សម្ដេចធិបតី ​៖​ លើកស្ទួយ​​វិស័យ MSMEs​ ​គឺជាគោលដៅ​​អាទិភាព​ចម្បង​របស់​រដ្ឋាភិបាល

ភ្នំពេញ ៖ សម្ដេចធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា​ បានថ្លែង​កោតសរសើរចំពោះ​តួនាទី​របស់​សហគ្រាស​ធុន​មីក្រូ​តូច​ ​និង​មធ្យម​ក្នុង​ប្រទេស​ ​ដែលក្នុងចំណោម​គោល​នយោបាយ​អភិវឌ្ឍន៍​របស់រាជរដ្ឋាភិបាល ​សហគ្រាស​ធុន​មីក្រូ​ ​តូច​ ​និង​មធ្យម​ ​ជាប់​ចំណាត់ថ្នាក់​ទី២ លើ​គោលដៅ​អាទិភាព​របស់​រដ្ឋាភិបាល​ ដែល​ផ្តោត​លើ​ការ​កែ​លម្អ និងលើកស្ទួយ ជំរុញ​ការ​ធ្វើ​ប្រតិបត្តិការអាជីវកម្ម​របស់​ពួកគេ​​ឱ្យ​កាន់តែ​ប្រសើរ​ឡើង​។​

​សម្ដេចធិបតី ហ៊ុន ម៉ាណែត បានថ្លែងបែបនេះ ក្នុងឱកាសអញ្ជើញជាអធិបតីជួបសំណេះសំណាល និងពិសាភោជនាហារសាមគ្គីមហាគ្រួសារ សហគ្រាសធុនតូច មធ្យម និងសិប្បកម្មកម្ពុជា នៅមជ្ឈមណ្ឌលសន្និបាត និងពិពរណ៌កោះពេជ្រ នារសៀលថ្ងៃទី២៧ ខែមិថុនា ឆ្នាំ២០២៤។

សម្ដេចធិបតី ក៏​បាន​កោតសរសើរ​ដល់​សហ​ព័ន្ធ​សមាគម​សហគ្រាស​ធុន​តូច​ ​និង​មធ្យម​នៅ​កម្ពុជា​ ​សម្រាប់​ការរៀបចំ​ព្រឹត្តិការណ៍​នេះ​ ​ដែល​បាន​រួមចំណែក​យ៉ាងសំខាន់​ក្នុង​ការ​អភិវឌ្ឍន៍​សហគ្រាស​ធុន​មីក្រូ​ ​តូច​ ​និង​មធ្យម​នៅ​កម្ពុជា ​ក៏ដូចជា​ការ​ពង្រឹង​ការ​តភ្ជាប់​រវាង​បុគ្គល​ ​និង​សហគ្រាស​។​

​សម្ដេចធិបតី ហ៊ុន ម៉ាណែត ​បាន​មានប្រសាសន៍ថា៖​

​«ក្នុងរយៈពេល​៤​៥​ ​ឆ្នាំ​ចុងក្រោយ​នេះ​ ​រាជរដ្ឋាភិបាល​បាន​ផ្តោត​ខ្លាំង​ទៅលើ​ការ​លើក​ក​ម្ពស់​ជីវភាព​របស់​ប្រជាពលរដ្ឋ​ខ្មែរ​។​ ដោយ​រាល់​សហគ្រាស​ក្នុងស្រុក​នៅ​ក្នុង​ប្រទេស​របស់យើង​បាន​ចាប់ផ្តើម​ពី​អាជីវកម្ម​ខ្នាត​មីក្រូ​ ​និង​ខ្នាត​តូច​ ​ប៉ុន្តែ​ឥឡូវនេះ​យើង​ទាំងអស់គ្នា​ឃើញ​ថា​ពួកគេ​បាន​ផ្លាស់ប្តូរ​ទៅជា​ក្រុមហ៊ុន​ខ្នាត​មធ្យម»​។​

សម្ដេចធិបតី ហ៊ុន ម៉ាណែត ធ្លាប់បាន​ចេញ​សារ​លិខិត​ក្នុង​ឱកាស​ប្រារព្ធ​ទិវា​ជាតិ​សហគ្រាស​ធុន​មីក្រូ តូច និង​មធ្យម​លើកទី​១ថា៖ វិស័យ​នេះ​គ្រប​ដណ្តប់​សកម្មភាព​សេដ្ឋកិច្ច​គ្រប់​ប្រភេទ និង​ផ្តល់នូវ​អត្ថប្រយោជន៍​ជូន​ប្រជាជន ​និង​ធុរជន​គ្រប់រូប​តាមរយៈ​ការបង្កើត​ការងារ មុខរបរ បង្កើន​ប្រាក់​ចំណូល កាត់​បន្ថយ​ចំណាក​ស្រុក ជួយ​ប្រជាជន​ងាយ​រងគ្រោះ​ឱ្យ​មាន​លំនឹង​ជីវភាព ជំរុញ​ការ​អភិវឌ្ឍ​សេដ្ឋកិច្ច ស្ថិរភាព​សង្គម និង​រួម​ចំណែក​ដល់​ការ​រីក​ចម្រើន​នៃ​វិស័យ​ឯកជន​។​

សម្ដេចធិបតី បាន​បន្ត​នៅ​ក្នុង​សារ​របស់សម្តេចថា បច្ចុប្បន្ននេះ MSMEs មាន​ប្រមាណ​ ៩០​ភាគរយ លើ​មូលដ្ឋាន​ផលិតកម្ម​អាជីវកម្ម​សរុប ផ្តល់​ការងារ​ពី ៦០​ភាគរយ​ ទៅ​៧០​ភាគរយ​ និង​រួម​ចំណែក ៥០ភាគរយ នៃ​ផលិតផល​ក្នុង​ស្រុក​សរុប​នៅ​ទូទាំង​ពិភពលោក។

នៅ​ក្នុង​ក្របខ័ណ្ឌ​អាស៊ាន មាន​ចំនួន​សហគ្រាស​សរុប​ប្រមាណ ៧០​លាន​មូលដ្ឋាន (ចន្លោះ​ពី ៩៧,២ភាគរយ ទៅ ៩៩,៩ភាគរយ) និង​រួម​ចំណែក​ក្នុង​រង្វង់ ៤៤,៨ភាគរយ នៃ​ផលិតផល​ក្នុង​ស្រុក​សរុប​របស់ ប្រទេស​ជា​សមាជិក​អាស៊ាន។

សម្ដេចធិបតី ហ៊ុន ម៉ាណែត បានបញ្ជាក់ថា៖« នៅកម្ពុជាមានសហគ្រាសធុនមីក្រូ តូច និងមធ្យមមានចំនួនប្រមាណ ​ ៧៥៣ ៦៧០ មូលដ្ឋាន មាន​កម្លាំង​ពលកម្ម​សរុប ២ ៩៨០ ៥៦៩ នាក់ ក្នុងនោះ​ស្ត្រី​មាន ១ ៨៤១ ៣៦២ នាក់»។

លទ្ធផល​ជំរឿនក៏​បាន​បង្ហាញ​ថា វិស័យ​សហគ្រាស​ធុន​មីក្រូ តូច និង​មធ្យម បាន​ចូល​រួម​ក្នុង​ផលិតផល​ក្នុង​ស្រុក​សរុប​ស្មើ​ ៦៣​ភាគរយ​ និង​ផ្តល់​ការងារ​លើសពី​ ៧០ភាគរយ (ដោយ​មិន​រាប់​បញ្ចូល​វិស័យ​កសិកម្ម)។

សម្ដេចធិបតី ហ៊ុន ម៉ាណែត ក៏ទទួលស្គាល់ថា សេដ្ឋកិច្ចកម្ពុជាមិនទាន់ដំណើរការល្អដូចមុនដំណាក់កាលកូវីដ ប៉ុន្ដែរាជរដ្ឋាភិបាលបានដាក់ចេញវិធានការបន្ដបន្ទាប់ដើម្បីដោះស្រាយបញ្ហានានា ហើយសម្ដេចធិបតី នៅតែបន្ដលើកទឹកចិត្ត និងផ្ដល់ការគាំទ្រដល់វិស័យឯកជន ហើយរាជរដ្ឋាភិបាលកម្ពុជា ត្រូវតែបន្ដធានាដល់ស្ថិរភាព ដើម្បីបន្ដអភិវឌ្ឍន៍សេដ្ឋកិច្ចជាតិ និងកុំឱ្យវិស័យឯកជនមានការព្រួយបារម្ភ។តែផ្ដាំវិស័យឯកជន កុំរក្សាផ្នត់គំនិតថារដ្ឋផ្ដល់ការអនុគ្រោះរហូតនោះ។

សូមជម្រាបថា ​ក្នុង​កិច្ច​ខិតខំ​ប្រឹងប្រែង​ជំរុញ​សេដ្ឋកិច្ច​ជាតិ​ ​រាជរដ្ឋាភិបាល​បាន​អនុវត្ត​យន្ត​ការ​ជាច្រើន​ ​ដើម្បី​គាំទ្រ​ ​និង​ទាក់ទាញ​ពាណិជ្ជករ​បរទេស​ ​និង​ក្នុងស្រុក​ ឱ្យ​មក​បណ្តាក់ទុន​ក្នុង​វិ​ស័​យ​សហគ្រាស​ធុន​មីក្រូ​ ​តូច​ ​និង​មធ្យម​ ​ដែល​ជា​ខឿន​នៃ​សេដ្ឋកិច្ច​ ​ក្នុង​ការ​បង្កើត​ការងារ​ ​កាត់បន្ថយ​ភាព​ក្រីក្រ​ ​និង​លើក​ក​ម្ពស់​ប្រាក់ចំណូល​។​

ការ​អភិវឌ្ឍន៍​សេដ្ឋកិច្ច​ក្រៅ​ប្រព័ន្ធ​ ក៏ត្រូវ​បាន​ចុះបញ្ជី​ក្នុងចំណោម​វិ​ស័យ​អាទិភាព​ទាំង​៦​ ​នៃ​យុទ្ធសាស្ត្រ​បញ្ចកោណ​ដំណាក់កាល​ទី​១​ ​ដូច្នេះ​ហើយ​រដ្ឋាភិបាល​បាន​ផ្តោត​លើ​ការ​បង្កើត​ប្រព័ន្ធ​អេកូ​ឡូ​ស៊ី​ ​សំដៅ​លើក​ក​ម្ពស់​អាជីវកម្ម​បៃតង​សម្រាប់​ការ​អភិវឌ្ឍន៍​ប្រកបដោយ​ចីរភាព​នៃ​សេដ្ឋកិច្ច​សង្គម​នៅ​ទូទាំង​ប្រទេស​៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ស្វែងយល់ពីបច្ចេកទេសដាំដំណាំផ្ទី ងាយៗមិនចំណាយកម្លាំងច្រើន ប៉ុន្តែទទួលបានទិន្នផលខ្ពស់

ជំនួញ, ព្រឹត្តិការណ៍

• 24/07/2024

ផ្ទី ជាដំណាំមួយប្រភេទងាយស្រួលដាំដុះ ទទួលបានផលច្រើន និងមានតម្រូវការទីផ្សារល្អ

ការិយាល័យជួល ​ទំហំ​ជិត​២០ម៉ឺន​ម៉ែត្រការ៉េ​បន្ថែមទៀត រំពឹងចាក់​បញ្ចូល​ក្នុងទីផ្សារ​​​ក្នុងឆ្នាំ២០២៤​នេះ

ព្រឹត្តិការណ៍, អចលនទ្រព្យ

• 24/07/2024

កំណើននៃ​តម្រូវការ​និងការ​ផ្គត់ផ្គង់ការិយាល័យ​ក្នុង​រាជធានីភ្នំពេញ បានកើន​ឡើងជា​បន្តបន្ទាប់​​ក្រោយ​វិបត្តិកូវីដ​១៩ ដោយ​សហគ្រិន​ឬម្ចាស់​ក្រុមហ៊ុន​ជាច្រើន​ បាន​ផ្លាស់....

Kamala Harris ស្ត្រីជនជាតិអាមេរិកកាត់ឥណ្ឌាដំបូងបំផុតកំពុងឈរឈ្មោះជាបេក្ខភាពប្រធានាធិបតី

ព្រឹត្តិការណ៍, អាជីវកម្មថ្មី និងនវានុវត្ត

• 24/07/2024

Kamala Harris ស្ត្រីជនជាតិអាមេរិកកាត់ឥណ្ឌាដំបូងបំផុត ប្រែពីអាជីពមេធាវីក្លាយជាបេក្ខភាពប្រធានាធិបតី

NBC ៖ ទុនបម្រុងអន្តរជាតិរបស់កម្ពុជាមានការប្រែប្រួលតិចតួចក្នុងឆមាសទី១ ឆ្នាំ២០២៤

ព្រឹត្តិការណ៍, ហិរញ្ញវត្ថុ

• 24/07/2024

គិតត្រឹមឆមាសទី១ ឆ្នាំ២០២៤ កម្ពុជាមានទុនបម្រុងអន្តរជាតិ ២០ ប៊ីលានដុល្លារអាមេរិក

យុវជនចំនួន ២០០នាក់ទៀត ត្រៀមចាក់បញ្ចូលក្នុងទីផ្សារការងារទេសចរណ៍

ព្រឹត្តិការណ៍, អាជីវកម្មថ្មី និងនវានុវត្ត

• 24/07/2024

សិក្ខាកាមចំនួន ២០០នាក់ទៀត ត្រៀមចាក់បញ្ចូលក្នុងទីផ្សារការងារទេសចរណ៍លើជំនាញការិយាល័យជួរមុខ

រដ្ឋមន្ត្រីពាណិជ្ជកម្ម ជំរុញពង្រឹងគុណភាព និងសុវត្ថិភាពម្ហូបអាហារ ដើម្បីប្រកួតប្រជែង និងផ្គត់ផ្គង់ទីផ្សារ

ព្រឹត្តិការណ៍, សេដ្ឋកិច្ច

• 24/07/2024

រដ្ឋមន្ត្រីពាណិជ្ជកម្ម ជំរុញពង្រឹងគុណភាព សុវត្ថិភាពម្ហូបអាហារចាប់ពីកសិដ្ឋានដល់កន្លែងបរិភោគ

ក្រសួងរៀបចំដែនដីកំណត់ចក្ខុវិស័យលើការងារអាទិភាពចំនួន៣ ដើម្បីសម្រេចយុទ្ធសាស្ត្របញ្ចកោណ

ព្រឹត្តិការណ៍, អចលនទ្រព្យ

• 24/07/2024

យុទ្ធសាស្ត្របញ្ចកោណដំណាក់កាលទី១ នៅត្រង់បញ្ចកោណ​ទី៤ មុំទី៤ បានលើកឡើងអំពីការពង្រឹងលើការការគ្រប់គ្រង ធ្វើទំនើបកម្មនគរូបនីយកម្ម

ឯកអគ្គរដ្ឋទូតចិនប្រចាំនៅកម្ពុជា កំពុងជួយផ្សព្វផ្សាយលើកស្ទួយវិស័យទេសចរណ៍កម្ពុជាទៅកាន់ពិភពលោក

ព្រឹត្តិការណ៍, សេដ្ឋកិច្ច

• 24/07/2024

ជាជំហានវិជ្ជមានមួយរបស់ឯកឧត្តម ឯកអគ្គរដ្ឋទូតចិនដែលទើបតែងតាំងថ្មី ក្នុងការផ្សព្វផ្សាយវិស័យទេសចរណ៍របស់កម្ពុជា

អាជីវកម្មដាំដើមអម្ពិល បេះត្រួយលក់ អាចមានតម្លៃប្រមាណ ១៨០០០រៀល ទៅ ២០ ០០០ រៀល ក្នុងមួយគីឡូក្រាម

ជំនួញ, ព្រឹត្តិការណ៍

• 23/07/2024

មិនធម្មតា ទីផ្សារត្រួយអម្ពិលគេអាចលក់បានក្នុងចន្លោះពី ១៨០០០ - ២០០០០រៀលក្នុងមួយគីឡូក្រាម