សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ នាព្រឹកថ្ងៃទី ៤ ខែធ្នូ ឆ្នាំ២០២៣ នេះ សម្ដេចធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជាបានអញ្ជើញប្រារព្ធពិធីសាទរទិវាជនមានពិការភាពកម្ពុជា លើកទី២៥។
យ៉ាងណាមិញ ដើម្បីបន្តជំរុញ និងលើកកម្ពស់ជនមានពិការភាពប្រកបដោយបរិយាបន្ន និងសមធម៌ សម្ដេចធិបតីបានផ្ដល់ជាអនុសាសន៍ជូនអ្នកពាក់ព័ន្ធដូចខាងក្រោម៖
១. បង្កើនការធ្វើវិនិយោគទុនលើជនមានពិការភាព និងបន្តកសាងធនធានជនមានពិការភាពបន្ថែមទៀត រាប់ទាំងការគិតគូពីកម្មវិធីសិក្សាប្រកបដោយនវានុវត្តន៍ ដើម្បីធានាថាជនមានពិការភាពអាចរស់នៅក្នុងសង្គមកម្ពុជាដោយមានការប្រកួតប្រជែង។
២. គ្រប់ក្រសួង ស្ថាប័ន និងអាជ្ញាធរមានសមត្ថកិច្ចគ្រប់លំដាប់ថ្នាក់ អង្គការដៃគូពាក់ព័ន្ធជួយគាំទ្រ ក្រសួងសង្គមកិច្ច និងមូនិធិជនពិការ ត្រូវបន្តពង្រឹងការអនុវត្តផែនការយុទ្ធសាស្ត្រជាតិស្ដីពីការកសាងសមត្ថភាព និងការអភិវឌ្ឍធនធានមនុស្សស្របតាមយុទ្ធសាស្ត្របញ្ចកោណដំណាក់កាលទី១ ដែលផ្ដល់អាទិភាពលើការបណ្ដុះបណ្ដាលជំនាញ រក្សាបាននូវទេពកោសល្យ ការច្នៃប្រឌិតរបស់ជន មានពិការភាព ដែលជាធនធានមួយដ៏សំខាន់មិនអាចខ្វះបាន ស្របតាមពាក្យស្លោក «មិនទុកនរណា ម្នាក់ឱ្យនៅដាច់ដោយឡែក»។
៣. គ្រប់ក្រសួង ស្ថាប័ន អង្គការដៃគូពាក់ព័ន្ធ ដៃគូពាក់ព័ន្ធត្រូវចូលរួមរៀបចំផាសុកវត្ថុនៅតាមទីសាធារណៈសម្រាប់ជនមានពិការភាព ស្របតាមច្បាប់ស្ដីពីកិច្ចលើកកម្ពស់សិទ្ធិជនពិការ និងបទដ្ឋានបច្ចេកទេសហេដ្ឋារចនាសម្ព័ន្ធ ដើម្បីបង្កលក្ខណៈងាយស្រួលដល់ជនមានពិការភាព។
៤. គ្រប់ក្រសួង ស្ថាប័ន ត្រូវលើកទឹកចិត្តជនមានពិការភាពដែលមានលក្ខណៈសម្បត្តិ មានសមត្ថភាពឱ្យបំពេញមុខងារ ទទួលខុសត្រូវលើមុខតំណែងមានសិទ្ធិចូលបម្រើការងារ ដោយគ្មានការរើសអើង ព្រមទាំងបម្រើការងារជាមន្ត្រីរាជការ កម្មករនិយោជិត កូនជាង ឬកម្មសិក្សាការិនី។
៥. ត្រូវលើកទឹកចិត្តឱ្យមានការចូលរួមពីផ្នែកឯកជន សង្គមស៊ីវិល រោងចក្រ សហគ្រាស និងគ្រឹះស្ថានទាំងអស់អនុវត្តប្រកបដោយការទទួលខុសត្រូវឱ្យចូលបម្រើការងារបន្តនិរន្តរភាពដូចអ្នកដទៃដែរ។
៦. ក្រសួងព័ត៌មានត្រូវមានការណែនាំគ្រប់ស្ថានីយវិទ្យុ និងទូរទស្សន៍រដ្ឋ និងឯកជន បង្កើនម៉ោងផ្សាយឱ្យទូលំទូលាយ ដោយមានការបកប្រែភាសាសញ្ញា ដើម្បីជនមានពិការភាពគរថ្លង់ អាចទទួលបានព័ត៌មានទាន់ពេលវេលា។
៧. ក្រសួងសាធារណៈការ និងក្រសួងសុខាភិបាលរួមគ្នាជាមួយក្រសួងសង្គមកិច្ច ដើម្បីបង្កលក្ខណៈ ងាយស្រួលដល់ជនមានពិការភាពឱ្យទទួលប័ណ្ឌបើកបរស្របតាមលទ្ធភាព សមត្ថភាព និងលក្ខណៈ បច្ចេកទេសយានយន្ដ។
៨. គ្រប់ក្រសួងស្ថាប័នបន្តពង្រឹងបទដ្ឋាននគតិយុទ្ធដែលមានស្រាប់ និងបន្តចូលរួមគំនិតផ្ដួចផ្ដើមបន្ថែមទៀតនូវកិច្ចការពារ និងលើកកម្ពស់សិទ្ធិជនពិការ៕
Account
Security
Favourite Content