សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ បើទោះបីជាមានបញ្ហាប្រឈមមួយចំនួនក្ដី វិស័យទេសចរណ៍កម្ពុជានៅតែមានសក្ដានុពល ដោយក្នុងរយៈពេល១ឆ្នាំនៃឆ្នាំ២០២៥ ការវិនិយគលើវិស័យទេសចរណ៍ មានចំនួន៤៧គម្រោង ជាមួយនឹងទុនវិនិយោគចំនួន ៧០៨លានដុល្លារអាម៉េរិក ។ នេះបើតាមរបាយការណ៍របស់ក្រសួងទេសចរណ៍ ។
របាយការណ៍របស់ក្រសួងទេសចរណ៍បានបង្ហាញថា ក្នុងចំណោមគម្រោងវិនិយោគទាំង ៤៧ មាន ៤គម្រោង ក្នុងទំហំទុនវិនិយោគប្រមាណ ១៧៥លានដុល្លារម៉េរិក អនុម័តដោយក្រុមប្រឹក្សាអភិវឌ្ឍន៍កម្ពុជា ហើយ ៣៨គម្រោងទៀត មានទុនវិនិយោគប្រមាណ ៥០៦លានដុល្លារអាម៉េរិក ដែលអនុម័តដោយក្រុមការងារជំរុញការវិនិយោគខេត្តព្រះសីហនុ ដោយឡែក ចំនួន ៥គម្រោងទៀត មានទុនវិនិយោគប្រមាណ ២៧លានដុល្លារអាម៉េរិក អនុម័តដោយក្រុមការងារជំរុញការវនិយោគភូមិភាគឦសាន ។
នៅក្នុងសន្និបាតបូកសរុបការងាររបស់ក្រសួងទេសចរណ៍នៅព្រឹកថ្ងៃទី ០៣ ខែកុម្ភៈ ឆ្នាំ២០២៦ នាសណ្ឋាគារ សុខា ភ្នំពេញ ឯកឧត្តម តុប សុភ័ក រដ្ឋលេខាធិការក្រសួងទេសចរណ៍បានមានប្រសាសន៍ថា ក្នុងឆ្នាំ ២០២៥កន្លងទៅ កម្ពុជាទទួលបានទេសចរមកទស្សនាសរុបចំនួន ៥,៥៧លាននាក់ បើធៀបនឹងឆ្នាំ ២០២៤ ថយចុះ ប្រមាណ១៦,៩ភាគរយ ។ ក្នុងចំណោមភ្ញៀវទេសចរទាំង ៥,៥៧លាននាក់ចូលមកកម្ពុជា តាមផ្លូវអាកាសមានចំនួន ២,៨៥លាននាក់ ស្មើនឹងប្រមាណ៥១,៣ភាគរយ កើនឡើង១៩,២ភាគរយ, ផ្លូវគោក ២,៦២លាននាក់ ស្មើនឹងប្រមាណ ៤៧,១ភាគរយ ថយចុះ ប្រមាណ ៣៧,៨ភាគរយ និងផ្លូវទឹកចំនួនជិត ៩ម៉ឺននាក់ ឬស្មើនឹងប្រមាណ ១,៦ភាគរយ កើនឡើង៦,៣ភាគរយ ។ ទន្ទឹមនឹងនេះដែរ ក្នុងឆ្នាំ២០២៥ ក្រសួងទេសចរណ៍ បានធ្វើអាជ្ញាបណ្ណថ្មី និងបន្តជូនម្ចាស់រមណីយដ្ឋានទេសចរណ៍សរុបចំនួន ៥៧ទីទាំង ដោយក្នុងនោះ រមណីយដ្ឋានស្នើសុំថ្មីមាន៧ទីតាំង និងបន្តចំនួន៥០ទីតាំង ។
ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ បានថ្លែងថា បើទោះបីជាឆ្នាំ២០២៥ វិស័យទេសចរណ៍កម្ពុជាបានជួបប្រទះនឹងបញ្ហាប្រឈមទាំងពីកត្តាក្នុង និងក្រៅប្រទេស ក៏នៅតែអាចសម្រេចបាននូវផ្លែផ្កាគួរឱ្យកត់សម្គាល់ ជាក់ស្ដែង មានភ្ញៀវទេសចរបរទេសមកទស្សនានៅកម្ពុជាចំនួន ៥,៦៧លាននាក់ និងភ្ញៀវទេសចរផ្ទៃក្នុងសរុបចំនួនជាង២៥លាននាក់ ។
ឯកឧត្តមបន្តថា វិស័យទេសចរណ៍ ត្រូវបានចាត់ទុកជាជន្ទល់នៃកំណើនសេដ្ឋកិច្ចជាតិ និងមានសន្ទុះរីកចម្រើនគួរជាទីកត់សម្គាល់ ដោយមានមូលដ្ឋានគ្រឹះសំខាន់ពីកត្តាសុខសន្តិភាព កត្តាស្ថិរភាពនយោបាយ សន្តិសុខ សណ្ដាប់ធ្នាប់សង្គម មានលក្ខណៈល្អប្រសើរ ដែលធ្វើឱ្យកម្ពុជានៅតែបន្តជាគោលដៅទេសចរណ៍ដែលមានសុវត្ថិភាព ផ្ដល់ឱកាសវិនិយោគ និងពាណិជ្ជកម្ម ដ៏គួរទាក់ទាញមួយក្នុងតំបន់អាស៊ី ជាពិសេសបានធ្វើឱ្យវិស័យទេសចរណ៍ក្លាយកម្លាំងចលករមួយដ៏សំខាន់ក្នុងការទ្រទ្រង់កំណើនសេដ្ឋកិច្ចនារយៈពេល៣០ឆ្នាំចុងក្រោយមកនេះ ។
គួរបញ្ជាក់ថា ឧស្សាហកម្មទេសចរណ៍ពិភពលោក ក្នុងឆ្នាំ២០២៥ រកចំណូលបាន ១,៩ទ្រីលានដុល្លារអាម៉េរិក ដោយមានភ្ញៀវទេសចរបរទេសដើរកម្សាន្តទូទាំងពិភពលោកចំនួន ១ ៥២៣ លាននាក់ កើនឡើង៤ភាគរយធៀបនឹងឆ្នាំ២០២៤ ក្នុងនោះទ្វីបអឺរ៉ុបទទួលបានទេសចរអន្តរជាតិច្រើនជាងរហូតដល់ ជាង៧៩៣លាននាក់ ខណៈទ្វីបអាស៊ីនិងប៉ាស៊ីហ្វិកទទួលបានចំនួនជាង៣៣០លាននាក់ ៕
រូបភាព វីដេអូ
Account
Security
Favourite Content