សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ក្នុងស្ថានការណ៍ទីផ្សារផ្លាស់ប្តូរនាពេលបច្ចុប្បន្ន អ្នកជំនាញក្នុងស្រុកបានបង្ហាញការព្រួយបារម្ភថា ទាំងនៅក្នុងស្តុក (ឃ្លាំង) និងកសិផលពីកសិករដែលជាអ្នកផលិតស្រូវសាឡីរបស់អូស្ត្រាលីទំនងជាបន្តជួបបញ្ហារាំងស្ទះការលក់ចេញកាន់តែខ្លាំងនៅក្នុងឆ្នាំនេះ ខណៈទិន្នផលកាលពីឆ្នាំចាស់លក់ចេញមិនទាន់អស់។
ចេញផ្សាយដោយកាសែតរ៉យទ័រកាលពីពេលថ្មីៗនេះបានបង្ហាញថា ស្តុកស្រូវសាឡីរបស់អូស្ត្រាលីនឹងបន្តកើនឡើងកាន់តែខ្ពស់បន្ថែមទៀត ដោយសារតែសំពាធតម្លៃ និងការបញ្ជាទិញពីអតិថិជនចិនធ្លាក់ចុះ ខណៈដែលទីផ្សារប្រើប្រាស់ដ៏ធំមួយនេះកំពុងងាកទៅស្វែងរកការផ្គត់ផ្គង់កាន់តែច្រើនឡើងពីប្រទេសរុស្ស៊ីជំនួសវិញ។
ក្រុមអ្នកជួញដូរស្រូវសាឡីពិភពលោកជាច្រើនបានលើកឡើងថា ការជំរុញបង្កើនការលក់ឲ្យបានច្រើនជារឿងចាំបាច់បំផុតមុនពេលការប្រមូលផលថ្មីនៅចុងឆ្នាំនេះ។ បញ្ហានេះក៏អាចបណ្តាលឲ្យមានផលប៉ះពាល់ទៅដល់ទីផ្សារស្រូវសាឡីសកលលោកផងដែរ។
ងាកមកមើលការផ្គត់ផ្គង់របស់រុស្ស៊ីដែលជាប្រទេសនាំចេញស្រូវសាឡីធំបំផុតរបស់ពិភពលោកវិញ ទំហំនៃការនាំចេញទៅកាន់ប្រទេសចិននៅតែរក្សាកំណើនខ្លាំងខណៈដែលការប្រមូលផលនៅក្នុងត្រីមាសទី២ឆ្នាំនេះត្រូវបានធ្វើឡើងមុនកាលកំណត់ក៏ដោយ។
លោក Vitor Pistoia អ្នកវិភាគនៃធនាគារ Rabobank ដែលមានមូលដ្ឋាននៅក្នុងទីក្រុងស៊ីដនីបានលើកឡើងថា ជាទូទៅរដូវកាលប្រមូលផលគឺចាប់ពីខែឧសភា ដល់ខែកញ្ញា រួមទាំងការនាំចេញដ៏ធំពីរុស្ស៊ី វានឹងអាចធ្វើឲ្យតម្លៃទីផ្សារស្រូវសាឡីធ្លាក់ចុះ ។ ដូច្នេះ ស្រូវសាឡីរបស់អូស្ត្រាលីប្រាកដណាស់នឹងត្រូវជួបបញ្ហាទីផ្សារនៃការលក់ចេញបានតិចតួចជាក់ជាមិនខាន។
អ្នកវិភាគសេដ្ឋកិច្ចនៅក្នុងប្រទេសអូស្ត្រាលីបានព្យាករណ៍ថា គិតទាំងស្តុកចាស់ និងថ្មីផងនោះ ស្រូវសាឡីនឹងអាចកើនឡើងក្នុងស្តុកទៅដល់៨លានតោន ខណៈដែលតម្លៃក៏អាចធ្លាក់ចុះពី ៣២៥ ដុល្លារអូស្ត្រាលីក្នុងមួយតោននាពេលបច្ចុប្បន្នទៅត្រឹមតែ៣០០ដុល្លារអូស្ត្រាលី (១៩៤ដុល្លារអាមេរិក) ក្នុងមួយតោន៕
Account
Security
Favourite Content