សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ រដ្ឋាភិបាលចិនបានសម្រេចហាមឃាត់ការលក់រថយន្តដែលមានទ្វារលាក់ខ្លួនចាប់ពីឆ្នាំក្រោយ(២០២៧) ដោយសារព្រួយបារម្ភពីបញ្ហាសុវត្ថិភាព និងបានក្លាយជាប្រទេសដំបូងគេក្នុងពិភពលោកដែលកំណត់ច្បាប់មួយនេះឡើង ។
កាលពីថ្ងៃច័ន្ទ សប្ដាហ៍នេះ ក្រសួងឧស្សាហកម្ម និងបច្ចេកវិទ្យាព័ត៌មានរបស់ចិន បានប្រកាសច្បាប់ថ្មីដែលនឹងចូលជាធរមានចាប់ពីថ្ងៃទី ១ ខែមករា ឆ្នាំ២០២៧ ដោយចែងថា គ្រប់រថយន្តទាំងអស់តម្រូវឱ្យបំពាក់ដៃទ្វារធម្មតាទាំងផ្នែកខាងក្នុង និងផ្នែកខាងក្រៅ។ បទប្បញ្ញត្តិថ្មីនេះត្រូវបានបង្កើតឡើងក្នុងគោលបំណងពង្រឹងកម្រិតនៃការរចនាសុវត្ថិភាពរថយន្តឲ្យកាន់តែប្រសើរឡើង ដោយសារមានក្តីបារម្ភអំពីសុវត្ថិភាពនៅក្នុងប្រទេសចិន ជុំវិញបញ្ហាទ្វារលាក់ខ្លួនអាចធ្វើឲ្យអ្នកបើកបរមិនអាចបើកទ្វារ ឬត្រូវជាប់គាំងនៅក្នុងរថយន្តក្នុងពេលកើតមានគ្រោះថ្នាក់ណាមួយជាយថាហេតុ។ សូមរំលឹកថា កាលពីអំឡុងខែតុលា ឆ្នាំ២០២៥ កន្លងទៅនេះ មានករណីឆេះរថយន្តអគ្គិសនី Xiaomi នៅក្នុងទីក្រុង Chengdu ដែលធ្វើឲ្យអ្នកបើកបរឆេះស្លាប់នៅក្នុងឡាន ដោយសារមិនអាចបើកទ្វារចេញមកបាន។
សូមជម្រាបថា ក្រុមហ៊ុន Tesla គឺជាអ្នកបង្កើតឲ្យមានដៃទ្វារអេឡិចត្រូនិក ឬ ដៃទ្វារលាក់ខ្លួនមុនគេនៅក្នុងម៉ូដែលរថយន្ត S 2012 របស់ខ្លួន។ ក្រោយមក ការរចនាបែបនេះមានភាពល្បីល្បាញនៅក្នុងឧស្សាហកម្មរថយន្តអគ្គិសនី EV ហើយកាលពីខែកញ្ញា ឆ្នាំ២០២៥ ក្រុមហ៊ុនអាម៉េរិកមួយនេះក៏បានបញ្ជាក់ថា ខ្លួនកំពុងស្វែងរកការរចនាឡើងវិញនូវវិធីបើកទ្វាររថយន្តរបស់ខ្លួនក្នុងគ្រាអាសន្ន បន្ទាប់ពីមានឧបទ្ទវហេតុជាច្រើនត្រូវបានគេរាយការណ៍ថាបានស្លាប់ ឬរងរបួសយ៉ាងធ្ងន់ធ្ងរនៅក្នុងរថយន្តដែលឆេះ ព្រោះអ្នកជួយសង្គ្រោះមិនអាចបើកទ្វារវាបាន។
ការស៊ើបអង្កេតមួយត្រូវបានធ្វើឡើងដោយ Bloomberg បញ្ជាក់ថា មានឧប្បត្តិហេតុចំនួន ១៤០ ករណី ដែលមនុស្សត្រូវជាប់នៅក្នុងឡាន Tesla ដោយសារបញ្ហាទ្វាររថយន្តបាត់បង់ប្រតិបត្តិការមិនអាចបើកបាននៅពេលកំពុងជួបគ្រោះថ្នាក់។ មិនត្រឹមតែប៉ុណ្ណោះ បញ្ហាស្រដៀងគ្នានេះបានកើតឡើងនៅក្នុងប្រទេសចិន ដែលជាទីផ្សាររថយន្តអគ្គិសនីដ៏ធំមួយរបស់ពិភពលោក ខណៈដែលក្រុមហ៊ុនជាច្រើនបានរចនាទ្វាររថយន្តលាក់ខ្លួនដោយយកលំនាំតាម Tesla ៕
Account
Security
Favourite Content