សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ បច្ចុប្បន្ននេះ កសិផលកម្ពុជាចំនួន ១៦ មុខ ត្រូវបានអនុញ្ញាតក្នុងការនាំចេញទៅកាន់ទីផ្សារប្រទេសចិន។ នេះបើតាមការឱ្យដឹងរបស់លោក វ៉ាង វិនពីន ឯកអគ្គរដ្ឋទូតនៃសាធារណរដ្ឋប្រជាមានិតចិនប្រចាំកម្ពុជា។
លោកឯកអគ្គរដ្ឋទូតបានឱ្យដឹងថា៖ កសិផលទាំង១៦មុខនោះរួមមាន៖ អង្ករ ដំឡូងមីស្ងួត ពោត ចេក ស្វាយ មៀន ដូង ម្រេច គ្រាប់ស្វាយចន្ទី ល្ង គ្រាប់ជី កៅស៊ូ ជលផលធម្មជាតិ ជលផលចិញ្ចឹម មច្ឆា និងទុរេន ។
លោកបានបញ្ជាក់ថា៖
«កិច្ចព្រមព្រៀងពាណិជ្ជកម្មនេះ បង្ហាញពីសន្ទុះដ៏រឹងមាំ និងសមិទ្ធផលផ្លែផ្កាគួរកត់សម្គាល់នៃកិច្ចសហប្រតិបត្តិការរវាងប្រទេសទាំងពីរ»។
លោកឯកអគ្គរដ្ឋទូតបានឱ្យដឹងផងដែរថា៖ កម្ពុជាចាប់ផ្តើមដឹកទុរេនស្រស់ទៅកាន់ប្រទេសចិនតាមផ្លូវអាកាសកាលពីថ្ងៃទី ៩ ខែសីហា កន្លងទៅថ្មីៗនេះ ។ ទុរេន ២តោនលើកដំបូងបានទៅដល់ខេត្ត Henan ប្រទេស ចិន។ ជាមួយនឹងរយៈពេលដឹកជញ្ជូនត្រឹមតែ ៤ម៉ោងប៉ុណ្ណោះ ទុរេនស្រស់បានទៅដល់ដៃអ្នកប្រើប្រាស់ជនជាតិចិន។ ទុរេនជាផ្លែឈើស្រស់ទី ៥ របស់ប្រទេសកម្ពុជាដែលចូលដល់ទីផ្សារប្រទេសចិនដោយផ្ទាល់បន្ទាប់ពីចេក ស្វាយ មៀន និងដូង។
លោកបានបន្តថា៖ ការដឹកជញ្ជូនទុរេនកម្ពុជាតាមផ្លូវអាកាសទៅកាន់ទីផ្សារប្រទេសចិន អាចរក្សាបាននូវគុណភាព និងរសជាតិរបស់វា ដូច្នេះហើយ កសិករដែលដាំដំណាំទុរេនចាត់ទុកការដឹកជញ្ជូនតាមអាកាសជាអត្ថប្រយោជន៍ដ៏សំខាន់។
គួររំលឹកថា៖ នៅឆ្នាំ២០២៣ កម្ពុជាបាននាំចេញបង្កងប៉ាកជាលើកដំបូងទៅទីផ្សារចិនចំនួន១តោន ហើយនៅដើមឆ្នាំ២០២៤ បាននាំចេញបង្កងប៉ាករស់ ២,៥តោនទៅកាន់ប្រទេសចិន។ នេះបើតាមប្រភព ក្រសួងកសិកម្ម រុក្ខាប្រមាញ់ និងនេសាទ។
យោងតាមរបាយការណ៍ពីក្រសួងកសិកម្ម រុក្ខាប្រមាញ់ និង នេសាទ ៖ នៅដើមឆ្នាំ២០២៤ ប្រទេសកម្ពុជាបានសម្រេចការនាំចេញផលិតផលជលផលរបស់ខ្លួនចូលទៅកាន់ទីផ្សារប្រទេសចិន បានចំនួន៣៨តោនក្រោយពីប្រទេសទាំងពីរបានចុះកិច្ចព្រមព្រៀងពាណិជ្ជកម្មសេរីជាមួយគ្នាកាលពីឆ្នាំ២០២០៕
Account
Security
Favourite Content