កំណើនភ្ញៀវទេសចរទៅសហគមន៍ទេសចរណ៍កោះហាន ធ្វើឱ្យប្រជាជនមានការងារកាន់តែច្រើន

សហគមន៍អេកូទេសចរណ៍សម្រស់កោះហាន មានទីតាំងស្ថិតលើដីកោះ ក្នុងឃុំកោះស្នែង ស្រុកអូរស្វាយសែនជ័យ ខេត្តស្ទឹងត្រែង ខណៈដែលភ្ញៀវទេសចរអាចធ្វើ​ដំណើរទៅកម្សាន្តបានតាមរយៈការឆ្លង​ស្ពានសេកុង តាមផ្លូវជាតិលេខ៧ ចេញពីទីរួម​ខេត្តស្ទឹងត្រែង ក្នុងចម្ងាយប្រហែល ២៤ គីឡូម៉ែត្រ។

ចំណុចពិសេសរបស់ដែនកោះនេះគឺ​វាស្ថិតនៅតាមដងទន្លេមេគង្គ ដែលជាទន្លេសម្បូរទៅដោយជីវៈចម្រុះជាច្រើនប្រភេទ។ នៅរដូវទឹកស្រកម្ដងៗ ភ្ញៀវទេសចរអាចទៅគយមើលឆ្នេរខ្សាច់សក្បុស ដែលហូរមកតាមទឹកទន្លេមេគង្គ។ មិនត្រឹមតែប៉ុណ្ណោះ តំបន់ជុំវិញកោះហាននេះ មានកោះផ្សេងៗទៀត ដែលវាជាជម្រកដល់សត្វជិត ផុតពូជជាច្រើនប្រភេទផងដែរ ជាពិសេសគឺប្រភេទសត្វស្លាបតែម្ដង។

អ្នកទេសចរដែលទៅលេងសហគមន៍កោះហាន អាចបោះតង់គេងលើវាលខ្សាច់ប្របនឹងមាត់ទឹក រង់ចាំគយគន់មើលទិដ្ឋភាពថ្ងៃរះ និងថ្ងៃលិចដ៏ស្រស់ស្អាត។ ក្នុងវេលាថ្ងៃលិចផងដែរ សត្វស្លាបទាំងហ្វូងៗ ក៏នឹងហើរវិលត្រឡប់ទៅកាន់សំបុករៀងៗខ្លួន ដែលបង្កើតបានជាផ្ទាំងទស្សនីយភាពដ៏ស្រស់ស្អាត។

ក្រៅពីសកម្មភាពទាំងនេះ ភ្ញៀវក៏អាចជួលទូកជិះចូលទៅតំបន់ព្រៃលិចទឹក ដើម្បីអ៊ុំកៃយ៉ាក់ និងងូតទឹកលេង ហើយពេលត្រឡប់មកដល់សហគមន៍វិញ អ្នកទេសចរអាចភ្លក់ម្ហូបរបស់ប្រជាសហគមន៍ដែលជាជនជាតិខ្មែរ-ឡាវ ផងដែរ។

យ៉ាងណាមិញ សម្ទុះភ្ញៀវទេសចរដែលទៅលេងតំបន់អេកូទេសចរណ៍សម្រស់កោះហាននេះ បានកើនឡើងគួរឱ្យកត់សម្គាល់ពីមួយឆ្នាំទៅមួយឆ្នាំ។ ជាក់ស្ដែង ក្នុងឆ្នាំនេះសហគមន៍បាន​បន្ថែមទូកដើម្បីដឹកភ្ញៀវទេសចរក្នុងរដូវទឹកស្រក។

បើតាមអ្នកស្រី ប៊ុន សំផាន ដែលជាប្រធានសហគមន៍អេកូទេសចរណ៍សម្រស់កោះហានបានឱ្យដឹងថា ឆ្នាំមុន សហគមន៍មានទូកចំនួន ១១ ប៉ុន្តែឆ្នាំនេះបានឡើងដល់ ១៥ទូកហើយ ដោយសារតែភ្ញៀវចេះតែកើនឡើងពីមួយឆ្នាំទៅមួយឆ្នាំ។

ប្រធានសហគមន៍វ័យ ៥០ប្លាយ សម្ដីរដឺនរូបនេះបានបន្តឱ្យដឹងទៀតថា ៖

«ការកើនឡើងនៃភ្ញៀវទេសចរបែបនេះជារឿងល្អមែនទែន ដោយវានឹងជួយឱ្យអាត្រាកាប់បំផ្លាញព្រៃលិចទឹក នេសាទខុសច្បាប់ និងបរបាញ់សត្វកាន់តែថយចុះ»។ ការថយចុះនៃបទល្មើសទាំងនេះ នឹងជះផលល្អដល់សហគមន៍បន្តទៀត ដោយទុកឱកាសឱ្យសត្វព្រៃបានរស់នៅ បង្កើតកូនបានច្រើន ដើម្បីទាក់ទាញអ្នកទេសចរវិញ។ អ្វីដែលសំខាន់បំផុតនោះគឺជីវភាពរស់នៅរបស់ប្រជាជននៃកោះហានប្រមាណជិត៤០គ្រួសារ នឹងមានភាពប្រសើរជាងមុន រីឯកូនៗរបស់ពួកគេក៏មានឱកាសទទួលបានការអប់រំច្រើនជាងមុនផងដែរ។

យ៉ាងណាមិញ អ្នកស្រីបានបង្ហើបឱ្យដឹងថា មួយផ្នែកធំដែលរុញភ្ញៀវទេសចរឱ្យទៅទស្សនាតំបន់ទន្លេមេគង្គនេះ ក៏ដោយសារតែការរីកចម្រើននៃប្រព័ន្ធផ្សព្វផ្សាយ។ កន្លងមក ភ្ញៀវដែលបានទៅលេងតែងតែផ្ដិតយករូបភាពស្អាតៗ និងបង្ហោះនៅលើបណ្ដាញសង្គមយ៉ាងទូលំទូលាយ។ ម្លោះហើយ សម្រាប់អ្នកស្រី គឺស្វាគមន៍ជានិច្ចនូវវត្តមានរបស់ភ្ញៀវទេសចរ ក៏ដូចជាការ​ផ្សព្វផ្សាយ​គ្រប់ទម្រង់ ហើយថាវត្តមានរបស់ភ្ញៀវទេសចរទាំងនោះហើយ ដែលជាឆ្នាំងបាយរបស់ប្រជាសហគមន៍ភាគច្រើន។ ដោយឡែក ក្នុងឱកាសនៃពិធីបុណ្យចូលឆ្នាំចិនខាងមុខនេះ អ្នកស្រីរំពឹងថានឹងមានភ្ញៀវសម្រុកទៅទស្សនាតំបន់កោះហានកាន់តែច្រើនថែមទៀតផងដែរ។

គួរបញ្ជាក់ថា អ្នកទេសចរអាចទៅលេងតំបន់អេកូទេសចរណ៍សម្រស់កោះហាននៅរដូវប្រាំង ចន្លោះពីខែ ១២ ទៅដល់ខែ៥ ។ ប៉ុន្តែក្នុងអំឡុងខែ ១២ ខែ១ និងខែ២ ជារដូវដែលតំបន់នេះ​បញ្ចេញសម្រស់​ស្រស់ស្អាតជាងខែណាៗទាំងអស់៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ធនាគារពិភពលោកលើកឡើងពីបញ្ហាកំពុងកើតឡើង ៣ ដែលរារាំងដល់កំណើនសេដ្ឋកិច្ចសកល

ព្រឹត្តិការណ៍, សេដ្ឋកិច្ច

• 20/06/2024

ប្រធានសេដ្ឋវិទូរបស់ធនាគារពិភពលោកបានលើកឡើងថា កំណើនសេដ្ឋកិច្ចសកលហាក់ដូចជាកំពុងនៅលើផ្លូវឆ្ពោះទៅរកស្ថិរភាព ប៉ុន្តែពិភពលោកកំពុងប្រឈមនឹងហានិភ័យមួយចំនួន

ប្រធានាធិបតីរុស្ស៊ី Vladimir Putin បានធ្វើដំណើរទស្សនកិច្ចមកដល់ប្រទេសវៀតណាម

ព្រឹត្តិការណ៍, អាជីវកម្មថ្មី និងនវានុវត្ត

• 20/06/2024

កាលពីព្រឹកថ្ងៃព្រហស្បតិ៍នេះ យន្តហោះរបស់ប្រធានាធិបតីរុស្ស៊ី Vladimir Putin បានចុះចតនៅទីក្រុងហាណូយ ហើយវៀតណាមគឺជាគោលដៅចុងក្រោយរបស់គាត់ក្នុងដំណើរទស្សនកិច្ចនៅអាស៊ី

វេទិកា​ធុរកិច្ច​ កម្ពុជា​-​សិង្ហបុរី​​ នឹង​ជួយ​ជំរុញ​កិច្ច​សហប្រតិបត្តិការទ្វេភាគី និងបង្កើត​ភាពជា​ដៃគូ​យូរអង្វែង​នៅ​ក្នុង​វិ​ស័​យ​សំខាន់​ៗ

ព្រឹត្តិការណ៍, សេដ្ឋកិច្ច

• 19/06/2024

សភា​ពាណិជ្ជកម្ម​កម្ពុជា​ ​និង​សហ​ព័ន្ធ​ធុរកិច្ច​សិង្ហបុរី​ ​បាន​សហការ​គ្នា​រៀបចំ​វេទិកា​ធុរកិច្ច​កម្ពុជា​-​សិង្ហបុរី​ ​ដែល​បាន​ប្រព្រឹត្តទៅ​នៅ​ថ្ងៃ​ទី​១​៩​ ​ខែ​មិថុនា​ ​នៅ​សណ្ឋាគារ​ ​Co​nr​a​d​ ​Cent​e​nn​i​a​l​ ​Singapore

អាហារសម្រន់ប្រភេទថ្មី មានទាំងរសជាតិឆ្ងាញ់ ផ្តល់គុណតម្លៃដល់សុខភាព និងរួមចំណែកជួយដល់ជីវភាពកសិករក្នុងតំបន់

ជំនួញ, ព្រឹត្តិការណ៍

• 19/06/2024

ថ្មីៗនេះ Sabara Best Food បានចេញលក់នូវផលិតផលអាហារសម្រន់ថ្មីបីមុខ ដែលមានរសជាតិថ្មី ប្លែកមាត់ខុសពីគេ និងចូលរួមជួយដល់ជីវភាពកសិករកាន់តែច្រើន។

រដ្ឋមន្រ្តីកសិកម្ម កៀរគរកសិករឱ្យចងក្រងជាសហគមន៍កសិកម្មទំនើប ដើម្បីទទួលបានផលចំណេញច្រើន ហើយផ្សារភ្ជាប់ទៅកាន់ទីផ្សារ

ព្រឹត្តិការណ៍, សេដ្ឋកិច្ច

• 19/06/2024

ឯកឧត្តម ឌិតទីណា បានចុះជួបសំណេះសំណាលជាមួយប្រជាកសិករជាសមាជិកសហគមន៍ដាំបន្លែនៅខេត្តតាកែវ ក្នុងបំណងកៀរគរកសិករឱ្យចងក្រងជា «សហគមន៍កសិកម្មទំនើប»

ម៉ាឡេស៊ីកំពុងត្រៀមខ្លួនក្នុងការចូលរួមជាសមាជិកក្រុមប្រទេស BRICS

ព្រឹត្តិការណ៍, សេដ្ឋកិច្ច

• 19/06/2024

នាយករដ្ឋមន្រ្តីម៉ាឡាស៊ី អាន់វ៉ា អ៊ីប្រាហ៊ីម លើកឡើងថា ម៉ាឡេស៊ីបានបានធ្វើការសម្រេចចិត្តក្នុងការចូលរួមជាមួយ BRICS ហើយនឹងដាក់នីតិវិធីជាផ្លូវការក្នុងពេលឆាប់ៗនេះ ខណៈដែលកំពុងរង់ចាំលទ្ធផលចុងក្រោយពីរដ្ឋាភិបាលអាហ្វ្រិកខាងត្បូង

អាជីវកម្មរាប់រយដកខ្លួនចេញពីទីផ្សាររុស្សី ប៉ុន្តែយីហោធំៗបន្តម៉ាកពាណិជ្ជកម្មក្នុងទីផ្សារ

ព្រឹត្តិការណ៍, សេដ្ឋកិច្ច

• 19/06/2024

Coca Cola បានបង្ហាញខ្លួនក្នុងទីផ្សាររុស្ស៊ីតាំងតែពីឆ្នាំ១៩៨០ក្នុងអំឡុងពេលព្រឹត្តិការណ៍កីឡាអូឡាំពិកនាទីក្រុងមូស្គូ និងឆ្នាំ១៩៩០ នៅតាមហាង McDonald's

អ្នកជំនាញប្រាប់ពីរបៀបប្រើប្រាស់កម្ចី ដើម្បីឱ្យមានប្រសិទ្ធភាពខ្ពស់

ព្រឹត្តិការណ៍, ហិរញ្ញវត្ថុ

• 19/06/2024

អ្នកជំនាញហិរញ្ញវត្ថុប្រាប់ពីវិធីសាស្ត្រក្នុងការប្រើប្រាស់លុយកម្ចី ឬឥណទានពីធនាគារ និងគ្រឹះស្ថានមីក្រូហិរញ្ញវត្ថុ ឱ្យមានប្រសិទ្ធភាព ហើយវិធីសាស្ត្រទាំងនេះរួមមានការផ្តោតលើការប្រើប្រាស់កម្ចីឱ្យចំគោលដៅ

គម្រោង​វិនិយោគ​ពាក់ព័ន្ធនឹង​អគារ​ជាប់គាំង​​នៅខេត្ត​ព្រះសីហនុ​ទទួលបានការលើក​ទឹកចិត្តផ្នែកពន្ធដារ​ ៨ ​ចំណុច​សំខាន់ៗ

ព្រឹត្តិការណ៍, អចលនទ្រព្យ

• 19/06/2024

រាជរដ្ឋាភិបាល​បានលើកទឹកចិត្ត​ផ្នែកពន្ធដារ​ជាច្រើន​ដល់​វិនិយោគិនណាដែលមានបំណងមក​វិនិយោគ​នៅខេត្តព្រះសីហនុ ជាពិសេស​លើ​គម្រោងអគារ​ជាប់គាំង​

ទីផ្សារប្តូរប្រាក់រុស្ស៊ី MOEX ផ្អាកការជួញដូរជាប្រាក់ដុល្លារ និងប្រាក់អឺរ៉ូ ដោយសារទណ្ឌកម្មពីសហរដ្ឋអាមេរិក

ព្រឹត្តិការណ៍, អាជីវកម្មថ្មី និងនវានុវត្ត

• 19/06/2024

ទីផ្សារប្តូរប្រាក់រុស្ស៊ី Moscow Exchange (MOEX) បានផ្អាកការជួញដូរជាប្រាក់ដុល្លារ និងប្រាក់អឺរ៉ូចូលជាធរមាននៅថ្ងៃព្រហស្បតិ៍ ដោយសាររតនាគារសហរដ្ឋអាមេរិកបង្ហាញពីទណ្ឌកម្មថ្មីមកលើប្រទេសនេះ