ចំណេះដឹងហិរញ្ញវត្ថុ ! ស្វែងយល់ពីអត្ថប្រយោជន៍នៃកម្ចីផ្លូវការ និងកម្ចីក្រៅផ្លូវការ

ភ្នំពេញ ៖ បច្ចុប្បន្ន ការផ្តល់កម្ចីផ្លូវការដោយធនាគារ និងគ្រឹះស្ថានមីក្រូហិរញ្ញវត្ថុដែលមានច្បាប់ការពារត្រឹមត្រូវ បាន និងកំពុងរីកសាយភាយទៅដល់ស្ទើតែគ្រប់កន្លែង រាប់ចាប់ពីទីក្រុង រហូតដល់តំបន់ជនបទនៅទូទាំងប្រទេស ដែលអាចអនុញ្ញាតឱ្យប្រជាជនកាន់តែមានភាពងាយស្រួលក្នុងការទទួលសេវាហិរញ្ញវត្ថុផ្លូវការ។ ប៉ុន្តែទោះជាយ៉ាងនេះក្តី ការផ្តល់កម្ចីក្រៅផ្លូវការ ឬកម្ចីមិនមានច្បាប់ការពារត្រឹមត្រូវ នៅបន្តមានវត្តមាននៅក្នុងទីផ្សារ ហើយប្រជាជននៅតែបន្តប្រើប្រាស់ដោយប្រឈមនឹងហានិភ័យជាច្រើន។

លោក រុំ រដ្ឋា នាយករងអង្គភាពពាណិជ្ជកម្ម គ្រឹះស្ថានមីក្រូហិរញ្ញវត្ថុអម្រិត បានឱ្យដឹងថា កាលពីជំនាន់មុន កម្ចីក្រៅផ្លូវការបានរីកដុះដាលយ៉ាងខ្លាំង ប៉ុន្តែបច្ចុប្បន្ននេះ កម្ចីផ្លូវការ ដែលមានធនាគារ និងគ្រឹះស្ថានមីក្រូហិរញ្ញវត្ថុ ដែលមានច្បាប់ការពារបានរីកសាយភាយទៅស្ទើរតែគ្រប់ទីកន្លែង ទាំងនៅក្នុងក្រុង និងជនបទទៅហើយ។

លោកបានពន្យល់ថា ៖

«បើនិយាយពីភាពខុសគ្នារវាងកម្ចីក្រៅផ្លូវការ​​ និងផ្លូវការ​ គឺយើងនិយាយពីតម្លៃកម្ចី។ កម្ចីក្រៅផ្លូវការមានតម្លៃថ្លៃ និងការប្រាក់ខ្ពស់។ ការផ្តល់កម្ចីក្រៅផ្លូវការនេះទៀតសោត គឺមិនមានការផ្តល់ប្រឹក្សាដល់អ្នកខ្ចីនោះទេ ហើយផ្តោតភាគច្រើនតែលើទ្រព្យបញ្ចាំប៉ុណ្ណោះ។ ឧទាហរណ៍ថា និយាយពីការប្រើប្រាស់កម្ចីក្រៅផ្លូវការ បើទ្រព្យបញ្ចាំមានតម្លៃ ១​ ម៉ឺនដុល្លារ​ អ្នកចងការអាចឱ្យ ៥ ពាន់ដុល្លារ ដោយមិនមានការពិភាក្សា និងសិក្សាលម្អិតពីគម្រោងអាជីវកម្មរបស់អ្នកស្នើប្រើប្រាស់កម្ចីនោះទេ។ ចំពោះកម្ចីក្រៅផ្លូវការ អតិថិជនប្រឈមនឹងហានិភ័យខ្ពស់ ដូចជា បាត់បង់ទ្រព្យបញ្ចាំ ការជំរឹតទារប្រាក់ បង្កើនបន្ទុកបំណុល និងការប្រាក់ខ្ពស់ ព្រោះមិនមានការសិក្សា និងវិភាគត្រឹមត្រូវ មុននឹងផ្តល់កម្ចី»។

ការជុំវិញការផ្តល់កម្ចីផ្លូវការវិញ លោក រុំ រដ្ឋា បានថ្លែងថា​ បើងាកមកនិយាយពីកម្ចីផ្លូវការវិញ គឺសំដៅទៅដល់ធនាគារ និងគ្រឹះស្ថានមីក្រូហិរញ្ញវត្ថុ ដែលទទួលស្គាល់ដោយធនាគារជាតិនៃកម្ពុជា។ ចំពោះការប្រាក់ ធនាគារ និងគ្រឹះស្ថានមីក្រូហិរញ្ញវត្ថុផ្តល់ជូនអតិថិជនទាបជាងកម្ចីដែលផ្តល់ដោយអ្នកចងការ។

លោក បានថ្លែងបន្តថា ៖

«មុននឹងផ្តល់កម្ចី ធនាគារ និងគ្រឹះស្ថានមីក្រូហិរញ្ញវត្ថុ តែងតែពិភាក្សាជាមួយអតិថិជន ដោយសាកសួរសិក្សាថា តើអតិថិជនយកកម្ចីទៅធ្វើអ្វី ចំណូលអាចសងត្រឡប់ឬអត់ និងមានការវាយតម្លៃ និងការវិភាគមួយចំនួនទៀតមុនសម្រេចផ្តល់កម្ចីដល់អតិថិជន។ ឧទាហរណ៍ ដូចករណីផ្តល់កម្ចីផ្លូវការ ៥ ពាន់ដុល្លារ​ ធនាគារ និងគ្រឹះស្ថានមីក្រូហិរញ្ញវត្ថុ នឹងធ្វើការវិភាគមើលថា​ តើអតិថិជនយកលុយ ៥ ពាន់ដុល្លារទៅធ្វើអ្វី តើគោលបំណងប្រើប្រាស់កម្ចីសមហេតុផលឬអត់ អតិថិជនពិតជាប្រើប្រាស់ក្នុងគោលបំណងដូចដែលបានដាក់ស្នើកម្ចីឬអត់ ហើយមានលទ្ធភាពសងត្រឡប់បានឬអត់។ ការសិក្សា​ និងវិភាគទាំងនេះ​ តែងតែត្រូវបានធ្វើឡើងដោយធនាគារ និងគ្រឹះស្ថានមីក្រូហិរញ្ញវត្ថុ ក្នុងគោលបំណងឱ្យប្រាកដថា​ ការផ្តល់កម្ចីនីមួយៗទទួលបានជោគជ័យ និងរីកចម្រើនទាំងស្ថាប័នផ្តល់កម្ចី និងអតិថិជន»។

ជាមួយគ្នានេះ លោក រុំ រដ្ឋា ក៏បានឱ្យដឹងផងដែរថា ជាទូទៅ ធនាគារ និងគ្រឹះស្ថានមីក្រូហិរញ្ញវត្ថុផ្លូវការ គឺស្ថិតនៅក្រោមការគ្រប់គ្រងដោយធនាគារជាតិនៃកម្ពុជា ហើយធនាគារ និងគ្រឹះស្ថានមីក្រូហិរញ្ញវត្ថុមានច្បាប់ការពារអតិថិជន និងខសន្យាត្រឹមត្រូវរវាងស្ថាប័ន និងអតិថិជនដែលជាអ្នកស្នើកម្ចី ដើម្បីជៀសវាងបញ្ហានានាដែលអាចកើតមាន។  ជារួម កម្ចីផ្លូវការមានភាពល្អប្រសើរជាងកម្ចីក្រៅផ្លូវការ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ធនាគារ វីង បើកសម្ពោធសាខាថ្មីក្នុងក្រុងកំពង់ឆ្នាំង

ព្រឹត្តិការណ៍, អត្ថបទពាណិជ្ជកម្ម

• 14/06/2024

សេវាធនាគារដ៏សម្បូរបែបរបស់ធនាគារ វីង ឥឡូវនេះបានពង្រីកទៅដល់ក្រុងកំពង់ឆ្នាំងហើយ ដើម្បីជួយសម្រួលប្រជាជនក្នុងខេត្តនេះជាមួយនឹងតម្រូវការសេវាហិរញ្ញវត្ថុប្រចាំថ្ងៃកាន់តែប្រសើរ

៤០ឆ្នាំក្នុងនាមជារោងចក្រពិភពលោក តែមិនប្រាកដថាអាចបន្តភាពជោគជ័យក្នុងទីផ្សាររថយន្តអគ្គិសនីនោះឡើយ

ព្រឹត្តិការណ៍, សេដ្ឋកិច្ច

• 14/06/2024

រថយន្តអគ្គិសនីរបស់ចិន មិនប្រាកដថាអាថវាយឡុកទីផ្សារពិភពលោកបានជោគជ័យដូចជាទីផ្សារផលិតផល និងទំនិញរបស់ខ្លួនដែលធ្លាប់ធ្វើបានជាង៤០ឆ្នាំនោះឡើយ

ព្រែកជីកហ្វូណនតេជោ នឹងផ្លាស់ប្ដូរមុខមាត់ និងមានដង្ហើមសេដ្ឋកិច្ចដូចព្រែកជីក Rhine–Main–Danube នៅអាល្លឺម៉ង់

ព្រឹត្តិការណ៍, សេដ្ឋកិច្ច

• 14/06/2024

ព្រែកជីកហ្វូណនតេជោ នឹងផ្លាស់ប្ដូរមុខមាត់កម្ពុជាថ្មី និងមានដង្ហើមសេដ្ឋកិច្ចដូចព្រែកជីក Rhine–Main–Danube នៅប្រទេសអាល្លឺម៉ង់ ក្រោយពេលស្ថាបនារួច

ពូជកូនឈើហូបផ្លែកាន់តែមានតម្រូវការទីផ្សារនារដូវវស្សា

ជំនួញ, ព្រឹត្តិការណ៍

• 14/06/2024

សម្រាប់រដូវវស្សាដែលមានភ្លៀងធ្លាក់ច្រើន និងមានប្រភពទឹកគ្រប់គ្រាន់ ជាអំណោយផលមួយសម្រាប់បងប្អូនប្រជាកសិករ ក៏ដូចជាអ្នកដែលចូលចិត្តដាំដំណាំ និងដើមឈើហូបផ្លែ

អ្នកជំនាញលើកទឹកចិត្តឱ្យគ្រឹះស្ថានផ្ដល់កម្ចី និងអតិថិជនបើកចិត្តជជែកគ្នា ដើម្បីចៀសវាងកើតមានបញ្ហាណាមួយ

ព្រឹត្តិការណ៍, ហិរញ្ញវត្ថុ

• 14/06/2024

បញ្ហាមួយអាចកើតឡើង ប្រសិនបើអតិថិជនមិនមានលទ្ធភាពសង ទៅកាន់គ្រឹះស្ថានផ្ដល់កម្ចីតាមកិច្ចសន្យា ហើយភាគីទាំងពីរមិនបានជជែកគ្នាដើម្បីរកដំណោះស្រាយ។

សកម្មភាពសាងសង់ផ្ទះរបស់ប្រជាពលរដ្ឋតាមបណ្ដាខេត្ត​ធ្លាក់ចុះ​ជាង​ឆ្នាំមុន​

ព្រឹត្តិការណ៍, អចលនទ្រព្យ

• 14/06/2024

ប្រជាពលរដ្ឋ​ដែលសាងសង់ផ្ទះថ្មី​នៅក្នុង​ឆ្នាំ ២០២៤​នេះឃើញថា​មាន​ចំនួន​តិចជាង​ឆ្នាំ ២០២៣​ ដែលធ្វើឱ្យការលក់​គ្រឿងសំណង់​និងចំណូល​អ្នក​សាងសង់​ថយចុះ

តម្លៃប្រេងបន្តឡើងថ្លៃ ខណៈដែលការផ្គត់ផ្គង់អាចនឹងត្រូវបានរឹតបន្តឹងរហូតដល់ត្រីមាសទី៣ឆ្នាំនេះ

ព្រឹត្តិការណ៍, អាជីវកម្មថ្មី និងនវានុវត្ត

• 14/06/2024

តម្លៃប្រេងម៉ាក West Texas Intermediate (WTI) ឡើងថ្លៃ ០,៧៧ ភាគរយ ឬ ៧៨,៥០ ដុល្លារក្នុងមួយបារ៉ែល ខណៈដែលតម្លៃប្រេងម៉ាក Brent ឡើងថ្លៃ ០,៨៣ ភាគរយ ឬ ៨២,៦០ ដុល្លារក្នុងមួយបារ៉ែល

វិស័យ SMEs ជាកម្លាំងជំរុញដ៏សំខាន់ក្នុងដំណើររបស់កម្ពុជាឆ្ពោះទៅការសម្រេចបានគោលដៅជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០

ព្រឹត្តិការណ៍, សេដ្ឋកិច្ច

• 14/06/2024

សហគ្រាសធុនមីក្រូ តូច និងមធ្យមគឺជាកម្លាំងជំរុញដ៏សំខាន់ក្នុងដំណើររបស់កម្ពុជាឆ្ពោះទៅការសម្រេចបានគោលដៅជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០

ស្វែងយល់ពីសារៈសំខាន់នៃចំណេះដឹងហិរញ្ញវត្ថុ

ព្រឹត្តិការណ៍, ហិរញ្ញវត្ថុ

• 14/06/2024

ភ្នំពេញ ៖ ចំណេះដឹងហិរញ្ញវត្ថុគឺជាបំណិនជីវិតមួយ ដែលបុគ្គលគ្រប់រូបត្រូវការសម្រាប់ការរស់នៅប្រចាំថ្ងៃ ព្រោះវាជួយឱ្យបុគ្គលនីមួយៗគ្រប់គ្រងលុយកាក់បានល្អប្រសើរជាងមុន ជួយឱ្យសម្រេចចិត្តផ្នែកហិរញ្ញវត្ថុបានត្រឹមត្រូវ ...

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ

ព្រឹត្តិការណ៍, អត្ថបទពាណិជ្ជកម្ម

• 13/06/2024

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ