សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ ប្រធានាធិបតីអាម៉េរិក លោក Donald Trump បានយល់់ព្រមកាត់បន្ថយអត្រាពន្ធលើការនាំចូលទំនិញពីឥណ្ឌា ពី២៥% មកត្រឹម ១៨% បន្ទាប់ពីនាយករដ្ឋមន្ត្រី Narendra Modi សន្យាថានឹងឈប់ទិញប្រេងរុស្ស៊ី នេះបើយោងតាមសេចក្ដីរាយការណ៍ពី France 24 ។
កាលពីថ្ងៃចន្ទ សប្ដាហ៍នេះ ប្រធានាធិបតីអាម៉េរិក លោក Donald Trump បានប្រកាសពីកិច្ចព្រមព្រៀងពាណិជ្ជកម្មជាមួយនឹងឥណ្ឌាបន្ទាប់ពីកិច្ចចរចារវាងភាគីទាំងពីរមានភាពតានតឹងជាច្រើនខែជុំវិញការទិញប្រេងរបស់ឥណ្ឌាពីរុស្ស៊ី ដោយសារការធ្វើបែបនេះប្រៀបដូចជាការផ្តល់មូលនិធិដល់ជម្លោះដែលអាម៉េរិកកំពុងព្យាយាមបញ្ចប់។
លោក Trump បានបង្ហោះសារនៅលើ Truth Social ថា ៖
«ដោយសារតែមិត្តភាព និងការគោរពចំពោះនាយករដ្ឋមន្រ្តី Modi យើងបានយល់ព្រមលើកិច្ចព្រមព្រៀងពាណិជ្ជកម្មរវាងសហរដ្ឋអាម៉េរិក និងឥណ្ឌា ដែលមានប្រសិទ្ធភាពភ្លាមៗ»។
សូមបញ្ជាក់ថា អត្រាពន្ធបន្ថែម ២៥% ត្រូវបានលោក Trump ដាក់លើឥណ្ឌាបន្ថែមពីលើពន្ធដែលមានស្រាប់ ២៥% ធ្វើឲ្យទំនិញខ្លះជាប់ពន្ធរហូតដល់ ៥០% ប៉ុន្តែពេលនេះត្រូវបានដកទម្លាក់មកវិញនៅត្រឹម១៨%។
លោក Trump បានបញ្ជាក់ថា ៖
«លោក Modi យល់ព្រមឈប់ទិញប្រេងពីរុស្ស៊ី និងប្តូរមកទិញទំនិញជាច្រើនពីអាម៉េរិក ហើយអាចទិញពីវេណេស៊ុយអេឡាផងដែរ ហើយការធ្វើបែបនេះនឹងជួយបញ្ចប់សង្រ្គាមនៅអ៊ុយក្រែន។ អាម៉េរិកកំពុងត្រួតពិនិត្យយ៉ាងមានប្រសិទ្ធភាពលើការនាំចេញប្រេងរបស់វេណេស៊ុយអេឡា ចាប់តាំងពីការផ្តួលរំលំមេដឹកនាំលោក Nicolas Maduro កាលពីខែមករា។ ឥណ្ឌា បានយល់ព្រមចំណាយជាង ៥០០ ពាន់លានដុល្លារក្នុងការទិញថាមពល បច្ចេកវិទ្យា កសិកម្ម ធ្យូងថ្ម និងផលិតផលផ្សេងទៀតរបស់អាម៉េរិក»។
នាយករដ្ឋមន្ត្រីឥណ្ឌា លោក Narendra Modi បានបង្ហោះនៅលើ X ថា ៖
«វាពិតជាអស្ចារ្យណាស់ដែលបាននិយាយជាមួយមិត្តជាទីស្រឡាញ់របស់ខ្ញុំ គឺលោកប្រធានាធិបតី Trump និង រីករាយដែលផលិតផលនៅក្នុងឥណ្ឌា ឬ Made in India នឹងត្រូវមានការកាត់បន្ថយពន្ធមកត្រឹម ១៨%»។
សូមបញ្ជាក់ថា ចាប់តាំងពីមានសង្គ្រាមរុស្ស៊ី-អ៊ុយក្រែនឆ្នាំ ២០២២ ឥណ្ឌា បានក្លាយជាអ្នកទិញប្រេងដ៏សំខាន់របស់រុស្ស៊ី ដែលផ្តល់ឱ្យទីក្រុងម៉ូស្គូមានទីផ្សារនាំចេញដ៏សំខាន់មួយ ខណៈដែលអឺរ៉ុបបានកាត់បន្ថយការទិញ ព្រមទាំងដាក់ទណ្ឌកម្មទៀតផង។ នៅឆ្នាំ២០២៤ រុស្ស៊ី មានចំណែកផ្គត់ផ្គង់រហូតជិត ៣៦% នៃការនាំចូលប្រេងឆៅសរុបរបស់ឥណ្ឌា៕
Account
Security
Favourite Content