សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ ម៉ាឡេស៊ីនឹងក្លាយជាប្រទេសមានកំណើនសេដ្ឋកិច្ចលឿនបំផុតទីពីរនៅអាស៊ីអាគ្នេយ៍បន្ទាប់ពីវៀតណាម ដោយសារវិស័យការទូត ភាពធន់នៃសេដ្ឋកិច្ចក្នុងស្រុក និង ការងើបឡើងវិញនៃវិស័យទេសចរណ៍។ នេះបើយោងតាមការរាយការណ៍ពី CNA។
ការស្រាវជ្រាវចុងក្រោយបំផុតរបស់ស្ថាប័ន HSBC Global Investment Research បានបង្កើនការព្យាកររបស់ខ្លួនសម្រាប់កំណើនសេដ្ឋកិច្ចម៉ាឡេស៊ីពី ៤,២% ទៅ ៥% ក្នុងឆ្នាំ ២០២៥។ HSBC បានគូសបញ្ជាក់ពីកិច្ចខិតខំប្រឹងប្រែងយ៉ាងសកម្មរបស់ម៉ាឡេស៊ីក្នុងវិស័យការទូត ជាពិសេសក្នុងអំឡុងកិច្ចប្រជុំកំពូលសមាគមប្រជាជាតិអាស៊ីអាគ្នេយ៍ (អាស៊ាន) ដែលធ្វើឡើងនៅទីក្រុងគូឡាឡាំពួកាលពីខែតុលា ដោយសារអព្យាក្រឹតភាពរបស់ប្រទេសនេះបានជួយនាំដៃគូពាណិជ្ជកម្មសំខាន់ៗមកចរចារលើតុតែមួយ។ មិនត្រឹមតែប៉ុណ្ណោះ ការបង្កើនការព្យាករណ៍លើកំណើនសេដ្ឋកិច្ចដល់ទៅ ៥% ដោយសារហេតុផលផ្សេងទៀតរួមមាន លទ្ធផលមានភាពល្អប្រសើរជាងការរំពឹងទុក និង ការថយចុះនៃភាពមិនប្រាកដប្រជានៃពាណិជ្ជកម្ម។ នេះមានន័យថា ម៉ាឡេស៊ីទំនងជាក្លាយជាប្រទេសដែលមានសេដ្ឋកិច្ចរីកចម្រើនលឿនបំផុតទីពីររបស់អាស៊ាន បន្ទាប់ពីវៀតណាមដែលមានអត្រា ៧,៩%។
HSBC ក៏បានគូសបញ្ជាក់ផងដែរថា កិច្ចព្រមព្រៀងពាណិជ្ជកម្មជាមួយសហរដ្ឋអាម៉េរិកអាចគាំទ្របន្ថែមទៀតដល់កំណើនសេដ្ឋកិច្ចរបស់ម៉ាឡេស៊ី ដោយសារវាបន្ធូរបន្ថយភាពមិនច្បាស់លាស់ខាងពាណិជ្ជកម្ម។ លើសពីនេះ វិស័យទេសចរណ៍របស់ម៉ាឡេស៊ីបានស្ទុះងើបឡើងវិញទាំងស្រុងដូចទៅនឹងកម្រិតឆ្នាំ ២០១៩ ជាពិសេសត្រូវបានជំរុញដោយកំណើនភ្ញៀវទេសចរចិន ដែលគាំទ្រដោយគម្រោងគ្មានទិដ្ឋាការជាមួយចិន និងការបង្កើនការតភ្ជាប់នៃជើងហោះហើរ។ លើសពីនេះ ម៉ាឡេស៊ីបានបង្កើតយុទ្ធនាការ ‘Visit Malaysia 2026’ នៅឆ្នាំក្រោយសម្រាប់ជំរុញដល់វិស័យទេសចរណ៍បន្ថែមទៀត។
ធនាគារផ្សេងទៀតក៏បានបង្កើនទស្សនវិស័យរបស់ពួកគេសម្រាប់ម៉ាឡេស៊ីដែរ។ ធនាគារ Maybank, Investment Bank Bhd និង ធនាគារ Standard Chartered បង្កើនការព្យាកររបស់ពួកគេសម្រាប់ផលិតផលក្នុងស្រុកសរុប (GDP) របស់ម៉ាឡេស៊ីពី ៤,២% ទៅ ៤,៧% ក្នុងឆ្នាំ ២០២៥។ ធនាគារ មេ Maybank លើកឡើងថា តម្រូវការក្នុងស្រុកដែលមានភាពធន់ ទោះបីជាតម្រូវការខាងក្រៅរងសម្ពាធក៏ដោយ។ នៅក្នុងត្រីមាសទីបីចាប់ពីខែកក្កដាដល់ខែកញ្ញា កំណើសេដ្ឋកិច្ចម៉ាឡេស៊ីបានកើនឡើង ៥,២% ដែលជាល្បឿនដ៏លឿនបំផុតរបស់ខ្លួន។ នៅឆ្នាំនេះ លុយរីងហ្គីតម៉ាឡេស៊ីក៏បានឡើងថ្លៃផងដែរដោយឈានដល់កម្រិតខ្ពស់រយៈពេលបួនឆ្នាំ (១ ដុល្លារអាម៉េរិកស្មើរនឹង ៤,៦ រីងហ្គីត)៕
Account
Security
Favourite Content