សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ រុញរទេះលក់ម្ជូរតាមដងផ្លូវ ពីម្ដុំផ្សារសំណង់១២ សង្កាត់ទឹកល្អក់៣ ខណ្ឌទួលគោក ដល់ម្ដុំមន្ទីរពេទ្យរុស្ស៊ី បុរសជាអ្នកលក់ម្ជូរម្នាក់បានចាប់យកមុខរបរនេះអស់រយៈពេលជាង១០ឆ្នាំមកហើយដើម្បីដោះស្រាយជីវភាពគ្រួសារ ដែលយ៉ាងហោចណាស់អាចទទួលបានប្រាក់ចំណេញប្រមាណ៨ម៉ឺនរៀលក្នុងមួយថ្ងៃ។
ជាមុខរបរចល័តតាមរទេះ ដោយអ្នកលក់ត្រូវរុញរទេះពីមួយកន្លែងទៅមួយកន្លែងទៀត ប្រឈមនឹងហាលថ្ងៃ ហាលខ្យល់ និងទាមទារឱ្យមានការអត់ធ្មត់ខ្ពស់ក្នុងការលក់ដូរទើបអាចទទួលបានប្រាក់ចំណេញដើម្បីផ្គត់ផ្គង់ជីវភាពគ្រួសារបានសមរម្យ។
លោក សុខ កក្កដា អាយុជាង៣០សិបឆ្នាំ ដែលជាអ្នកលក់ម្ជូរស្ថិតនៅទីតាំងដូចបានលើកឡើងខាងលើនេះបានរៀបរាប់ប្រាប់ឲ្យដឹងថា លោកមានស្រុកកំណើតនៅស្រុកពោធិ៍រៀង ខេត្តព្រៃវែង ប៉ុន្តែបានមករស់នៅក្រុងភ្នំពេញ និងចាប់យកមុខរបរជាអ្នកលក់ម្ជូរដោយរទេះរុញនេះអស់រយៈពេលជាង១០ឆ្នាំមកហើយ។
លោកបានបន្តថា ៖
“ដំបូងខ្ញុំមិនចង់លក់ប៉ុន្មានទេ តែដោយសារបងប្រុសរបស់ខ្ញុំគាត់ឱ្យមកសាករកស៊ីជាមួយគាត់សិន ថាតើអាចធ្វើទៅបាន ឬអត់។ កាលពីដំបូងៗ ខ្ញុំដើរលក់បានតែពីរថ្ងៃ ខ្ញុំក៏ផ្អាក ដោយសារហត់ផង ខ្មាស់គេផង ព្រោះមិនធ្លាប់ប្រកបរបរបែបនេះពីមុនមក។ ប៉ុន្តែដោយសារគិតថា គេស៊ូបាន ហេតុអ្វីយើងស៊ូមិនបាន កម្លាំងមានដូចគ្នាសោះ ទើបខ្ញុំចាប់ផ្ដើមលក់ម្ដងទៀត ហើយក៏អាចតស៊ូបានរហូតដល់សព្វថ្ងៃនេះ”
លោកបញ្ជាក់ដែរថា ជារៀងរាល់ថ្ងៃ មុខរបរមួយនេះត្រូវការចំណាយដើមទុនប្រមាណ ១០-១៥ម៉ឺនរៀល ដើម្បីទិញវត្ថុធាតុដើម ដែលជាគ្រឿងម្ជូរ និងអំបិលជាដើម។ ក្រោយផាត់ថ្លៃដើមរួចរាល់ លោក កក្កដា អាចចំណេញបានប្រមាណ ៤-៨ ម៉ឺនរៀល អាស្រ័យលើការលក់ដាច់ខ្លាំង ឬអត់។
ចំពោះផ្លែឈើសរុបដែលលោកបានទិញយកមកចិតលក់ប្រចាំថ្ងៃរួមមានប្រមាណជិត១០មុខ ដូចជា ផ្លែស្វាយខ្ចី ត្របែក ត្រឡឹងតឹង ខ្វិត ម្នាស់ ប៉ិគក់ ក្ដឹបអំពិល ល្ហុងទុំ ពុទ្រា ឪឡឹកជាដើម។ គាត់ក៏ត្រូវចេះពីរបៀបលាយអំបិលសម្រាប់ជ្រលក់ម្ជូរប្រមាណ ៤មុខផ្សេងៗគ្នាផងដែរ ខណៈដែលផ្លែល្ហុងទុំជាផ្លែឈើដែលស្រួលលក់ជាងគេ ដោយសារគេនិយមទទួលទានច្រើន ជាពិសេសនារីៗដែលតែងតែទិញស្ទើររាល់ថ្ងៃ។
ជាមួយនឹងការរៀបរាប់ប្រាប់ពីការប្រកបមុខរបរដ៏សាមញ្ញដោយការរុញរទេះលក់ម្ជូរចល័តនេះ លោក កក្កដា ក៏បានលើកឡើងពីផលលំបាកផងដែរ ដូចជា ត្រូវក្រោកពីដំណេកតាំងពីព្រឹកព្រលឹមដើម្បីទៅទិញម្ជូរស្រស់ៗមករៀបចំចិតសម្បក ឬចិតជាចំនិតតូចៗ ហើយប្រញាប់ចេញលក់។
លោកបញ្ជាក់ថា ៖
“ខ្ញុំងើបទៅទិញឥវ៉ាន់តាំងពីម៉ោង៣ទាបភ្លឺ ត្រូវងើបទិញរាល់ថ្ងៃ ដល់ចឹងខ្ញុំអត់មានពេលទំនេរទេ តាំងពីម៉ោង៣ទាបភ្លឺ ងើបទិញឥវ៉ាន់មករហូតដល់ម៉ោង ៧-៨ព្រឹក ហើយប្រញាប់ចេញលក់ពីព្រលឹម ខ្លាចលក់មិនទាន់គេដទៃទៀត បើយើងចេញលក់ក្រោយគេបន្តិច គឺអាចលក់អត់អស់ សល់ខូច ខាតលុយ….វាហត់នឿយ ប៉ុន្តែវាបានលុយ”
ត្បិតត្រូវនឿយហត់ អត់ងងុយ និងត្រូវដើរលក់ពិតមែន ប៉ុន្តែលោក កក្ដដា នៅតែរីករាយជាមួយនឹងមុខរបរមួយនេះ ត្បិតវាបានជួយសម្រាលបន្ទុកគ្រួសាររបស់លោកបានយ៉ាងប្រសើរ រហូតមានលទ្ធភាពទិញដីសង់លំនៅដ្ឋានស្នាក់នៅក្នុងក្រុងភ្នំពេញ ដែលដើមឡើយគ្ឬួសាររបស់លោកស្នាក់នៅក្នុងបន្ទប់ជួលតែប៉ុណ្ណោះ។
បុរសជាអ្នកលក់ម្ជូររូបនេះបញ្ជាក់ថា ៖
“មុខរបរលក់ម្ជូរនេះ បានផ្ដល់ផលប្រយោជន៍ដល់គ្រួសារខ្ញុំច្រើនដែរ ដោយពេលនេះជីវភាពរបស់គ្រួសារខ្ញុំមានភាពសមរម្យ មានទីលំនៅច្បាស់លាស់ ហើយម្យ៉ាងទៀតគឺយើងមានសេរីភាព យើងចង់លក់គឺលក់ តែបើយើងចង់សម្រាកក៏អាចសម្រាកបាន មិនមានអ្នកណាថាអ្វីឡើយ។ វាមិនបានធ្វើឲ្យគ្រួសារខ្ញុំក្លាយជាអ្នកមានស្តុកស្តម្ភ ប៉ុន្តែគ្រួសារខ្ញុំរីករាយ និងកក់ក្ដៅជាមួយនឹងមុខរបរដ៏តូចមួយនេះ”
គួរបញ្ជាក់ដែរថា លោក សុខ កក្កដា បានចាប់ផ្ដើមរបរលក់ម្ជូរនេះក្នុងដើមទុនដំបូងប្រមាណ ២៥០ ដុល្លារ សម្រាប់ចំណាយទៅលើកាត់ទូរកញ្ចក់ និងទិញរទេះរុញអស់ប្រមាណ ២០០ដុល្លារ។ ដោយឡែកប្រមាណ ៥០ដុល្លារទៀត សម្រាប់ទិញគ្រឿងម្ជូរក៏ និងគ្រឿងផ្សំផ្សេងៗដូចជាអំបិល ស្កក ម្ទេស កាប៉ិ និងប្រហុកជាដើម ។
ជាចុងក្រោយ លោក សុខ កក្កដា បានលើកទឹកចិត្តដល់អាជីវករខ្នាតតូច ឬអ្នកប្រកបមុខរបរក្នុងវិស័យសេដ្ឋកិច្ចក្រៅប្រព័ន្ធទាំងអស់ គប្បីមានភាពអំណត់ តស៊ូ និងខិតខំក្នុងការរកស៊ី ទើបអាចមានជីវភាពល្អសមរម្យ។ ប្រេងសំណាង លុយកាក់ មាសប្រាក់ មិនមានធ្លាក់ពីលើមេឃនោះទេ ប៉ុន្តែវាអាចកើតមានដោយសារដៃទាំង២ដែលជាអ្នកបង្កើតវាឡើង៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
បុគ្គល ៤ អាចជំនួសតំណែងលោក Zelensky ក្រោយលោក Trump ជំរុញការផ្លាស់ប្តូរនយោបាយអ៊ុយក្រែន
បទយកការណ៍, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 13/10/2026
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
អាស៊ាន រៀបចំកិច្ចប្រជុំអំពីឧតុនិយម និងដំណោះស្រាយ ឆ្លើយតបទៅនឹងបាតុភូតអែល នីញ៉ូ (El Niño) នៅទីក្រុងដាណាំង ប្រទេសវៀតណាម
ព្រឹត្តិការណ៍, អាជីវកម្មថ្មី និងនវានុវត្ត
• 14/10/2026
ប្រតិភូប្រមាណ ៦០ រូបនឹងជួបជុំគ្នានៅទីក្រុងដាណាំង ប្រទេសវៀតណាមចាប់ពីថ្ងៃទី ១៤ ដល់ថ្ងៃទី ១៦ ខែតុលា ដើម្បីពិភាក្សាអំពីវិធានការឆ្លើយតបទៅនឹងបាតុភូត El Niño និងពង្រឹងកិច្ចសហប្រតិបត្តិការលើវិស័យឧតុនិយម និងជលសាស្ត្រនៅក្នុងតំបន់អាស៊ាន
រុស្ស៊ី ដំណើរការសេវាទូទាត់លុយគ្រីបតូជាសាច់ប្រាក់លើកដំបូងបំផុតរបស់ពិភពលោកក្នុងតម្លៃសេវាត្រឹមតែ ០,៣ភាគរយ
ព្រឹត្តិការណ៍, អាជីវកម្មថ្មី និងនវានុវត្ត
• 14/10/2026
បរទេស ៖ ក្រុមហ៊ុនបច្ចេកវិទ្យាហិរញ្ញវត្ថុរុស្ស៊ី A7 បានប្រកាសដាក់ឱ្យប្រើប្រាស់សេវាកម្មទូទាត់ប្រាក់លើកដំបូងបំផុតរបស់ពិភពលោក ដែលអនុញ្ញាតឱ្យអតិថិជនផ្ទេរប្រាក់ឆ្លងប្រទេសដោយប្រើប្រាស់រូបិយប័ណ្ណគ្រីបតូ(Cryptocurrency)ជាមួយតម្លៃសេវាត្រឹមតែ ០,៣ភាគរយ។ យោងតាមការចេញផ្សាយរបស់កាសែត RT បានឲ្យដឹងថា ការបើកដំណើរការសេវាកម្មថ្មីដែលមានឈ្មោះថា A7 International នេះ បានជួយឱ្យក្រុមហ៊ុនអាចពង្រីកវិសាលភាពរបស់ខ្លួនទៅកាន់អន្តរជាតិបើទោះបីជាកំពុងរងទណ្ឌកម្មសេដ្ឋកិច្ចពីបណ្តាប្រទេសលោកខាងលិចក៏ដោយ។ តាមរយៈប្រព័ន្ធថ្មីនេះ អតិថិជនអាចទូទាត់ការផ្ទេរប្រាក់ជាប្រភេទរូបិយប័ណ្ណឌីជីថល USDT(ដែលជាប្រាក់គ្រីបតូមានតម្លៃថេរស្មើប្រាក់ដុល្លារអាមេរិក) ហើយអ្នកទទួលប្រាក់នឹងទទួលបានជាសាច់ប្រាក់តាមប្រព័ន្ធ SWIFT
ខ្សែភាពយន្តឯកសារ «LOOT: ការវិលត្រឡប់មកវិញនូវរតនសម្បត្តិវត្ថុកម្ពុជា» ត្រៀមចាក់បញ្ចាំងនៅតាមរោងភាពយន្តទូទាំងប្រទេសកម្ពុជា ចាប់ពីថ្ងៃទី១៦ ខែតុលា ឆ្នាំ២០២៦
ព្រឹត្តិការណ៍, អត្ថបទពាណិជ្ជកម្ម
• 13/10/2026
ភ្នំពេញ ៖ ខ្សែភាពយន្តឯកសារកម្រិតអន្តរជាតិ “LOOT” ដែលលាតត្រដាងពីបណ្តាញឧក្រិដ្ឋកម្មជួញដូរវត្ថុបុរាណខ្មែរជាសកល ដោយខុសច្បាប់ពីសំណាក់ជនបរទេស ត្រូវបានក្រុមហ៊ុន AMS (Apsara Media Services) សហការជាមួយក្រុមហ៊ុន New Theory Picture ចាក់បញ្ចាំងនៅតាមរោងភាពយន្តក្នុងប្រទេសកម្ពុជា ចាប់ពីថ្ងៃទី១៦ ខែតុលា ឆ្នាំ២០២៦ តទៅ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content