សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពីរ៉យទ័រ បានរាយការណ៍ថា បន្ទាប់ពីអារ៉ាប៊ីសាអូឌីតបានចូលរួមជាសមាជិក BRICS ទ្រព្យសម្បត្តិសម្រាប់វិនិយោគសរុបរបស់ក្រុមប្រទេសនេះបានកើនឡើងលើសពីក្រុមប្រទេស G7។ បន្ថែមពីនេះ ពួកគេក៏បានស្វាគមន៍អារ៉ាប់រួម (UAE) អេហ្ស៊ីប អ៊ីរ៉ង់ និងអេត្យូពី ដែលនាំឱ្យមានការកើនឡើងនៃផលិតផលក្នុងស្រុកសរុប (PPP) និងចំណែកនៃផលិតកម្មប្រេងពិភពលោកផងដែរ។
ផ្អែកលើរបាយការណ៍របស់ក្រុមហ៊ុន Henley & Partners បានបង្ហាញថា ប្រទេសដែលជាសមាជិក BRICS មានទ្រព្យសម្បត្តិដែលអាចវិនិយោគបានមានចំនួនសរុប ៤៥ ទ្រីលានដុល្លារ។ BRICS ជាក្រុមប្រទេសសេដ្ឋកិច្ចដែលកំពុងរីកចម្រើនមួយដែលពីមុនរួមមាន ប្រេស៊ីល រុស្ស៊ី ឥណ្ឌា ចិន និងអាហ្រ្វិកខាងត្បូង។ ថ្មីៗនេះ ពួកគេបានទទួលការពង្រីកដ៏ធំមួយបន្ទាប់ពីអារ៉ាប៊ីសាអូឌីត អ៊ីរ៉ង់ អេត្យូពី អេហ្ស៊ីប និងអេមីរ៉ាតអារ៉ាប់ចូលរួមក្នុងខែមករាឆ្នាំ២០២៤ នេះ។
បច្ចុប្បន្ននេះ ប្រទេសទាំង ១០ នេះមានបុគ្គលចំនួន ១,៦ លាននាក់ដែលមានទ្រព្យសម្បត្តិវិនិយោគសរុបជាង ១ លានដុល្លារ ហើយបុគ្គលជាង ៤ ៧០០ នាក់មានទ្រព្យសម្បត្តិជាង ១០០ លានដុល្លារ និងមហាសេដ្ឋីជាង ៥០០ នាក់។ គេព្យាករណ៍ថា ចំនួនមហាសេដ្ឋីនឹងកើនឡើងថែម ៨៥ ភាគរយក្នុងរយៈពេល ១០ ឆ្នាំខាងមុខ។ លើសពីនេះ របាយការណ៍នេះបង្ហាញថា ចិនមានចំនួនមហាសេដ្ឋីច្រើនជាងគេនៅក្នុងប្លុកនេះ ដែលមានចំនួន ៨៦២ ៤០០ នាក់ ខណៈដែលឥណ្ឌាមាន ៣២៦ ៤០០ នាក់។ ប្រទេសទាំងពីរត្រូវបានព្យាករណ៍ថានឹងឃើញកំណើនសេដ្ឋីខ្លាំងបំផុតក្នុងរយៈពេល ១០ ឆ្នាំខាងមុខគឺ ៨៥ ភាគរយ និង ១១០ ភាគរយរៀងគ្នា។
ទន្ទឹមនឹងនេះ អារ៉ាប៊ីសាអូឌីត អារ៉ាប់រួម និងអេត្យូពីក៏ត្រូវបានមើលឃើញថា កំណើនទ្រព្យសម្បត្តិឯកជនកើនឡើងគួរឱ្យកត់សម្គាល់ផងដែរ ដោយចំនួនមហាសេដ្ឋីរបស់ពួកគេកើនឡើង ៣៥ ភាគរយ ៧៧ ភាគរយ និង ៣០ ភាគរយរៀងគ្នា។ ឥឡូវនេះ ប្លុកនេះមានចំណែក ៤៥ ភាគរយនៃចំនួនប្រជាជនពិភពលោកសរុប និង ៣៦ ភាគរយនៃផលិតផលក្នុងស្រុកសរុបពិភពលោក ខណៈដែលក្រុម G7 មានចំណែក ៣០ ភាគរយ។
លោក Juerg Steffen នាយកប្រតិបត្តិនៃក្រុមហ៊ុន Henley & Partners បាននិយាយថា ការដាក់បញ្ចូលបណ្តាប្រទេសមកពីខាងមជ្ឈិមបូព៌ា និងអាហ្វ្រិកខាងជើង មិនមែនគ្រាន់តែជាការពង្រឹងផ្នែកនយោបាយប៉ុណ្ណោះទេ ប៉ុន្តែជាការពង្រឹកពីកំណើនសេដ្ឋកិច្ចរបស់ពួកគេ។ BRICS ដែលមានភាពរីកចម្រើនដោយសារធនធានថាមពលរបស់ខ្លួន ឥឡូវនេះកំពុងបង្ហាញនូវសេដ្ឋកិច្ចចម្រុះបន្ថែមទៀត។
លោក Steffen បានបន្ថែមថា ការកើនឡើងនៃវត្តមាននៃបណ្តាប្រទេសមកពីខាងមជ្ឈិមបូព៌ា និងអាហ្វ្រិកខាងជើងនៅក្នុង BRICS បានបង្ហាញពីលទ្ធភាពមួយសម្រាប់វិនិយោគិនសកលលើសពីតំបន់ ដោយអាចចូលទៅកាន់ទីផ្សារអ្នកប្រើប្រាស់ដែលមានភាពរីកចម្រើនយ៉ាងឆាប់រហ័ស ទីតាំងភូមិសាស្រ្តជាយុទ្ធសាស្រ្ត វប្បធម៌ចម្រុះ និងអាជីវកម្ម៕
Account
Security
Favourite Content