សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពី CNA បានរាយការណ៍ថា ប្រធានាធិបតីចិន លោក Xi Jinping បានព្រមានថា សង្រ្គាមពាណិជ្ជកម្មជាមួយសហរដ្ឋអាម៉េរិកនឹងគ្មានអ្នកឈ្នះនោះទេ។
ក្នុងអំឡុងពេលអាណត្តិដំបូងនៃតំណែងជាប្រធានាធិបតីអាម៉េរិក លោក Donald Trump បានធ្វើឲ្យសង្គ្រាមពាណិជ្ជកម្មជាមួយចិនកាន់តែក្តៅគគុក ដោយចោទប្រកាន់ពីការលួចកម្មសិទ្ធិបញ្ញា និងការអនុវត្តសកម្មភាពអយុត្តិធម៌ផ្សេងទៀត។ ក្រោយពីឈ្នះឆ្នោតម្តងទៀត ថ្មីៗនេះ Trump មានបំណងដំឡើងពន្ធកាន់តែខ្ពស់លើប្រទេសចិនបន្ទាប់ពីចូលកាន់តំណែងនៅខែក្រោយនេះ ខណៈពេលដែលទីក្រុងប៉េកាំងកំពុងប្រឈមនឹងការរង្គោះរង្គើសេដ្ឋកិច្ចក្រោយការរាតត្បាត។
កាលពីថ្ងៃអង្គារ ប្រធានាធិបតីចិន Xi Jinping បានចូលរួមកិច្ចប្រជុំជាមួយប្រធានស្ថាប័នហិរញ្ញវត្ថុពិភពលោកមួយចំនួនរួមមានធនាគារពិភពលោក (World Bank) និងមូលនិធិរូបិយវត្ថុអន្តរជាតិ (IMF) មួយថ្ងៃបន្ទាប់ពីចិនប្រកាសពីការស៊ើបអង្កេតលើក្រុមហ៊ុនផលិតបន្ទះឈីបអាម៉េរិក Nvidia ។ ក្នុងអំឡុងពេលកិច្ចប្រជុំ ប្រធានាធិបតីចិន Xi Jinping បានលើកឡើងពីទំនាក់ទំនងចិន-អាម៉េរិកថា សង្រ្គាមពន្ធគយ, សង្គ្រាមពាណិជ្ជកម្ម, និងសង្រ្គាមបច្ចេកវិទ្យា គឺជាការប្រឆាំងនឹងគោលការណ៍សេដ្ឋកិច្ច និងនិន្នាការប្រវត្តិសាស្ត្។ ជាលទ្ធផល គ្មានអ្នកឈ្នះដែលទទួលបានជ័យជំនះនោះទេ។ ប្រធានាធិបតីបានបន្ថែមថា ចិនមានឆន្ទៈរក្សាការសន្ទនាជាមួយរដ្ឋាភិបាលសហរដ្ឋអាម៉េរិក ពង្រីកកិច្ចសហប្រតិបត្តិការ គ្រប់គ្រងភាពខុសគ្នា និងជំរុញការអភិវឌ្ឍទំនាក់ទំនងចិន-អាម៉េរិកក្នុងទិសដៅមានស្ថិរភាព សុខភាពល្អ និងនិរន្តរភាព។ ទន្ទឹមនឹងនេះ ទីក្រុងប៉េកាំងកំពុងកំណត់គោលដៅកំណើនប្រចាំឆ្នាំនេះប្រហែល ៥ ភាគរយ បើទោះបីជាការប្រើប្រាស់ក្នុងស្រុកធ្លាក់ចុះ អត្រាអត់ការងារធ្វើខ្ពស់ និងវិបត្តិវិស័យអចលនទ្រព្យក៏ដោយ។ លោក Xi Jinping លើកឡើងថា ចិនមានទំនុកចិត្តពេញលេញក្នុងការសម្រេចបាននូវគោលដៅកំណើនឆ្នាំ ២០២៤ របស់ខ្លួន។
ទោះបីជាយ៉ាងណាក្តី សង្រ្គាមពាណិជ្ជកម្មរវាងអាម៉េរិក-ចិនកំពុងកើនឡើងកម្ដៅ និងភាពតានតឹង ជាពិសេសជម្លោះបច្ចេកវិទ្យា និងឧស្សាហកម្មឈីបនាពេលថ្មីៗនេះ។ កាលពីសប្តាហ៍មុន រដ្ឋបាល Biden បានប្រកាសពីការទប់ស្កាត់ការនាំចេញជុំទីបី ដោយរឹតបន្តឹងទីក្រុងប៉េកាំងលើការចូលប្រើប្រាស់ឧបករណ៍ផលិត semiconductor និងបន្ទះឈីបអង្គចងចាំកម្រិតខ្ពស់ រួមទាំងរឹតបន្តឹងលើការគ្រប់គ្រងក្រុមហ៊ុនចិនជាង ១០០ ផងដែរ។ លើសពីនេះ Donald Trump មានបំណងដាក់ពន្ធបន្ថែម ១០ ភាគរយលើពន្ធដែលមានស្រាប់លើទំនិញពីប្រទេសចិន ដោយលើកហេតុផលចង់បង្ក្រាបគ្រឿងញៀនចូលទៅក្នុងសហរដ្ឋអាម៉េរិក។ ជាការឆ្លើយតប ចិនបានបើកការស៊ើបអង្កេតលើក្រុមហ៊ុនផលិតបន្ទះឈីបរបស់អាម៉េរិក Nvidia ជុំវិញការចោទប្រកាន់ថា ក្រុមហ៊ុននេះបានរំលោភលើច្បាប់ប្រឆាំងការផ្តាច់មុខ ឬ Anti-monopoly Law ។ ដ្ឋាភិបាលចិនជឿជាក់ថា ការទិញរបស់ Nvidia ពីក្រុមហ៊ុនបណ្តាញអ៊ីស្រាអ៊ែល Mellanox គឺជាសកម្មភាពបំពានច្បាប់ប្រឆាំងលើការផ្តាច់មុខរបស់ចិន៕
Account
Security
Favourite Content