សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ទន្ទឹមនឹងប្រព័ន្ធអប់រំកាន់តែមានភាពប្រសើរឡើងពីមួយឆ្នាំទៅមួយឆ្នាំ ធនធានមនុស្សរបស់កម្ពុជាក៏មានការកើនឡើងដូចគ្នា។ ប៉ុន្តែដោយឡែក ធនធានផ្នែកជំនាញ (TVET) ហាក់នៅមិនទាន់គ្រប់តម្រូវការទីផ្សារការងារនៅឡើយ។
ការមានធនធានជំនាញកាន់តែច្រើន គឺជារឿងកាន់តែល្អសម្រាប់សេដ្ឋកិច្ចជាតិ តាមរយៈការបើកផ្លូវឱ្យវិនិយោគិនចូលមកបណ្ដាក់ទុនក្នុងស្រុក។ ហេតុដូច្នេះហើយបានជារាជរដ្ឋាភិបាលអាណត្តិទី៧នេះផ្ដោតការយកចិត្តទុកដាក់ខ្ពស់លើការបណ្ដុះបណ្ដាលជំនាញ។
ក្នុងចំណោមជំនាញជាច្រើនដែលក្រសួងការងារដាក់បញ្ចូលទៅតាមសាលាបណ្ដុះបណ្ដាល មានជំនាញចំនួន៧ ដែលអ្នកជំនាញយល់ថាមានតម្រូវការទីផ្សារការងារខ្ពស់។
ទាក់ទងនឹងជំនាញដែលមានតម្រូវការនេះ លោក ហាវ ធិន នាយកវិទ្យាស្ថានបណ្ដុះបណ្ដាលខេត្តកំពង់ចាមបានឱ្យដឹងថា ជំនាញដែលសាលាដាក់ក្នុងផែនការជ្រើសរើសសិស្សគឺយោងទៅតាមតម្រូវការទីផ្សារតែម្ដងដែលមាន ៧ជំនាញរួមមាន ការងារកំបោរ ការតម្លើងបំពង់ទឹក ការតម្លើងបណ្ដាញអគ្គិសនីក្នុងអគារ ការផ្សារអគ្គិសនី ការថែទាំជួសជុលរថយន្ដ សេវាកម្មកុំព្យូទ័រ និងការកែច្នៃបន្លែផ្លែឈើ។
សម្រាប់ជំនាញទាំង៧នេះ លោក ហាវ ធិន មើលឃើញថា វាមិនត្រឹមតែមានតម្រូវការក្នុងពេលបច្ចុប្បន្នប៉ុណ្ណោះទេ ក៏ប៉ុន្តែវានឹងក្លាយជាជំនាញដ៏ពេញនិយមនាថ្ងៃអនាគតផងដែរ។
យ៉ាងណាមិញ ក្នុងរយៈពេលមួយខែក្រោយរដ្ឋាភិបាលកម្ពុជាបានប្រកាសដាក់ឱ្យអនុវត្តកម្មវិធីបណ្តុះបណ្តាលជំនាញបច្ចេកទេសវិជ្ជាជីវៈដល់យុវជនមកពីគ្រួសារក្រីក្រ និងគ្រួសារងាយរងហានិភ័យនៅទូទាំងប្រទេសចំនួនប្រមាណ ១.៥លាននាក់ សម្រាប់តែខេត្តកំពង់ចាមទទួលបានសិស្សចុះឈ្មោះចំនួន ១៦០នាក់ ខណៈទូទាំងប្រទេសទទួលបានសិស្សជាង ១ម៉ឺននាក់។
ក្នុងនោះ ជំនាញដែលសិស្សពេញនិយមចុះឈ្មោះចូលរៀននៅខេត្តកំពង់ចាមរួមមាន សេវាកម្មកុំព្យូទ័រ ការតំឡើងបណ្ដាញអគ្គិសនី បច្ចេកទេសកែច្នៃបន្លែផ្លែឈើ និងការថែទាំរថយន្ដ។
ដោយឡែក ដើម្បីបង្កជាភាពងាយស្រួលដល់សិស្ស ក្រសួងការងារ បណ្ដុះបណ្ដាល និងវិជ្ជាជីវៈ បានផ្ដល់នូវជម្រើសម៉ោងសិក្សាជាច្រើន។ ជាក់ស្ដែង នៅខេត្តកំពង់ចាមមានជម្រើសសិស្សាចំនួន ៣គឺ សិស្សអាចរៀន ៤ខែ ៨ខែ និង១០ខែ។
ជាការលម្អិត លោក ហាវ ធិន បានរៀបរាប់ថា៖
« រៀន៤ខែ គឺរៀនចន្ទដល់សុក្រ ព្រឹក និងរសៀល រៀន៨ខែ គឺរៀនវេនយប់ ហើយការរៀន១០ខែ គឺសម្រាប់វេនសៅ-អាទិត្យ អីចឹងទៅការបណ្ដុះបណ្ដាលយើងមានភាពបត់បែន សិស្សក៏ងាយស្រួល។»
យោងតាមអ្នកនាំពាក្យរបស់ក្រសួងការងារ សិស្សដែលបានចុះឈ្មោះចូលរៀន TVET ជាង១ម៉ឺននាក់ នោះបានចុះឈ្មោះតាមវិស័យនានាដូចជា វិស័យសំណង់សរុបមានចំនួន ១ ៦១៩នាក់ (ស្រី ២២៦នាក់), អគ្គិសនី និងថាមពល ៤៥៩នាក់ (ស្រី ៤៩នាក់), អេឡិចត្រូនិក ៣០៩នាក់ (ស្រី ៤៤នាក់), កម្មន្តសាល ៧៩នាក់ (ស្រី ៥នាក់), មេកានិចទូទៅ/មេកានិចរថយន្ត ១៧០០នាក់ (ស្រី ៨៤នាក់), ធុរកិច្ច និងព័ត៌មានវិទ្យា ៣៧៧៥នាក់ (ស្រី ១៩៨២នាក់)។
សេវាកម្ម ៦២៧នាក់ (ស្រី ៥៤០នាក់), បរិក្ខារត្រជាក់ និងកម្តៅ ១៧២២នាក់ (ស្រី ៧៥នាក់), ទេសចរណ៍ ៧១៨នាក់ (ស្រី ៥៣៤នាក់), និងកសិកម្ម និងកសិ-ឧស្សាហកម្ម ៦០២នាក់ (ស្រី ៤៦២នាក់)៕
Account
Security
Favourite Content