សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ យោងតាមរបាយការណ៍ក្រសួងសេដ្ឋកិច្ច និងហិរញ្ញវត្ថុបានឱ្យដឹងថា ក្នុងរយៈពេល ៦ ខែដំបូងនៃឆ្នាំ២០២១ ប្រទេសកម្ពុជាបានធ្វើការនាំចេញមានទំហំទឹកប្រាក់សរុបចំនួន ៨,២២ ពាន់លានដុល្លារ កើនឡើងប្រមាណ ១៧ ភាគរយបើប្រៀបធៀបទៅនឹងរយៈពេលដូចគ្នាកាលពីឆ្នាំមុន។
តួលេខពីនាយកដ្ឋានគយ និងរដ្ឋាកររបស់ក្រសួងសេដ្ឋកិច្ច និងហិរញ្ញវត្ថុបានបង្ហាញថា ការនាំចេញផលិតផលកាត់ដេរ សម្លៀកបំពាក់ ស្បែកជើង និងទំនិញធ្វើដំណើរមានចំនួន ៤,៧២១ ពាន់លានដុល្លារ កើនឡើង ០,៩ ភាគរយលើសពីឆ្នាំមុន។ ចំណែកការនាំចេញផលិតផលមិនមែនសម្លៀកបំពាក់មានចំនួន ១,៨៩៩ ពាន់លានដុល្លារ រួមមានកង់ គ្រឿងអេឡិចត្រូនិក គ្រឿងបន្លាស់រថយន្ត និងសម្ភារឧស្សាហកម្មផ្សេងទៀត បានកើនឡើង ៥០ភាគរយបើប្រៀបធៀបទៅនឹងឆមាសទី ១ ឆ្នាំ២០២០។ ក្នុងនោះផងដែរ ការនាំចេញផលិតផលកសិកម្មមានចំនួន ១ ៥៨០ ពាន់លានដុល្លារ ដែលទីផ្សារនាំចេញចម្បងរបស់កម្ពុជាគឺសហរដ្ឋអាមេរិកសហភាពអឺរ៉ុប កាណាដា ជប៉ុន ចិន កូរ៉េខាងត្បូង និងបណ្តាប្រទេសអាស៊ានមានវៀតណាម និងថៃ។
ជាមួយនឹងកំណើននៃការនាំចេញកាន់តែច្រើនកាលពីពេលកន្លងទៅនេះត្រូវបានគេមើលឃើញថា ជាការបង្ហាញពីសញ្ញាវិជ្ជមាននៅក្នុងផលិតកម្មក្នុងស្រុក បើទោះបីជាមានការរាតត្បាតពីជំងឺកូវី-១៩ ក៏ដោយ ។
ឯកឧត្តម វង្សី វិស្សុត រដ្ឋលេខាធិការអចិន្ត្រៃយ៍នៃក្រសួងសេដ្ឋកិច្ច និងហិរញ្ញវត្ថុបានមានប្រសាសន៍កាលពីពេលកន្លងទៅថ្មីៗនេះថា ការនាំចេញផលិតផល មិនមែនសម្លៀកបំពាក់ នឹងបន្តកើនឡើងបន្ថែមទៀត ខណៈពេលដែលការនាំចេញសម្លៀកបំពាក់អាចនឹងមានការធ្លាក់ចុះ។
ឯកឧត្តមបានបន្តថា ការងើបឡើងវិញនៃសេដ្ឋកិច្ចសហរដ្ឋអាមេរិក និងទិសដៅនាំចេញសំខាន់ៗផ្សេងទៀតសម្រាប់ផលិតផលមិនមែនកាត់ដេររបស់កម្ពុជា នឹងធ្វើឱ្យសង្វាក់ផលិតកម្មនៅក្នុងប្រទេសមានការមមាញឹក ព្រោះថាកំណើននៃការនាំចេញគឺជាកត្តាជំរុញនូវសកម្មភាពវិជ្ជមានក្នុងចំណោមសង្វាក់ផលិតកម្ម។ វាជាលទ្ធផលល្អពីការខិតខំរបស់រដ្ឋាភិបាលក្នុងការជំរុញចង្វាក់ផលិតកម្មសកម្មដើម្បីរក្សាការនាំចេញ បង្កើតការងារ និងកំណើនសេដ្ឋកិច្ច ។
លោកឧកញ៉ា លឹម ហេង អនុប្រធានសភាពាណិជ្ជកម្មកម្ពុជា បានមានប្រសាសន៍ថា ការនាំចេញរបស់កម្ពុជាទៅកាន់សហរដ្ឋអាមេរិកភាគច្រើនជាសម្លៀកបំពាក់ និងទំនិញដូចជាស្បែកជើង កង់ និងគ្រឿងសង្ហារិម នៅតែបន្តមានតម្រូវការទីផ្សារ។ អ្នកនាំចូលទំនិញធ្វើដំណើរទៅអាមេរិកឥឡូវនេះតម្រូវឱ្យបង់ពន្ធលើការនាំចូលពី ព្រោះប្រព័ន្ធអនុគ្រោះពន្ធ GSP បានផុតកំណត់។
លោកឧកញ៉ាបានបញ្ជាក់ថា ការអនុគ្រោះពន្ធពាណិជ្ជកម្មដើរតួនាទីយ៉ាងសំខាន់ និងជាកម្លាំងវិជ្ជមានក្នុងកំណើននាំចេញទៅ។ ចំពោះសង្គ្រាមពាណិជ្ជកម្មរវាងសហរដ្ឋអាមេរិក និងចិន ដែលជំរុញការដំឡើងពន្ធគយបានបង្កើតឱកាសដល់កម្ពុជាសម្រាប់វិនិយោគិនបរទេសមកបណ្តាក់ទុនវិនិយោគ ដើម្បីគេចផុតពីគំនាបពន្ធដ៏ធ្ងន់ធ្ងរ ហើយអាចមានឱកាសនាំចេញបានយ៉ាងប្រសើរតាមរយៈកិច្ចព្រមព្រៀងពាណិជ្ជកម្មរវាងកម្ពុជានិងបណ្តាប្រទេសផ្សេងៗ ជាពិសេសទីផ្សារចិនដែលមានទំហំធំទូលាយរហូតដល់ជាង១ ៤០០លាននាក់។
គួរបញ្ជាក់ផងដែរថា តម្លៃទំនិញកម្ពុជាដែលនាំចេញទៅអាមេរិកមានចំនួន ៦,៥ ពាន់លានដុល្លារក្នុងឆ្នាំ២០២០។ តួលេខនេះបានកើនឡើង ២២,៧៩ ភាគរយពី ៥,៣ ពាន់លានដុល្លារដែលបានកត់ត្រាក្នុងឆ្នាំ ២០១៩ ។ ជាមួយគ្នានេះ ប្រទេសកម្ពុជាបានដឹកជញ្ជូនសម្លៀកបំពាក់ ទំនិញមិនមែនសម្លៀកបំពាក់ និងផលិតផលកសិកម្មមានតម្លៃ ១៦ ពាន់លានដុល្លារកាលពីឆ្នាំមុន ដែលជាការកើនឡើង ១៤ ភាគរយបើប្រៀបធៀបនឹងលទ្ធផលឆ្នាំ២០១៩៕
ជីវប្រវត្តិ: បានបញ្ចប់ការសិក្សាថ្នាកអនុបណ្ឌិតផ្នែកប្រព័ន្ធផ្សព្វផ្សាយមកពីសហភាពសូវៀត និងមានបទពិសោធន៍ជាង ២០ឆ្នាំក្នុងវិស័យសារព័ត៌មាន។ បច្ចុប្បន្ន លោកជាអ្នកយកព័ត៌មានសេដ្ឋកិច្ចឱ្យសារព័ត៌មាន AMS Economy ។
របាយការណ៍ថ្មីៗ
មើលទាំងអស់ ➧
បុគ្គល ៤ អាចជំនួសតំណែងលោក Zelensky ក្រោយលោក Trump ជំរុញការផ្លាស់ប្តូរនយោបាយអ៊ុយក្រែន
បទយកការណ៍, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 13/10/2026
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
លោក Trump ទំនងពិចារណាបណ្ដេញរដ្ឋមន្ត្រីសង្គ្រាម ដើម្បីគេចពីការទទួលខុសត្រូវលើសង្គ្រាមអ៊ីរ៉ង់
ព្រឹត្តិការណ៍, អាជីវកម្មថ្មី និងនវានុវត្ត
• 16/10/2026
ប្រធានាធិបតីអាម៉េរិក លោក Donald Trump ទំនងជាកំពុងពិចារណាលើលទ្ធភាពបណ្តេញរដ្ឋមន្ត្រីក្រសួងសង្គ្រាម លោក Pete Hegseth ចេញពីតំណែង បន្ទាប់ពីការបោះឆ្នោតសភាពាក់កណ្តាលអាណត្តិខាងមុខនេះ ដើម្បីជួយដកខ្លួនចេញពីការទទួលខុសត្រូវចំពោះសង្គ្រាមជាមួយប្រទេសអ៊ីរ៉ង់
អាស៊ាន រៀបចំកិច្ចប្រជុំអំពីឧតុនិយម និងដំណោះស្រាយ ឆ្លើយតបទៅនឹងបាតុភូតអែល នីញ៉ូ (El Niño) នៅទីក្រុងដាណាំង ប្រទេសវៀតណាម
ព្រឹត្តិការណ៍, អាជីវកម្មថ្មី និងនវានុវត្ត
• 14/10/2026
ប្រតិភូប្រមាណ ៦០ រូបនឹងជួបជុំគ្នានៅទីក្រុងដាណាំង ប្រទេសវៀតណាមចាប់ពីថ្ងៃទី ១៤ ដល់ថ្ងៃទី ១៦ ខែតុលា ដើម្បីពិភាក្សាអំពីវិធានការឆ្លើយតបទៅនឹងបាតុភូត El Niño និងពង្រឹងកិច្ចសហប្រតិបត្តិការលើវិស័យឧតុនិយម និងជលសាស្ត្រនៅក្នុងតំបន់អាស៊ាន
រុស្ស៊ី ដំណើរការសេវាទូទាត់លុយគ្រីបតូជាសាច់ប្រាក់លើកដំបូងបំផុតរបស់ពិភពលោកក្នុងតម្លៃសេវាត្រឹមតែ ០,៣ភាគរយ
ព្រឹត្តិការណ៍, អាជីវកម្មថ្មី និងនវានុវត្ត
• 14/10/2026
បរទេស ៖ ក្រុមហ៊ុនបច្ចេកវិទ្យាហិរញ្ញវត្ថុរុស្ស៊ី A7 បានប្រកាសដាក់ឱ្យប្រើប្រាស់សេវាកម្មទូទាត់ប្រាក់លើកដំបូងបំផុតរបស់ពិភពលោក ដែលអនុញ្ញាតឱ្យអតិថិជនផ្ទេរប្រាក់ឆ្លងប្រទេសដោយប្រើប្រាស់រូបិយប័ណ្ណគ្រីបតូ(Cryptocurrency)ជាមួយតម្លៃសេវាត្រឹមតែ ០,៣ភាគរយ។ យោងតាមការចេញផ្សាយរបស់កាសែត RT បានឲ្យដឹងថា ការបើកដំណើរការសេវាកម្មថ្មីដែលមានឈ្មោះថា A7 International នេះ បានជួយឱ្យក្រុមហ៊ុនអាចពង្រីកវិសាលភាពរបស់ខ្លួនទៅកាន់អន្តរជាតិបើទោះបីជាកំពុងរងទណ្ឌកម្មសេដ្ឋកិច្ចពីបណ្តាប្រទេសលោកខាងលិចក៏ដោយ។ តាមរយៈប្រព័ន្ធថ្មីនេះ អតិថិជនអាចទូទាត់ការផ្ទេរប្រាក់ជាប្រភេទរូបិយប័ណ្ណឌីជីថល USDT(ដែលជាប្រាក់គ្រីបតូមានតម្លៃថេរស្មើប្រាក់ដុល្លារអាមេរិក) ហើយអ្នកទទួលប្រាក់នឹងទទួលបានជាសាច់ប្រាក់តាមប្រព័ន្ធ SWIFT
ខ្សែភាពយន្តឯកសារ «LOOT: ការវិលត្រឡប់មកវិញនូវរតនសម្បត្តិវត្ថុកម្ពុជា» ត្រៀមចាក់បញ្ចាំងនៅតាមរោងភាពយន្តទូទាំងប្រទេសកម្ពុជា ចាប់ពីថ្ងៃទី១៦ ខែតុលា ឆ្នាំ២០២៦
ព្រឹត្តិការណ៍, អត្ថបទពាណិជ្ជកម្ម
• 13/10/2026
ភ្នំពេញ ៖ ខ្សែភាពយន្តឯកសារកម្រិតអន្តរជាតិ “LOOT” ដែលលាតត្រដាងពីបណ្តាញឧក្រិដ្ឋកម្មជួញដូរវត្ថុបុរាណខ្មែរជាសកល ដោយខុសច្បាប់ពីសំណាក់ជនបរទេស ត្រូវបានក្រុមហ៊ុន AMS (Apsara Media Services) សហការជាមួយក្រុមហ៊ុន New Theory Picture ចាក់បញ្ចាំងនៅតាមរោងភាពយន្តក្នុងប្រទេសកម្ពុជា ចាប់ពីថ្ងៃទី១៦ ខែតុលា ឆ្នាំ២០២៦ តទៅ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content