សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ជាមួយនឹងភាពល្អប្រសើរនៃកិច្ចទំនាក់ទំនងក្នុងនាមជាប្រទេសគាំទ្រដល់ការអភិវឌ្ឍរបស់ប្រទេសកម្ពុជាកាលពីពេលកន្លងទៅ ក៏ដូចជានាពេលបច្ចុប្បន្ននេះ ចក្រភពអង់គ្លេសបានក្លាយជាទីផ្សារដ៏សំខាន់របស់កម្ពុជាសម្រាប់ផលិតផលកសិកម្ម និងកម្មន្តសាល ដែលបានជំរុញ និងបង្កើនទំហំពាណិជ្ជកម្មទ្វេភាគីសម្រេចបានរហូតដល់ប្រមាណ ១០០០លានដុល្លារអាមេរិកកាលពីឆ្នាំ២០២២។
ឯកឧត្តម ប៉ាន សូរស័ក្ដិ រដ្ឋមន្រ្ដីក្រសួងពាណិជ្ជកម្ម ក្នុងឱកាសជួបពិភាក្សាការងារជាមួយលោក Dominic WILLIAMS ឯកអគ្គរាជទូតចក្រភពអង់គ្លេសប្រចាំកម្ពុជា ដែលទើបទទួលបានការតែងតាំងថ្មីកាលពីពេលថ្មីៗនេះ បានបញ្ជាក់អំពីកិច្ចសហប្រតិបត្តិការដ៏ល្អប្រសើររវាងកម្ពុជា និងចក្រភពអង់គ្លេស ជាពិសេសចំពោះការកើនឡើងនៃទំហំពាណិជ្ជកម្មទ្វេភាគី ព្រមទាំងបានស្នើចក្រភពអង់គ្លេសវិនិយោគលើការកែច្នៃផលិតផលកសិកម្ម ម្ហូបអាហារ និងកសិឧស្សាហកម្មនៅកម្ពុជាផងដែរ ។
ឯកឧត្តមរដ្ឋមន្រ្តីបានសម្ដែងការស្វាគមន៍យ៉ាងកក់ក្តៅចំពោះ ឯកឧត្តមឯកអគ្គរាជទូត និងសហការី និងបានថ្លែងអំណរគុណចំពោះប្រជាជន រាជរដ្ឋាភិបាលនៃចក្រភពអង់គ្លេស ដែលតែងតែផ្តល់ការគាំទ្រផ្នែកហិរញ្ញវត្ថុ និងជំនួយបច្ចេកទេសដល់កម្ពុជា លើវិស័យសក្តានុពលនានារួមមាន ពាណិជ្ជកម្ម សុខាភិបាល អប់រំ ការគ្រប់គ្រងហិរញ្ញវត្ថុ ការអភិវឌ្ឍហេដ្ឋារចនាសម្ព័ន្ធ និងការបរិច្ចាគវ៉ាក់សាំង ប្រឆាំងកូវីដ-១៩ជាដើម ។
ឯកឧត្តម ប៉ាន សូរស័ក្តិ ក៏បានបង្ហាញការពេញចិត្តចំពោះការអនុវត្តប្រព័ន្ធអនុគ្រោះពន្ធថ្មីរបស់ចក្រភពអង់គ្លេស ដែលបានផ្តល់ជូនដល់ប្រទេសអភិវឌ្ឍន៍តិចតួច រួមទាំងកម្ពុជាផងដែរ ដែលការផ្តល់នេះបានរួមចំណែកក្នុងការគាំទ្រដល់ធុរជន និងវិនិយោគិនកម្ពុជា ជំរុញការនាំចេញ បង្កើនឱកាសការងារ និងការអភិវឌ្ឍប្រទេសជាតិប្រកបដោយបរិយាប័ន្ន ភាពធន់ និងចីរភាព ជាពិសេសចូលរួមក្នុងការស្តារសេដ្ឋកិច្ច ឡើងវិញពីវិបត្តជំងឺកូវីដ-១៩។
សូមបញ្ជាក់ថា ចក្រភពអង់គ្លេស គឺជាទីផ្សារដ៏សំខាន់មួយសម្រាប់ផលិតផលកសិកម្ម និងកម្មន្តសាលរបស់កម្ពុជា ដែលទំហំពាណិជ្ជកម្មទ្វេភាគីររវាងប្រទេសទាំងពីរសម្រេចបានប្រមាណ ១ ០០០លានដុល្លារអាមេរិកនៅឆ្នាំ២០២២ ជាមួយកំណើនប្រមាណ ២៤% បើប្រៀបធៀបនឹងឆ្នាំ២០២១ ដែលសម្រេចបាន ៧៨៦ លានដុល្លារអាមេរិក។
ទំនិញមានសក្តានុពល ដែលកម្ពុជានាំចេញទៅចក្រភពអង់គ្លេសរួមមាន សំលៀកបំពាក់ ស្បែកជើង កង់ និងផលិតផលកសិកម្មជាដើម រីឯទំនិញនាំចូលសក្តានុពលពីចក្រភពអង់គ្លេសមកកម្ពុជាវិញរួមមាន គ្រឿងយន្ត ឱសថ និងភេសជ្ជៈ។ល។
Account
Security
Favourite Content