សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ គម្រោងសាងសង់ផ្លូវល្បឿនលឿនទី៣របស់កម្ពុជា ភ្នំពេញ-សៀមរាប-ប៉ោយប៉ែត គ្រោងនឹងបញ្ចប់ការសិក្សាដំណាក់កាលទី២ នៅខែមីនា ឆ្នាំ២០២៤ខាងមុខ។ នេះបើតាមការឱ្យដឹងពីក្រសួងសាធារណៈការ និងដឹកជញ្ជូន។
តាមរយៈបេសកម្មចុះពិនិត្យ និងស្វែងយល់នៅលើទីតាំងមួយចំនួននៃគម្រោងផ្លូវល្បឿនលឿនភ្នំពេញ-សៀមរាប-ប៉ោយប៉ែត ក្រុមការងារក្រសួងសាធារណៈការបានប្រមូលយកនូវព័ត៌មានមួយចំនួន ក៏ដូចជាផ្តល់អនុសាសន៍បន្ថែមជូនក្រុមហ៊ុនក្នុងការពិនិត្យកែសម្រួល ជាពិសេសគម្រោងកំណាត់ផ្លូវដំណាក់កាលទី១ ភ្នំពេញ – សៀមរាប។
បើតាមក្រសួងសាធារណៈការ និងដឹកជញ្ជូន សម្រាប់ដំណាក់ទី២ សៀមរាប-ប៉ោយប៉ែត នឹងបញ្ចប់ការងារសិក្សានៅការដ្ឋាននាខែមីនា ២០២៤ ហើយបញ្ចប់សេចក្តីព្រាងគម្រោងសិក្សាសមិទ្ធលទ្ធភាព បច្ចេកទេសប្លង់វិស្វកម្ម និងដាក់ជូនមកក្រសួងពិនិត្យ នៅខែឧសភា ២០២៤ខាងមុខ។ ប៉ុន្តែយ៉ាងណា សម្រាប់ដំណាក់កាលទី២នេះ ក្រសួងក៏នឹងរៀបចំកិច្ចប្រជុំជាមួយស្ថាប័ន អាជ្ញាធរពាក់ព័ន្ធ ជាពិសេសអាជ្ញាធរអប្សរា ដើម្បីពិនិ្យផ្តល់យោបល់លើកំណាត់ផ្លូវវាងក្រុងផងដែរ។
គួរបញ្ជាក់ថា គម្រោងសាងសង់ផ្លូវល្បឿនលឿនតភ្ជាប់ពីរាជធានីភ្នំពេញ-សៀមរាប- ប៉ោយប៉ែត ស្ថិតក្រោមយន្តការភាពជាដៃគូរវាងរដ្ឋ និងឯកជន (PPP) មានប្រវែង៤២០គីឡូម៉ែត្រ ដោយមានចំណុចចាប់ផ្តើមនៅភាគខាងជើងនៃផ្លូវក្រវាត់ក្រុងទី៣ រាជធានីភ្នំពេញ និងចំណុចបញ្ចប់នៅក្រុងប៉ោយប៉ែត(ព្រំដែនកម្ពុជា-ថៃ)។
គម្រោងនេះ នឹងឆ្លងកាត់រាជធានីភ្នំពេញប្រវែង ៣គ.ម ខេត្តកណ្ដាល ១៨គ.ម ខេត្តកំពង់ចាម ៤៣ គ.ម ខេត្តកំពង់ធំ ១៣១គ.ម ខេត្តសៀមរាប ១៣០គ.ម និងខេត្តខេត្តបន្ទាយមានជ័យ ៩៥គ.ម។
ដោយឡែក គម្រោងហេដ្ឋារចនាសម្ព័ន្ធផ្លូវល្បឿនលឿន តភ្ជាប់ពីរាជធានីភ្នំពេញ-ខេត្តសៀមរាប-ក្រុងប៉ោយប៉ែត បានចុះកិច្ចព្រមព្រៀងក្របខ័ណ្ឌ កាលពីថ្ងៃទី០៧ ខែមិថុនា ឆ្នាំ២០២៣។ គម្រោងនេះ គឺជាគម្រោងផ្លូវល្បឿនលឿនទី៣របស់កម្ពុជា ដោយគ្រោងចំណាយថវិកាសាងសង់ ៤០០០លានដុល្លារអាមេរិក៕
Account
Security
Favourite Content