សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ទំហំពាណិជ្ជកម្មទ្វេភាគីរវាងកម្ពុជា និងចិនមានតម្លៃប្រមាណ ១០ ៩៨០ លានដុល្លារអាមេរិក ក្នុងរយៈពេល ១០ ខែនៃឆ្នាំ២០២១ កើនឡើង ៤៥,៩ ភាគរយបើធៀបនឹងរយៈពេលដូចគ្នាកាលពីឆ្នាំ២០២០ នេះបើយោងតាមក្រសួងពាណិជ្ជកម្មចិន ដកស្រង់ដោយស្ថានទូតចិនប្រចាំកម្ពុជា ដែលតួលេខនេះត្រូវបានសម្រេចមុនផែនការ ដែលមេដឹកនាំទាំងពីរបានប្តេជ្ញាចិត្តក្នុងការជំរុញនៅឆ្នាំ២០២៣។
ទំនិញដែលកម្ពុជាបានធ្វើការនាំចេញរួមមានកសិផលភាគច្រើន ដូចជា អង្ករ ស្វាយ និងដំឡូងមីចំណិត ដំឡូងក្រៀម ស្វាយស្រស់ គ្រាប់ស្វាយចន្ទី និងទំនិញផ្សេងជាច្រើនមុខទៀតទៅកាន់ប្រទេសចិន ខណៈទំនិញនាំចូលពីចិនមកវិញ មានដូចជា ផលិតផលឧស្សាហកម្ម វត្ថុធាតុដើម គ្រឿងអេឡិចត្រូនិក សម្ភារសំណង់ និងគ្រឿងបរិភោគកែច្នៃជាដើម។ លើសពីនេះទៀត ភាគីកម្ពុជា ចិន កំពុងសិក្សាអំពីលទ្ធភាពនាំចេញមៀនប៉ៃលិន និងត្រីប្រាពីកម្ពុជា ទៅប្រទេសចិនបន្ថែមទៀត។
យោងតាម China Daily ប្រទេសចិននឹងកាត់បន្ថយពន្ធលើទំនិញជាច្រើនមុខដែលនាំចូលពីប្រទេសចំនួន៩ ចាប់ពីថ្ងៃទី១ ខែមករា ក្នុងការផ្លាស់ប្តូរដ៏សំខាន់មួយដើម្បីអនុវត្តកិច្ចព្រមព្រៀងភាពជាដៃគូសេដ្ឋកិច្ចទូលំទូលាយក្នុងតំបន់ ដែលនឹងជំរុញកំណើននៃពាណិជ្ជកម្ម និងការវិនិយោគក្នុងតំបន់ នេះបើយោងតាមក្រសួងសេដ្ឋកិច្ចហិរញ្ញវត្ថុ។ បន្ទាប់ពីមានការយល់ព្រមពីក្រុមប្រឹក្សារដ្ឋ ពន្ធគយរបស់ប្រទេសចិនលើទំនិញនាំចូលពីប្រទេសជប៉ុន អូស្ត្រាលី នូវែលសេឡង់ ប្រ៊ុយណេ កម្ពុជា ឡាវ សិង្ហបុរី ថៃ និងវៀតណាម នឹងត្រូវកាត់បន្ថយចាប់ពីថ្ងៃទី១ ខែមករា ឆ្នាំ២០២២។
លោកបណ្ឌិត ហុង វណ្ណៈ អ្នកជំនាញសេដ្ឋកិច្ចនៃវិទ្យាស្ថានទំនាក់ទំនងអន្តរជាតិនៃរាជបណ្ឌិត្យសភាកម្ពុជា បានអបអរសាទរចំពោះលទ្ធផលដែលទទួលបានកើនលើសពីការរំពឹងទុករបស់កម្ពុជា-ចិន ដោយពួកគេក៏នឹងបង្រួបបង្រួម និងលើកកម្ពស់ការធ្វើសមាហរណកម្មនៃឧស្សាហកម្ម ការផ្គត់ផ្គង់ និងខ្សែច្រវ៉ាក់តម្លៃនៅក្នុងតំបន់ និងជំរុញទំនុកចិត្តរបស់សមាជិកចំពោះកំណើនសេដ្ឋកិច្ចនាពេលអនាគត។
លោកបណ្ឌិត ហុង វណ្ណៈ បានមានប្រសាសន៍ថា ៖
« ទំហំពាណិជ្ជកម្មទ្វេភាគីរវាងកម្ពុជា និងចិននេះ នៅតែមានកំណើនខ្ពស់ទៅថ្ងៃខាងមុខ ហើយស្ទុះលូតលាស់លឿនជាងការរំពឹងទុក ក្រោយពីជំងឺកូវីដកាន់តែកាត់បន្ថយទៅ ព្រោះភាគីទាំងពីរនៅមានកិច្ចព្រមព្រៀង RCEP និង CCFTA ចូលជាធរមាននៅថ្ងៃទី១ ខែមករា ឆ្នាំ២០២២»
លោកបណ្ឌិត ក៏បានបញ្ជាក់ថា ជាលទ្ធផលនៃការផ្លាស់ប្តូរចុងក្រោយនេះ ជាង៩០ភាគរយនៃពាណិជ្ជកម្មលើទំនិញក្នុងចំណោមសមាជិក RCEP នឹងមិនយកពន្ធ ហើយពួកគេនឹងរីករាយជាមួយឱកាសទីផ្សារថ្មីៗ ដែលរំពឹងថានឹងជំរុញឱ្យមានសកម្មភាពពាណិជ្ជកម្ម និងវិនិយោគកាន់តែកើនឡើងថែមទៀតរវាងកម្ពុជា និងចិន។
សូមបញ្ជាក់ថា ប្រទេសចិននឹងអនុម័តអត្រាពន្ធបណ្តោះអាសន្នសម្រាប់ទំនិញចំនួន ៩៥៤មុខនៃទំនិញនាំចូលដែលចាប់ផ្តើមពីថ្ងៃទី១ ខែមករា ឆ្នាំ២០២២ ។ ការកាត់បន្ថយពន្ធក្នុងចំណោមសមាជិក RCEP នឹងជួយលើកកម្ពស់កំណើននៃពាណិជ្ជកម្ម និងការវិនិយោគក្នុងតំបន់ និងធ្វើឱ្យប្រសើរឡើងនូវសមាហរណកម្មសេដ្ឋកិច្ចក្នុងតំបន់នៅអាស៊ីបូព៌ា។
កាលពីឆ្នាំ២០២០ ទំហំពាណិជ្ជកម្មរវាងកម្ពុជា-ចិន សម្រេចបានជាង ៨ ១១៨លានដុល្លារ ពោលគឺមានការធ្លាក់ចុះ ៥.២ភាគរយ បើធៀបនឹងឆ្នាំ២០១៩ មានចំនួនជាង ៨ ៥៦៣លានដុល្លារ ថ្នាក់ដឹកនាំនៃប្រទេសទាំងពីររំពឹងថា ទំហំនេះនឹងកើនដល់ ១០ ពាន់លានដុល្លារអាមេរិក ក្នុងឆ្នាំ២០២៣ខាងមុខ ប៉ុន្តែក្នុងរយៈពេល ១០ ខែនៃឆ្នាំ២០២១ទំហំពាណិជ្ជកម្មទ្វេភាគីរវាងកម្ពុជា និងចិនមានតម្លៃប្រមាណ ១០ ៩៨០ លានដុល្លារអាមេរិក៕
ជីវប្រវត្តិ: បានបញ្ចប់ការសិក្សាថ្នាកអនុបណ្ឌិតផ្នែកប្រព័ន្ធផ្សព្វផ្សាយមកពីសហភាពសូវៀត និងមានបទពិសោធន៍ជាង ២០ឆ្នាំក្នុងវិស័យសារព័ត៌មាន។ បច្ចុប្បន្ន លោកជាអ្នកយកព័ត៌មានសេដ្ឋកិច្ចឱ្យសារព័ត៌មាន AMS Economy ។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
“សង្រ្កាន្តអម្រឹត ឆ្នាំ២០២៦” ផ្សារភ្ជាប់នឹងការគោរពដឹងគុណវីរៈកងទ័ពជួរមុខ
ព្រឹត្តិការណ៍, អត្ថបទពាណិជ្ជកម្ម
• 12/04/2026
នាព្រឹកថ្ងៃទី១១ ខែមេសា ឆ្នាំ២០២៦ គ្រឹះស្ថានមីក្រូហិរញ្ញវត្ថុ អម្រឹត បានរៀបចំ “កម្មវិធីសង្រ្កាន្តអម្រឹត” នៅស្នាក់ការកណ្តាលរបស់គ្រឹះស្ថាន ដោយមានការចូលរួមពីគណៈគ្រប់គ្រង បុគ្គលិក និងក្រុមគ្រួសារបុគ្គលិក សរុបប្រមាណជាង ៥០០ នាក់
រកឃើញយន្តហោះចម្បាំងជប៉ុន សម័យសង្គ្រាមលោកលើកទី ២ ក្រោយបាត់ខ្លួនអស់ ៨១ ឆ្នាំ
ព្រឹត្តិការណ៍, អាជីវកម្មថ្មី និងនវានុវត្ត
• 10/04/2026
យន្តហោះចម្បាំងមួយគ្រឿង ដែលធ្លាប់ត្រូវបានប្រើប្រាស់អំឡុងសម័យសង្គ្រាមលោកលើកទី ២ ដោយកងទ័ពជើងទឹកអធិរាជជប៉ុន ឬ Imperial Navy ត្រូវបានគេរកឃើញ បន្ទាប់ពីវាបានដេកលង់លក់នៅក្រោមបាតសមុទ្រអស់រយៈពេល ៨១ ឆ្នាំ
៥ឆ្នាំទៀត ចិននឹងមានឡានតាក់ស៊ីគ្មានមនុស្សបើករហូតដល់ ៤លានគ្រឿង
ព្រឹត្តិការណ៍, អាជីវកម្មថ្មី និងនវានុវត្ត
• 10/04/2026
៥ឆ្នាំទៀត ឬនៅឆ្នាំ២០៣០ ប្រទេសចិនបានកំណត់គោលដៅដាក់ដំណើរការឡានតាក់ស៊ីគ្មានមនុស្សបើក ឬបើកបរដោយស្វ័យប្រវត្តិរហូតដល់ ៣០០ ០០០គ្រឿង នៅតាមបណ្តាទីក្រុងធំៗចំនួន៤
ចិន ជោគជ័យសាកល្បងហោះហើរយន្តហោះគ្មានមនុស្សបើកធំបំផុតក្នុងលោក
ព្រឹត្តិការណ៍, អាជីវកម្មថ្មី និងនវានុវត្ត
• 10/04/2026
ចិន កាន់តែវិវឌ្ឍរីកចម្រើនថែមមួយកម្រិតទៀត ស្របពេលដែលមហាយក្សនៅអាស៊ីមួយនេះ បានទទួលជោគជ័យក្នុងការសាកល្បងហោះហើរយន្តហោះដ្រូនដឹកជញ្ជូនធំជាងគេបំផុតរបស់ពិភពលោក
៣ ខែដំបូង កូរ៉េខាងជើង បាញ់តេស្តមីស៊ីល ១៣ គ្រាប់ ខណៈ លោក គីម ជុងអ៊ុន ថាមកពីវិបត្តិភូមិសាស្ត្រនយោបាយ
ព្រឹត្តិការណ៍, អាជីវកម្មថ្មី និងនវានុវត្ត
• 10/04/2026
ត្រឹមរយៈពេល ៣ ខែដំបូងនៃឆ្នាំ២០២៦ នេះ ប្រទេសកូរ៉េខាងជើងបានបាញ់សាកល្បងមីស៊ីលផ្លោងរបស់ខ្លួនចំនួន ៣ លើក និងមានមីស៊ីលសរុបចំនួន ១៣ គ្រាប់
រោងចក្រ Newbustar (crossleader) ជារោងចក្រទីពីរ ដែលមានសិទ្ធិលក់ ចែកចាយ និងផលិតសំបកកង់ឡាននៅខ្មែរ
ព្រឹត្តិការណ៍, អត្ថបទពាណិជ្ជកម្ម
• 10/04/2026
ស្របពេលគ្រប់ទំនិញឡើងថ្លៃស្ទើរគ្រប់មុខដោយសារតែប្រេងឥន្ធន:ឡើងថ្លៃធ្វើឱ្យប៉ះពាល់ដល់ទីផ្សារទំនិញទូទាំងសកលលោក។ ទោះជាយ៉ាងណាក្តីអ្វីដែលល្អសម្រាប់កម្ពុជាត្រូវបានទទួលកាដូពិសេសមុនចូលឆ្នាំថ្មីប្រពៃណីជាតិខ្មែរខាងមុខនេះបែរជាមានវត្តមានសំបកកង់ខ្មែរមួយម៉ាកទៀត ហើយជារោងចក្រទីពីរ ផងដែរដែលមានសិទ្ធិលក់ និងចែកចាយសំបកកង់ឡានផលិតនៅខ្មែរ លើទឹកដីថ្មីនៃខេត្តក្រចេះ ក្រោមការផលិតដោយរោងចក្រឈ្មោះ Newbustar ផលិតសំបកកង់ឡានម៉ាក (crossleader)។
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content