សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ នៅដើមខែកុម្ភៈ ឆ្នាំ២០២៦ នេះ រដ្ឋាភិបាលនៃប្រទេសឥណ្ឌាបានប្រកាសអនុម័តកញ្ចប់ថវិកាជាតិប្រមាណ ១០ពាន់លានដុល្លារបន្ថែមទៀតដើម្បីយកទៅវិនិយោគក្នងការអភិវឌ្ឍវិស័យរុករក និងជីកយករ៉ែកម្រ ដែលបច្ចុប្បន្នគឺជាកំណប់ទ្រព្យកប់ក្រោមដីក្នុងទំហំដល់ទៅរាប់លានតោន។
នៅថ្ងៃអង្គារទី៣ ខែកុម្ភៈ ឆ្នាំ២០២៦ រដ្ឋមន្ត្រីក្រសួងហិរញ្ញវត្ថុ ប្រទេសឥណ្ឌា បានដាក់បង្ហាញជាផ្លូវការនូវផែនការថវិកាជាតិសម្រាប់ឆ្នាំសារពើពន្ធ ២០២៦-២០២៧ ជាមួយនឹងទឹកប្រាក់ប្រមាណជា ១០ពាន់លានដុល្លារ។
លោកស្រី Nirmala Sitharaman រដ្ឋមន្ត្រីក្រសួងហិរញ្ញវត្ថុ ប្រទេសឥណ្ឌា បានបញ្ជាក់ថា វាគឺជាគំនិតផ្តួចផ្តើម និងផែនការយុទ្ធសាស្ត្រសំដៅលើគម្រោងច្រករបៀងដែលលាតសន្ធឹងតាមឆ្នេរសមុទ្រទាំង៤របស់ប្រទេសឥណ្ឌា រួមមាននៅក្នុងដែន រដ្ឋ Odisha, Kerala, Andhra Pradesh និង Tamil Nadu។
ច្រករបៀងទាំងនេះនឹងរួមបញ្ចូលគ្នាតែមួយដោយតភ្ជាប់ជាអណ្តូងរ៉ែ ក្រោមចំណុះអង្គភាពកែច្នៃ មន្ទីរពិសោធន៍ស្រាវជ្រាវ និងរោងចក្រ ដើម្បីសម្រួលដល់ប្រតិបត្តិការ និងការផលិតធាតុកម្រ។ ក្រៅតែពីយករ៉ែកម្រទៅប្រើប្រាស់ក្នុងការអភិវឌ្ឍលើកិច្ចប្រតិបត្តិការក្នុងវិស័យពាក់ព័ន្ធ កញ្ចប់ថវិកាដែលបានអនុម័តនឹងយកទៅប្រើប្រាស់នៅក្នុងផ្នែកពន្ធដារដើម្បីជាការលើកទឹកចិត្តដល់គម្រោង រួមទាំងសម្រាប់ដំណើរការយករ៉ែសំខាន់ៗផងដែរ។
ថវិកាដ៏ធំសម្បើមទាំងនេះ គឺជាផ្នែកមួយនៃផែនការមេរបស់ឥណ្ឌាក្នុងការបើកច្រកទ្វារបស់ប្រទេសដើម្បីបង្កើនអនុភាពរបស់ខ្លួនជាមួយនឹងរែ់កម្រដែលកប់ក្នុងដីដ៏ច្រើនសន្ធឺករបស់ខ្លួន ដោយក្នុងនោះគេអាចប៉ាន់ស្មានថាមានចំនួនដល់ទៅដល់ប្រមាណ ៨,៥២លានតោននៃរ៉ែកម្រ ដែលត្រូវបានរកឃើញនៅក្នុងតំបន់ឆ្នេររបស់ឥណ្ឌា។
រដ្ឋមន្ត្រីអាកាសចរណ៍ស៊ីវិល លោក Ram Mohan Naidu បាននិយាយថា៖ តាមរយៈការកំណត់អត្តសញ្ញាណទីតាំង រុករក និងកែច្នៃរ៉ែកម្រនៅក្នុងស្រុក ឥណ្ឌា ពិតជាមានគោលបំណងកាត់បន្ថយការពឹងផ្អែកលើការនាំចូលរ៉ែកម្រដែលមានប្រភពពីខាងក្រៅ(សំដៅលើប្រទេសចិន)។
ក្រៅពីវិស័យរ៉ែកម្រ រដ្ឋាភិបាលឥណ្ឌា បានប្រកាសពីផែនការជំរុញវិស័យជាច្រើនទៀតដើម្បីអភិវឌ្ឍប្រទេស ដូចជា វិស័យថាមពលកកើតឡើងវិញជាដើម ដោយមានទាំងការបែងចែកថវិកា និងការវិនិយោគតាមគោលដៅប្រមាណ ៩,៦ ពាន់លានដុល្លារ រួមទាំងការផលិតថាមពល និងការអភិវឌ្ឍថាមពលនុយក្លេអ៊ែរ។
គួរឲ្យដឹងដែរថា រ៉ែកម្ររបស់ពិភពលោកត្រូវបានកំណត់ទៅជា ១៧ប្រភេទ ហើយត្រូវបានចាត់ទុកថា ជាធនធានដ៏មានសារៈសំខាន់សម្រាប់ឧស្សាហកម្ម បច្ចេកវិទ្យា រួមទាំងការផលិតរថយន្តអគ្គិសនី ទួរប៊ីនខ្យល់ គ្រឿងអេឡិចត្រូនិក ស្មាតហ្វូន ជាពិសេស ការផលិតសព្វាវុធដែលប្រើបច្ចេកវិទ្យាសំខាន់ៗជាច្រើនប្រភេទទៀត៕
Account
Security
Favourite Content