សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ក្រោយមានការស៊ើបអង្កេតស៊ីជម្រៅទៅលើអតីតមន្ត្រីកំពូលរបស់អង្គការណាតូម្នាក់ពាក់ព័ន្ធទៅនឹងករណីសូកប៉ាន់លុយដ៏ច្រើនដើម្បីធានាឲ្យបាននូវកុងត្រាទិញលក់សព្វាវុធមួយចំនួនធំជាមួយក្រុមហ៊ុនដែលជាអ្នកផលិតអាវុធរបស់អ៊ីស្រាអ៊ែលរួចមក រហូតមកដល់ពេលនេះ នៅមិនទាន់ចាប់ខ្លួនបុគ្គលដ៏សំខាន់នេះបាននៅឡើយ។
យោងតាមការចេញផ្សាយដោយសារព័ត៌មានមួយចំនួននៅអឺរ៉ុបបានអះអាងថា មកដល់ពេលនេះ កុងត្រាទិញលក់អាវុធមួយចំនួនធំរវាងអង្គការណាតូ និងក្រុមហ៊ុនផលិតអាវុធរបស់ប្រទេសអ៊ីស្រាអែល ត្រូវបានលុបចោល ដោយសារករណីអំពើពុករលួយដ៏ធំ។ ករណីដែលត្រូវបានចោទប្រកាន់ និងប្រកាសដាក់ទោសនេះកំពុងធ្វើឲ្យមានការភ្ញាក់ផ្អើលនៅទូទាំងអឺរ៉ុប ព្រមទាំងមានការចាប់ខ្លួនមនុស្សមួយចំនួនរួចមកហើយដែរ។
រឿងក្តីក្តាំដែលបានផ្ទុះចេញពីបណ្តាញនៃក្រុមប្រតិបត្តិករឯកជនមួយដែលជាអ្នកទទួលរ៉ាប់រងក្នុងការចរចាកុងត្រាទិញលក់អាវុធរបស់ប្លុកណាតូ គេឃើញមានជាប់ពាក់ព័ន្ធនឹងអតីតមន្ត្រីកំពូលរបស់អង្គការណាតូទទួលបន្ទុកកិច្ចការងារគាំទ្រ និងបញ្ជាទិញ ( NATO Support and Procurement Agency (NSPA) )ដ៏មានឥទ្ធិពលម្នាក់ដែលត្រូវបានគេតែងតាំងឲ្យកាន់ការងារថ្មីជាអ្នកប្រឹក្សាយោបល់ឲ្យឧស្សាហកម្មអ្នកផលិតនៅក្នុងវិស័យការពារជាតិ។
ជាមួយនឹងមុខងារនេះ បុរសរូបនេះអាចមានសមត្ថភាព និងលទ្ធភាពគ្រប់គ្រាន់ក្នុងការរៀបចំកុងត្រាទិញលក់ស្របទៅតាមបរិបទ និងស្ថានភាពនៃភូមិសាស្ត្រនយោបាយថ្មី ពោល គឺចំពេលដែលតំបន់អឺរ៉ុបទាំងមូលកំពុងនាំគ្នាសម្រុកបញ្ចេញខ្ទង់ថវិកាសម្រាប់វិស័យការពារជាតិដ៏ច្រើនសន្ធឹកសន្ធាប់។
ណាតូ បានសម្រេចចិត្តបញ្ជាឲ្យ NSPA បញ្ចប់កុងត្រាទាំងឡាយដែលបានចុះហត្ថលេខាជាមួយនឹងក្រុមហ៊ុនយក្សរបស់អ៊ីស្រាអែលដែលមានឈ្មោះថា Elbit Systems ។ ក្រុមហ៊ុននេះបានប្រើប្រាស់អតីតបុគ្គលិករបស់ NSPA រូបនេះដើម្បីរៀបចំសំណូកជាមួយនឹងបណ្តាក្រុមអ្នកធ្លាប់ធ្វើការជាមួយគ្នានៅអង្គការណាតូដើម្បីអាចសម្រេចឲ្យបាននូវកុងត្រាទិញលក់ទាំងនោះ។
ក្នុងចំណោមបុគ្គលដែលពាក់ព័ន្ធសំខាន់ៗទាំងនោះ គេបានដឹងថាមានបុរសអាយុ៦០ឆ្នាំ ជនជាតិអ៊ីតាលី មានឈ្មោះថា Eliau Eluasvili បច្ចុប្បន្នកំពុងបន្តរត់គេចខ្លួននៅឡើយ ពោល គឺនៅក្រោយពេលដែលតុលាការនៃប្រទេសប៊ែលហ្ស៊ិកបានចេញដិកាឃាត់ខ្លួនមកម្ល៉េះ៕
Account
Security
Favourite Content