធ្លាក់ចុះ
កាណាដា គំរាមផ្តាច់អគ្គិសនីក្រុមហ៊ុន និងលំនៅឋានពលរដ្ឋអាមេរិក ១,៥លានកន្លែង សងសឹកនឹងការដំឡើងពន្ធ ៥០ភាគយ
ព្រឹត្តិការណ៍, អាជីវកម្មថ្មី និងនវានុវត្ត
• 25/08/2026
កាណាដា បានគំរាមផ្តាច់អគ្គិសនីតាមបណ្តាក្រុមហ៊ុន ទីតាំងអាជីវកម្ម និងលំនៅឋានពលរដ្ឋអាមេរិក ប្រុមាណ ១,៥លានកន្លែង សងសឹកនឹងការតម្លើងពន្ធ ៥០ ភាគយ របស់ Trump
សន្និសីទធនាគារកម្ពុជា លើកទី៥ ផ្តោតលើការរក្សាស្ថិរភាព និងពង្រឹងទំនុកចិត្តក្នុងប្រព័ន្ធធនាគារ
ព្រឹត្តិការណ៍, អត្ថបទពាណិជ្ជកម្ម
• 25/08/2026
សន្និសីទធនាគារនៅកម្ពុជា លើកទី៥ បានផ្តោតលើការរក្សាស្ថិរភាព ពង្រឹងសុចរិតភាពហិរញ្ញវត្ថុ និងបង្កើនទំនុកចិត្តក្នុងប្រព័ន្ធធនាគារ ដោយផ្តោតលើការកំណត់ទិសដៅសម្រាប់វិស័យធនាគារកម្ពុជាឱ្យកាន់តែមានសុវត្ថិភាព មានភាពធន់ និងចីរភាព
ជីប ម៉ុង គាំទ្រការពង្រីកវិសាលភាពកីឡាជិះសេះនៅកម្ពុជា តាមរយៈការបង្កើតទីលានជិះសេះលំដាប់អន្តរជាតិក្រោមស្ថាបត្យកម្មបែបខ្មែរ
ព្រឹត្តិការណ៍, អត្ថបទពាណិជ្ជកម្ម
• 24/08/2026
ជីប ម៉ុង គាំទ្រការពង្រីកវិសាលភាពកីឡាជិះសេះនៅកម្ពុជា តាមរយៈការបង្កើតទីលានជិះសេះលំដាប់អន្តរជាតិក្រោមស្ថាបត្យកម្មបែបខ្មែរ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content