សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុភ្នំពេញ ៖ ពិព័រណ៍រថយន្តភ្នំពេញដែលជាពិព័រណ៍រថយន្តឈានមុខគេមួយនៅកម្ពុជា នឹងរៀបចំឡើងនៅអំឡុងខែមីនា ឆ្នាំ២០២៤ ដើម្បីបង្ហាញពីរចនាបទ និងបច្ចេកវិទ្យាទំនើបចុងក្រោយបំផុតនៃយានយន្តដោយរំពឹងថានឹងមានអ្នកទស្សនាជាង ២ម៉ឺននាក់។
ពិព័រណ៍រថយន្តភ្នំពេញនេះនឹងមិនត្រឹមតែជាការតាំងបង្ហាញរថយន្តប៉ុណ្ណោះទេ ប៉ុន្តែជាទម្រង់យុទ្ធសាស្ត្រមួយដែលមានគោលបំណងក្នុងការនាំមកនូវការរួមគ្នារវាងវិស័យយានយន្ត និងអ្នកប្រើប្រាស់។ ជាមួយនឹងទីផ្សាររថយន្តរបស់កម្ពុជាមានតម្លៃប្រមាណជាង ២ ពាន់លានដុល្លារ និងទទួលបានបទពិសោធន៍ពីអត្រាកំណើនប្រចាំឆ្នាំ ១១ភាគរយ ពីឆ្នាំ ២០១៨ ដល់ឆ្នាំ ២០២២ បានបង្ហាញថាទីផ្សាររថយន្តកំពុងរីកចម្រើនយ៉ាងឆាប់រហ័សនេះ។
អ្នករៀបចំកម្មវិធីនេះ បានឱ្យដឹងថា ការតាំងពិព័រណ៍ររថយន្តភ្នំពេញ គឺមិនត្រឹមតែជាព្រឹត្តិការណ៍តាំងពិព័រណ៍ររថយន្តប៉ុណ្ណោះទេ តែវាគឺជាចលនាឆ្ពោះទៅរកការច្នៃប្រឌិត និងឧត្តមភាពក្នុងវិស័យយានយន្ត។ ពិព័រណ៍នេះសន្យាថានឹងក្លាយជាមជ្ឈមណ្ឌលដែលមានប្រសិទ្ធភាព និងសកម្មសម្រាប់ក្រុមហ៊ុនផលិតរថយន្តម៉ាកល្បីៗឈានមុខគេ ដែលមិនទាន់រាប់បញ្ចូលនូវវត្តមានបន្ថែមនៃអ្នកផ្គត់ផ្គង់គ្រឿងបន្លាស់ និងគ្រឿងតុបតែងរថយន្តនោះទេ។
ព្រឹត្តិការណ៍នេះផ្តល់នូវទម្រង់ដ៏ស្អិតល្មួតស្រដៀងនឹងការតាំងបង្ហាញរថយន្តដ៏ល្បីរបស់ប្រទេសសិង្ហបុរី និងទីក្រុងបាងកក។ វាជាឱកាសមួយសម្រាប់អ្នកដែលចូលចិត្តរថយន្ត និងអ្នកដែលមានបំណងក្នុងការទិញរថយន្តដើម្បីស្វែងយល់អំពីរថយន្តជាច្រើនប្រភេទក្នុងបរិយាកាសគ្មានសម្ពាធក្នុងការប្រៀបធៀបម៉ាកផ្សេងៗ និងបានឃើញនិន្នាការចុងក្រោយបំផុត រួមទាំងការកើនឡើងនៃយានយន្តអគ្គិសនី (EVs)។
ស្របតាមការយកចិត្តទុកដាក់របស់រាជរដ្ឋាភិបាលកម្ពុជាលើបរិស្ថាន និងការអភិវឌ្ឍប្រកបដោយចីរភាព ព្រឹត្តិការណ៍នេះក៏នឹងរៀបចំសិក្ខាសាលា និងបទបង្ហាញភាពជាដៃគូជាមួយអង្គការសុវត្ថិភាពក្នុងមូលដ្ឋាន និងបង្ហាញពីទិដ្ឋភាពអប់រំដែលផ្តោតលើការលើកកម្ពស់ចំណេះដឹងរបស់សាធារណជនអំពីផលប៉ះពាល់នានាទៅលើបរិស្ថាន និងរបៀបដែលពួកគេអាចរួមចំណែកកាត់បន្ថយការប្រើប្រាស់ប្រេងឥន្ធនៈ និងការបំភាយឧស្ម័ន៕
Account
Security
Favourite Content