សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ក្នុងអំឡុងពេលធ្វើយុទ្ធនាការបោះឆ្នោតនៅរដ្ឋ Pennsylvania កាលពីល្ងាចថ្ងៃសៅរ៍សប្តាហ៍មុន លោក Donald Trump ត្រូវបានខ្មាន់កាំភ្លើងប៉ុនប៉ងធ្វើឃាតតែមិនបានជោគជ័យនោះទេ។ ទោះយ៉ាងណាក្តី របួសស្រាលនេះបានធ្វើឲ្យលោក Trump អាចនឹងវិលត្រឡប់មកបន្តបេសកកម្មធ្វើការឃោសនាបោះឆ្នោត និងកិច្ចការងារនយោបាយរបស់ខ្លួនឡើងវិញដើម្បីត្រៀមខ្លួនប្រកួតប្រជែងការបោះឆ្នោតនៅក្នុងឆ្នាំនេះ។
ព្រឹត្តិការណ៍នេះបានធ្វើឲ្យមានការភ្ញាក់ផ្អើលយ៉ាងខ្លាំងចំពោះបណ្តាប្រទេសជាច្រើនលើពិភពលោក និងបានធ្វើឲ្យកេរ្ត៍ឈ្មោះរបស់អាមេរិកអាប់ឱនមិនតិចនោះទេក្នុងនាមជាប្រទេសបិតាប្រជាធិបតេយ្យ ប៉ុន្តែបែរជាទទួលរងនូវការបង្កអំពើហិង្សាក្នុងអំឡុងពេលរៀបចំការបោះឆ្នោតទៅវិញ។
ឥទ្ធិពលនៃសកម្មភាពហិង្សានេះមិនត្រឹមតែធ្វើឲ្យប៉ះពាល់ដល់មុខមាត់អាមេរិកនោះទេ ប៉ុន្តែវាក៏បានធ្វើឲ្យប៉ះពាល់ទៅដល់ផ្នែកផ្សេងទៀត ជាពិសេសទីផ្សារហ៊ុនជាច្រើនលើលោកដែលកំពុងរង់ចាំមើលថា តើនឹងមានកត្តាជះឥទ្ធិពលខ្លាំងយ៉ាងណាក្រោយហេតុការណ៍នេះ ខណៈដែលមនុស្សភាគច្រើនជឿថា ប្រាកដណាស់វានឹងធ្វើឲ្យប៉ះពាល់ដល់ផ្សារហ៊ុនរបស់អាស៊ីមុនគេ។
គិតត្រឹមថ្ងៃចន្ទ សប្ដាហ៍នេះ អ្នកវិភាគជាច្រើនបានលើកឡើងថា ប្រសិនបើហេតុការណ៍នេះអាចរុញច្រានឲ្យលទ្ធផលនៃការគាំទ្រការបោះឆ្នោត លោក Trump កាន់តែអាចទទួលភាពជោគជ័យកាន់តែខ្លាំង នោះពួកគេនឹងហៅវាថាគឺជាភាពជោគជ័យក្នុងការធ្វើពាណិជ្ជកម្មរបស់លោក Trump ឬ Trump-vicotry trades ។
Trump-victory trades ត្រង់នេះ អ្នកវិភាគទាំងនោះបានប្រាប់សារព័ត៌មានរ៉យទ័រថា រាប់បញ្ចូលទាំងការងើបឡើងវិញកាន់តែខ្លាំងនៃលុយដុល្លារក្រោយការបោះឆ្នោត ក៏ដូចជាផលចំណេញដែលបានមកពីការវិនិយោគដោយរតនាគារជាតិផងដែរ។ ដោយឡែក គិតត្រឹមព្រឹកព្រលឹមថ្ងៃចន្ទដដែល សម្រាប់ទីផ្សារហ៊ុនរបស់លុយគ្រីបតូ Bitcoin បានហក់ឡើងពី ៤ ទៅ ដល់៦ម៉ឺនដុល្លារក្នុងមួយកាក់នៅក្នុងទីផ្សារលក់របស់សកល។
សម្រាប់ទីផ្សារហ៊ុននៅអាស៊ីវិញ គេសង្កេតឃើញថា សូម្បីតែមុនពេលមានអំពើហឹង្សាកាលពីថ្ងៃសៅរ៍ក៏ដោយ បញ្ហាជាច្រើនបានកើតឡើង និងដាក់បន្ទុកលើទីផ្សារនេះរូចទៅហើយសម្រាប់ការជួញដូរ ឬវិនិយោគដោយគិតមកដល់ថ្ងៃចន្ទសប្ដាហ៍នេះ ទាំងការអត្រាការប្រាក់របស់អាមេរិក អន្តរាគមន៍លុយរបស់យេនជប៉ុន និងសកម្មភាពគួរឲ្យកត់សំគាល់ផ្សេងទៀតដូចជាទិន្នន័យសេដ្ឋកិច្ចពីប្រទេសចិនរួមទាំង GDP ក្នុងត្រីមាសទីពីរឆ្នាំនេះផងនោះ គឺសុទ្ធតែមានការប្រែប្រួល។
គួរឲ្យដឹងដែរថា ចិនទទួលបានកំណើនសេដ្ឋកិច្ចត្រឹមតែ១,១ភាគរយប៉ុណ្ណោះគិតចាប់ពីខែមករា ដល់ ខែមិនា និងបានធ្វើឲ្យកំណើនសេដ្ឋកិច្ចប្រចាំឆ្នាំសរុបបានត្រឹមតែ ៥,១ភាគរយធៀបទៅនឹងពេលវេលាដូចគ្នាកាលពីឆ្នាំមុនដែលធ្វើបាន១,៦ភាគរយ និងអត្រាសរុបប្រចាំឆ្នាំ ៥,៣ភាគរយ៕
ទីផ្សារហ៊ុននៅជប៉ុន បានបិទនៅថ្ងៃចន្ទសប្ដាហ៍នេះ ដោយសារបុណ្យជាតិ ប៉ុន្តែគេជឿជាក់ថាមានការកើនឡើងដោយសារល្បឿនដែលសល់កាលពីថ្ងៃសុក្រសប្ដាហ៍មុន និងកត្តាវិជ្ជមានប៉ុន្មានសប្តាហ៍ចុងក្រោយ។ គិតត្រឹមចន្ទ លុយយេនមានតម្លៃកើនឡើងមកដល់១៥៧,៩០យេនវិញក្នុងមួយដុល្លារបន្ទាប់ពីបានធ្លាក់ចុះទៅដល់១៦២យេនក្នុងមួយដុល្លារកាលពីសប្តាហ៍មុននេះ ដែលជាអត្រាទាបបំផុតក្នុងរយៈពេល៣៨ឆ្នាំចុងក្រោយ។
គួរឲ្យដឹងដែរថា ភាគហ៊ុនអាស៊ីនអាចនឹងបន្តធ្លាក់ចុះបន្តទៀតនៅថ្ងៃអង្គារនេះជាការចេញផ្សាយដោយរ៉យទ័រ ដោយសារតែក្រុមអ្នកវិនិយោគតែងតែមានការព្រួយបារម្ភថា ជ័យជំនះរបស់លោក Trump នឹងមានការកើនឡើង ៕
Account
Security
Favourite Content