សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ដើម្បីចូលរួមអនុវត្តយុទ្ធសាស្ត្របញ្ចកោណដំណាក់កាលទី១របស់រាជរដ្ឋាភិបាលនីតិកាលទី៧ បញ្ចកោណទី៣ មុំទី៤ ចំណុចទី៤ ស្តីពីការពង្រឹងកិច្ចការពារកម្មសិទ្ធិបញ្ញា ការលើកកម្ពស់ការបង្កើតផលិតផល និងសេវាកម្មថ្មីៗ ការច្នៃប្រតិដ្ឋ និងនវានុវត្តន៍ ក្រសួងពាណិជ្ជកម្មកំពុងអនុវត្តគម្រោងពាណិជ្ជកម្មតំបន់សម្រាប់ការអភិវឌ្ឍ(RT4D)ក្រោមជំនួយបច្ចេកទេសរបស់ប្រទេសអូស្ត្រាលី និងនូវែលហ្សេឡង់ ផ្តោតលើ “កំណើនប្រកបដោយបរិយាបន្ន ការលើកកម្ពស់សហគ្រិនកម្ពុជាដែលមានពិការភាព តាមរយៈការអប់រំកម្មសិទ្ធិបញ្ញា និងការកសាងកេរ្តិ៍ឈ្មោះម៉ាកសម្រាប់ពាណិជ្ជកម្ម។ នេះជាដំណឹង និងឱកាសល្អមួយសម្រាប់ជនមានពិការភាពដែលជាម្ចាស់អាជីវកម្មខ្នាតមីក្រូ តូច និងមធ្យម។
ក្រសួងពាណិជ្ជកម្មបានឱ្យដឹងថា ៖ គម្រោងនេះនឹងចាប់ផ្តើមពីថ្ងៃទី៣០ ខែមេសា ឆ្នាំ២០២៤ រហូតដល់ថ្ងៃទី១៥ ខែឧសភា ឆ្នាំ២០២៤ ក្នុងគោលបំណងពង្រឹង និងលើកកម្ពស់សហគ្រិនកម្ពុជាដែលមានពិការភាពតាមរយៈការអប់រំ កម្មសិទ្ធិបញ្ញា និងការកសាងកេរ្តិ៍ឈ្មោះម៉ាកសម្រាប់ពាណិជ្ជកម្ម និងចូលរួមចំណែកក្នុងការអភិវឌ្ឍកំណើនសេដ្ឋកិច្ច ប្រកបដោយបរិយាបន្នរបស់កម្ពុជា។
ក្រសួងពាណិជ្ជកម្ម បានឱ្យដឹងទៀតថា ៖ អ្នកចូលរួមនឹងទទួលបានចំណេះដឹង និងការយល់ដឹងអំពីគោលគំនិតមូលដ្ឋាននៃកម្មសិទ្ធិបញ្ញា សារៈប្រយោជន៍នៃកម្មសិទ្ធិបញ្ញា និងការធ្វើពាណិជួបនីយកម្មកម្មសិទ្ធិបញ្ញា ព្រមទាំងចំណេះដឹងស្តីពីការបង្កើតម៉ាក និងការចុះបញ្ជីម៉ាកសម្រាប់ទំនិញ ឬសេវារបស់ខ្លួន ចំណេះដឹង និងការអនុវត្តជាក់ស្តែងជាមួយជំនាញការទាក់ទងទៅនឹងការរចនាម៉ាកសម្រាប់ទំនិញ ឬសេវារបស់ខ្លួន និងការអភិវឌ្ឍកេរ្តិ៍ឈ្មោះម៉ាក ការយល់ដឹងពីសារៈសំខាន់នៃការចុះបញ្ជីម៉ាក និងជំរុញការប្រើប្រាស់ម៉ាកដើម្បីអភិវឌ្ឍអាជីវកម្ម។
ជាងនេះទៅទៀត អ្នកចូលរួមអាចដាក់បង្ហាញផលិតផលរបស់ខ្លួននៅក្នុងទិវាកម្មសិទ្ធិបញ្ញាពិភពលោកឆ្នាំ២០២៤ និងកម្មវិធីតាំងពិព័រណ៍ផ្សេងៗទៀត ហើយបង្កើតឱ្យមានការទទួលស្គាល់ម៉ាក និងការបង្កើតបណ្តាញដើម្បីលើកកម្ពស់កិច្ចសហប្រតិបត្តិការសម្រាប់គាំទ្រជនមានពិការភាពដែលជាម្ចាស់អាជីវកម្ម។
ទាក់ទងនឹងលក្ខខណ្ឌក្នុងការចូលរួម ក្រសួងពាណិជ្ជកម្មបានបញ្ជាក់ថា៖ អ្នកចូលរួមត្រូវមានលក្ខណសម្បត្តិដូចជា ជាជនមានពិការភាពដែលមានអាជីវកម្មខ្នាតមីក្រូ តូច និងមធ្យម,បានប្រើប្រាស់ម៉ាកសម្រាប់ទំនិញ ឬសេវា ប៉ុន្តែមិនទាន់បានចុះបញ្ជីម៉ាក ឬមានតែទំនិញ ឬសេវា ប៉ុន្តែមិនទាន់មានម៉ាក និងមានការប្តេជ្ញាចិត្តថា នឹងចូលរួមក្នុងសកម្មភាពពេញលេញ ចាប់ពីការសម្ពោធបើកអនុវត្តសកម្មភាព និង វគ្គបណ្តុះបណ្តាលស្តីពីកម្មសិទ្ធិបញ្ញា(៥ថ្ងៃ) ការបង្កើតម៉ាកពាណិជ្ជកម្ម (៥ថ្ងៃ) ការបណ្តុះបណ្តាលស្តីអំពីម៉ាកពាណិជ្ជកម្ម និងការចុះបញ្ជី (៣ថ្ងៃ) និងការចូលរួមប្រកាសបិទសកម្មភាព និងទទួលវិញ្ញាបនបត្រ។
ពាក់ព័ន្ធនឹងដំណើរការដាក់ពាក្យ និងជ្រើសរើស អ្នកចូលរួមទាំងអស់ត្រូវបំពេញពាក្យស្នើសុំដែលអាចទាញយកពី QR Code ហើយដាក់ពាក្យនៅនាយកដ្ឋានកម្មសិទ្ធិបញ្ញានៃក្រសួងពាណិជ្ជកម្ម ឬតាមរយៈអ៊ីម៉ែល dipdwes@gmail.com ឬតាមតេឡេក្រាមលេខ ០៩៦ ៩ ២០០ ៦០០។ កាលបរិច្ឆេទទទួលពាក្យស្នើសុំចាប់ផ្តើមពីថ្ងៃទី២៦ ខែមីនា រហូតដល់ ថ្ងៃទី១៧ ខែមេសា ឆ្នាំ២០២៤។ បេក្ខជនចំនួន ២៥រូប ដែលមានលក្ខណសម្បត្តិគ្រប់គ្រាន់នឹងត្រូវបានជ្រើសរើស ហើយដែលនឹងត្រូវប្រកាសឈ្មោះជាផ្លូវការ។ អ្នកដាក់ពាក្យចូលរួមគម្រោងត្រូវមានអាស័យដ្ឋានអាជីវកម្មនៅរាជធានីភ្នំពេញ (អាស្រ័យដោយគម្រោង នេះជាគម្រោងសាកល្បង ដោយចាប់ផ្តើមពីរាជធានីភ្នំពេញ)។
សូមបញ្ជាក់ថា៖ គម្រោងនេះនឹងធានាចំណាយលើការបណ្តុះបណ្តាល ការធ្វើដំណើរ អាហារសម្រន់ និងអាហារថ្ងៃត្រង់ និងចំណាយចាំបាច់មួយចំនួន និងបង់កម្រៃជូនសម្រាប់ការចុះបញ្ជីម៉ាករបស់អ្នកចូលរួម។ អ្នកដាក់ពាក្យជាស្ត្រីមានពិការភាពដែលជាម្ចាស់អាជីវកម្មខ្នាតមីក្រូ តូច និងមធ្យម ត្រូវបានផ្តល់អាទិភាព៕
Account
Security
Favourite Content