​ប្រជាជនសប្បាយចិត្តចំពោះការទទួលបានឱកាសចូលរៀនជំនាញដែលផ្តល់ដោយរាជរដ្ឋាភិបាល

យោងតាមយុទ្ធសាស្ត្របញ្ចកោណដំណាក់កាលទី១ រាជរដ្ឋាភិបាលអាណត្តិទី៧នេះមានការផ្ដោតសំខាន់លើបញ្ចកោណ៥ចំណុចគឺ ការអភិវឌ្ឍមូលធនមនុស្ស, ការធ្វើពិពិធកម្មសេដ្ឋកិច្ច និងការបង្កើនភាព​ប្រកួតប្រជែង, ការអភិវឌ្ឍវិស័យឯកជន និងការងារការអភិវឌ្ឍប្រកបដោយភាពធន់ ចីរភាព និងបរិយាប័ន្ន , ការអភិវឌ្ឍសេដ្ឋកិច្ច និងសង្គមឌីជីថល។

ដោយឡែកនៅក្នុងបញ្ចកោណទី១ រដ្ឋាភិបាលបានដាក់ការយកចិត្តទុកដាក់លើ​ការងារអាទិភាពចំនួន៥គឺ ៖ ទី១ ការពង្រឹងគុណភាព វិស័យអប់រំ កីឡា វិទ្យាសាស្រ្ត និងបច្ចេក​វិទ្យា ទី២ ការបណ្តុះ​បណ្តាលជំនាញបច្ចេកទេស ទី៣ ការលើកកម្ពស់ សុខភាព និង សុខុមាល​ភាពប្រជាជន។ ទី៤ ការពង្រឹង ប្រព័ន្ធគាំពារសង្គមនិងប្រព័ន្ធស្បៀង និងទី៥គឺ ការពង្រឹងភាពជាពលរដ្ឋ​ក្នុងសង្គម​ដែលមានអារ្យធម៌ខ្ពស់ ប្រកបដោយសីលធម៌ សមធម៌ និងបរិយាប័ន្ន។

ក្នុងនោះ នៅត្រង់ចំណុចទី២នៃបញ្ចកោណទី១ រដ្ឋាភិបាលផ្ដោតសំខាន់លើការបណ្ដុះ​បណ្ដាល​ជំនាញបច្ចេកទេស គឺជាអ្វីដែលក្រសួងការងារកំពុងតែធ្វើ ហើយដើម្បីអាចសម្រេចបានការងារនេះ រាជរដ្ឋាភិបាល តាមរយៈក្រសួងការងារបានបង្កើតនូវកម្មវិធីបណ្ដុះបណ្ដាលវិជ្ជាជីវៈសម្រាប់យុវជនមក​ពីគ្រួសារ​ក្រីក្រ និងងាយរងហានិភ័យ។

តាមរយៈកម្មវិធីនេះ ប្រជាពលរដ្ឋកម្ពុជាអាចចូលសិក្សាជំនាញជាច្រើនបានដោយមិនអស់ប្រាក់នោះ​ឡើយ។ មិនត្រឹមតែប៉ុណ្ណោះ សម្រាប់អ្នកដែលមានប័ណ្ណសមធម៌ ថែមទាំងអាចទទួលបានប្រាក់ឧបត្ថម្ភប្រចាំខែចំនួន ២៨ម៉ឺនរៀលក្នុងអំឡុងពេលកំពុងសិក្សាទៀតផង។

លោក ឯក ស៊ីដូ ជាសិក្ខាកាមជំនាញជួសជុលទូរស័ព្ទនៃវិទ្យាស្ថាន NPIC បានឱ្យដឹងថា បើទោះជាលោកមានវ័យ ៥០ឆ្នាំប្លាយ ហើយថែមទាំងមានពិការភាពទៀត លោកនៅតែឱ្យតម្លៃចំពោះការរៀន ដើម្បី​យកជំនាញមួយប្រចាំខ្លួន។

សម្រាប់លោក ការទទួលបានឱកាសរៀនជំនាញនេះប្រៀបបានទៅនឹងការចាប់ផ្ដើមជីវិតថ្មីមួយ ដោយលោកអាចជួយសម្រួលបន្ទុកចំណាយគ្រួសារបានមួយចំណែក។ សម្រួលបន្ទុកគ្រួសារព្រោះថា កន្លងមកលោកមិនមានប្រកបការងារអ្វីនោះទេ ពោលគឺមានកូនៗជាអ្នកផ្គត់ផ្គង់។

ចំណែកឯការរើសជំនាញរៀនទៀតសោត លោក ឯក ស៊ីដូ បានឱ្យដឹងថា នៅវិទ្យាស្ថានបណ្ដុះបណ្ដាល គឺមានជំនាញច្រើនណាស់សម្រាប់រៀន ប៉ុន្តែដោយសារលោកមានពិការភាព ជំនាញជួសជុលទូរស័ព្ទ ហាក់មានភាពងាយស្រួលជាងគេ ដោយមិនតម្រូវឱ្យលោកផ្លាស់ទីច្រើន។

ដោយឡែក លោក អូន ផាន់ណា ឯណោះវិញ គឺជាអ្នករត់កង់បី និងមានកូនដែលកំពុងរៀនជំនាញ។ សម្រាប់គ្រួសាររបស់លោកពិតជាចង់ឱ្យកូនៗបានបន្តការសិក្សារហូតទទួលបានការងារធ្វើសមរម្យណាស់ ប៉ុន្តែដោយមិនមានលទ្ធភាព ទើបត្រូវបង្ខំចិត្តឱ្យកូនធ្វើការរកចំណូល។

ក្រោយពេលទទួលបានឱកាសចូលរៀនជំនាញនេះហើយ លោកសប្បាយចិត្តជាខ្លាំង ព្រោះក្រៅពីលោកដែលជាមេគ្រួសារទៅ ក៏អាចមានកូនដែលមានជំនាញក្នុងការរកចំណូលចូល បន្ថែមជួយដល់គ្រួសារផងដែរ។

លោក អូន ផាន់ណា បានឱ្យដឹងទៀតថា ក្នុងនាមជាមេគ្រួសារ និងជាប្រភពចំណូលផងនោះ លោកមានការព្រួយបារម្ភមែនទែន ដោយបច្ចុប្បន្នលោកមានជំងឺប្រចាំកាយ និងមិនដឹងថាអាចទ្រទ្រង់គ្រួសារបានរយៈពេលប៉ុន្មានឆ្នាំទៅមុខទៀត។

និយាយជារួម ទាំងលោក ឯក ស៊ីដូ និងលោក អូន ផាន់ណា សុទ្ធតែថ្លែងអំណរគុណដល់រាជរដ្ឋាភិបាល ដែលបង្កើតកម្មវិធីសិក្សាជំនាញដោយមិនគិតប្រាក់នេះ។

គួរបញ្ជាក់ថា រាជរដ្ឋាភិបាលកម្ពុជា កាលពីថ្ងៃទី១៤ ខែវិច្ឆិកា ឆ្នាំ២០២៣ បានប្រកាសដាក់ឱ្យប្រើប្រាស់កម្មវិធី​បណ្តុះបណ្តាលជំនាញវិជ្ជាជីវៈ និងបច្ចេកទេស ដល់ក្រុមគោលដៅយុវជនមកពីគ្រួសារក្រីក្រ និងគ្រួសារងាយរងហានិភ័យនៅទូទាំងប្រទេសចំនួន ១,៥លាននាក់ ដោយមិនតម្រូវបង់ថ្លៃសិក្សានោះទេ ហើយអាចទទួលបាននូវប្រាក់ឧបត្ថម្ភប្រចាំខែទៀត។

សិស្សដែលបានចុះឈ្មោះចូលរៀននឹងទទួលបានការសិក្សាដោយមិនបង់ថ្លៃ ទទួលបានប្រាក់​ឧបត្ថម្ភប្រចាំខែចំនួន ២៨ម៉ឺន​រៀល (សម្រាប់អ្នកដែលមានបណ្ណសមធម៌) ទទួលបានការប្រឹក្សាយោបល់ពីការជ្រើសរើសជំនាញ និងព័ត៌មានទីផ្សារការងារ រីឯការចុះកម្មសិក្សាធ្វើឡើងនៅតាមសហគ្រាស គ្រឹះស្ថាន ឧស្សាហកម្ម និងក្រុមហ៊ុនឯកជនដែលបានចុះ MOU ជាមួយរាជរដ្ឋាភិបាល។ នេះបើយោងតាមការអះអាងរបស់​ក្រសួង​ការងារ បណ្តុះបណ្តាល និងវិជ្ជាជីវៈកម្ពុជា៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

គម្រោង​វិនិយោគ​ពាក់ព័ន្ធនឹង​អគារ​ជាប់គាំង​​នៅខេត្ត​ព្រះសីហនុ​ទទួលបានការលើក​ទឹកចិត្តផ្នែកពន្ធដារ​ ៨ ​ចំណុច​សំខាន់ៗ

ព្រឹត្តិការណ៍, អចលនទ្រព្យ

• 19/06/2024

រាជរដ្ឋាភិបាល​បានលើកទឹកចិត្ត​ផ្នែកពន្ធដារ​ជាច្រើន​ដល់​វិនិយោគិនណាដែលមានបំណងមក​វិនិយោគ​នៅខេត្តព្រះសីហនុ ជាពិសេស​លើ​គម្រោងអគារ​ជាប់គាំង​

ទីផ្សារប្តូរប្រាក់រុស្ស៊ី MOEX ផ្អាកការជួញដូរជាប្រាក់ដុល្លារ និងប្រាក់អឺរ៉ូ ដោយសារទណ្ឌកម្មពីសហរដ្ឋអាមេរិក

ព្រឹត្តិការណ៍, អាជីវកម្មថ្មី និងនវានុវត្ត

• 19/06/2024

ទីផ្សារប្តូរប្រាក់រុស្ស៊ី Moscow Exchange (MOEX) បានផ្អាកការជួញដូរជាប្រាក់ដុល្លារ និងប្រាក់អឺរ៉ូចូលជាធរមាននៅថ្ងៃព្រហស្បតិ៍ ដោយសាររតនាគារសហរដ្ឋអាមេរិកបង្ហាញពីទណ្ឌកម្មថ្មីមកលើប្រទេសនេះ

សភាពាណិជ្ជកម្មកម្ពុជា និងសហព័ន្ធធុរកិច្ចសិង្ហបុរី ជំរុញទំនាក់ទំនងពាណិជ្ជកម្ម និងការអភិវឌ្ឍសេដ្ឋកិច្ច

ព្រឹត្តិការណ៍, សេដ្ឋកិច្ច

• 19/06/2024

សភាពាណិជ្ជកម្មកម្ពុជា និងសហព័ន្ធធុរកិច្ចសិង្ហបុរី នឹងចុះ MOU ជំរុញទំនាក់ទំនងពាណិជ្ជកម្ម និង ការអភិវឌ្ឍសេដ្ឋកិច្ចរវាងប្រទេសទាំងពីរ

ប្រាក់ចំណូលរបស់អ្នកបម្រើការងារតាមផ្ទះរួមចំណែកផ្នែកសេដ្ឋកិច្ចយ៉ាងសំខាន់ និងជួយកាត់បន្ថយភាពក្រីក្រ

ព្រឹត្តិការណ៍, សេដ្ឋកិច្ច

• 17/06/2024

ប្រាក់ចំណូលរបស់កម្មករការងារតាមផ្ទះ រួមចំណែកមួយផ្នែកធំដល់សេដ្ឋកិច្ចយ៉ាងសំខាន់ និង បានរួមចំណែកកាត់បន្ថយភាពក្រីក្រនៅកម្ពុជា

ផលិតផលថ្មីរបស់គ្រឿងហ្លួង កាន់តែជួយគាំទ្រ និងផ្សព្វផ្សាយមុខម្ហូបខ្មែរ

ជំនួញ, ព្រឹត្តិការណ៍

• 17/06/2024

គ្រឿងហ្លួង សាបារា ត្រូវបានគេស្គាល់យ៉ាងទូលាយថាជាផលិតផលក្នុងស្រុកដែលត្រូវបានបង្កើតឡើងដោយក្រុមហ៊ុន Sabara Best Food សម្រាប់ជាគ្រឿងផ្សំរសជាតិទៅលើមុខម្ហូបបែបខ្មែរ

សម្ដេច​ធិបតី​ ជំរុញឱ្យ​​គិតគូរ ​និងអនុវត្តន៍ឱ្យបានតឹងរ៉ឹង​លើ​គម្រោង​ប្លង់មេក្នុង​តំបន់​ក្រុង​រណប ​និង​បុរី

ព្រឹត្តិការណ៍, អចលនទ្រព្យ

• 17/06/2024

សម្ដេច​ធិបតី​ ហ៊ុន ម៉ាណែត បានជំរុញឱ្យ​រៀបចំ​ និងអនុវត្ត​ឱ្យ​បានតឹងរ៉ឹង​​ចំពោះ​គម្រោង​ប្លង់​មេ​នៅក្នុងតំបន់​ក្រុង​រណប និង​តាមបុរីនានា​

ផែនការមេដឹកនាំរុស្ស៊ីបំពេញទស្សនកិច្ចនៅវៀតណាមបង្កប្រតិកម្មពីប្រទេសជាដៃគូពាណិជ្ជកម្មធំៗ

ព្រឹត្តិការណ៍, សេដ្ឋកិច្ច

• 17/06/2024

វៀតណាមបានធ្វើពហិកាមិនចូលរួមកិច្ចប្រជុំនៅស្វីស ប៉ុន្តែបញ្ជូនអនុរដ្ឋមន្ត្រីការបរទេសទៅចូលរួម BRICS នៅក្នុងប្រទេសរុស្ស៊ីទៅវិញកាលពីសប្តាហ៍មុននេះ

ទុនពីវិស័យមីក្រូហិរញ្ញវត្ថុជួយបង្កើនចំណូលដល់ប្រជាពលរដ្ឋ ជាពិសេសកសិករ

ព្រឹត្តិការណ៍, ហិរញ្ញវត្ថុ

• 17/06/2024

វិស័យមីក្រូហិរញ្ញវត្ថុបានបង្កើតផលិតផលឥណទានកសិកម្ម និងសេវាកម្មហិរញ្ញវត្ថុសម្បូរបែប ដើម្បីឆ្លើយតបនឹងតម្រូវការរបស់ប្រជាកសិករ និងសហគមន៍កសិកម្មនៅតាមមូលដ្ឋាន

រដ្ឋមន្ត្រីកសិកម្ម ៖ ការចិញ្ចឹមត្រីតាមបច្ចេកទេសត្រឹមត្រូវធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ព្រឹត្តិការណ៍, សេដ្ឋកិច្ច

• 17/06/2024

រដ្ឋមន្ត្រីក្រសួងកសិកម្មបានលើកឡើងថា ការចិញ្ចឹមត្រីអនុវត្តតាមបច្ចេកទេសត្រឹមត្រូវ អាចធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ក្រុមហ៊ុនលំដាប់ពិភពលោក BOSCH នឹងមកសិក្សាពីលទ្ធភាពបើករោងចក្ររបស់ខ្លួននៅកម្ពុជា

ព្រឹត្តិការណ៍, សេដ្ឋកិច្ច

• 17/06/2024

ក្រុមហ៊ុន BOSCH លំដាប់ពិភពលោកដែលមានបុគ្គលិកជិត ៤៣ ម៉ឺននាក់ នឹងមកសិក្សាពីលទ្ធភាពបើករោងចក្ររបស់ខ្លួននៅព្រះរាជាណាចក្រកម្ពុជា ។