ពលរដ្ឋមានចំណែក និងតួនាទីក្នុងការជួយកសាងម៉ាកយីហោទេសចរណ៍របស់ប្រទេសជាតិខ្លួនឯង

សេដ្ឋកិច្ច៖ មិនថាអាជីវកម្ម ឬក្រុមហ៊ុនណានោះទេតែងតែមានចំណុចខ្សោយ និងចំណុចខ្លាំងនៅគ្រប់ពេលគ្រប់កាលៈទេសៈទាំងអស់ ប៉ុន្តែថាតើក្នុងនាមជាបុគ្គលិក និងប្រធានក្រុមហ៊ុនម្នាក់គួរតែជ្រើសយកចំណុចខ្លាំង ឬចំណុចខ្សោយរបស់ខ្លួនមកផ្សព្វផ្សាយទៅកាន់អតិថិជនរបស់ខ្លួន ឬក៏យ៉ាងណា ហើយនេះក៏មិនមានអ្វីដែលខុសគ្នាទៅនឹងប្រទេសជាតិមួយនោះដែរ។

ការជួយផ្សព្វផ្សាយ និងកសាងយីហោ និងកេរ្ត៍ឈ្មោះរបស់ប្រទេសជាតិមួយមិនអាស្រ័យតែទៅលើរដ្ឋាភិបាលទាំងស្រុងនោះដែរ វាចាំបាច់ត្រូវមានការចូលរួមដោយផ្ទាល់ពីសំណាក់ប្រជាពលរដ្ឋគ្រប់រូបទាំងផ្ទាល់ និងដោយប្រយោល។ សំណួរសួរថាប្រសិនបើភាគីម្ខាងខិតខំប្រឹងប្រែងផ្សព្វផ្សាយតែចំណុចខ្លាំងរបស់ខ្លួន ហើយភាគីម្នាក់ទៀតចាំតែពីធ្វើការរិះគន់ហើយនាំគ្នាផ្សព្វផ្សាយតែពីរឿង
អាក្រក់មួយចំនួនទៅខាងក្រៅប្រទេសនោះ តើលទ្ធផលអ្វីដែលយើងគ្រប់គ្នានឹងទទួលបាន។ ដូច្នេះ ការចូលរួមពីប្រជាពលរដ្ឋមានសារៈសំខាន់ណាស់ដើម្បីកសាងយីហោរបស់ប្រទេស ជាពិសេសគឺនៅក្នុងវិស័យទេសចរណ៍។

ការចូលរួមផ្សព្វផ្សាយ និងកសាងយីហោរបស់ប្រទេសខ្លួនឯងនោះគឺជាបញ្ហាដែលមនុស្សភាគច្រើនមិនបានចាប់អារម្មណ៍នោះទេ ហើយវាមានភាពស្រដៀងគ្នាទៅនឹងការកសាងផ្នត់គំនិតរបស់ខ្លួនឯងនិងប្រទេសមួយនោះផងដែរ ដែលជាឧទាហរណ៍ស្រាប់នៅបណ្តាប្រទេសលោកខាងលិច និងប្រទេសអភិវឌ្ឍប្រជាពលរដ្ឋរបស់គេមានទំនួលខុសត្រូវខ្លាំងណាស់ចំពោះសង្គមរបស់ពួកគេដោយធ្វើយ៉ាងណាកសាងកេរ្ត៍ឈ្មោះរបស់ប្រទេសឲ្យបានល្បីល្បាញ និងជាប្រទេសដែលមានភាពទាក់ទាញបំផុតប្រកបដោយភាពប្រកួតប្រជែង។

កន្លងមកស៊ុយអែតជាគំរួមួយគួរឲ្យរៀនសូត្រចំពោះយុទ្ធសាស្ត្រដែលមានការចូលរួមពាក់ព័ន្ធពីសំណាក់ពលរដ្ឋ។ពលរដ្ឋស៊ុយអែតបានយល់ច្បាស់អំពីតួនាទីរបស់ខ្លួនក្នុងកសាងយីហោរបស់ប្រទេសពួកគេ។ កាលពីប៉ុន្មានឆ្នាំមុន ស៊ុយអែត បានបង្កើតគម្រោងកម្មវិធីមួយដែលមានឈ្មោះថា The Sweden Number ។ កម្មវិធីនេះជាកន្លែងប្រមូលផ្តុំលេខទូរស័ព្ទរបស់ពលរដ្ឋស៊ុយអែតគ្រប់រូបទាំងពលរដ្ឋដែលរស់នៅតាមប្រទេសនានាជុំវិញពិភពលោកផងដែរ។ កម្មវិធីនេះអនុញ្ញាតឲ្យមនុស្សមកពីជុំវិញពិភពលោកអាចទាក់ទងទៅកាន់ពលរដ្ឋស៊ុយអែតណាម្នាក់ក៏បានដើម្បីសួរនាំពីឳកាសវិនិយោគឳកាសធ្វើទេសចរកំសាន្តជាដើម និងគ្រប់សំណួរដែលពាក់ព័ន្ធពីមជ្ឈដ្ឋាន និងសង្គមរបស់ស៊ុយអែត។

គួរឲ្យដឹងដែរថា បច្ចុប្បន្នមានអ្នកប្រើប្រាស់ប្រព័ន្ធផ្សព្វផ្សាយសង្គមចំនួន ៤,៩ ពាន់លាននាក់នៅទូទាំងពិភពលោក ដែលមានន័យថា ៦០,៤៩ភាគរយនៃចំនួនប្រជាជនពិភពលោកប្រើប្រាស់ប្រព័ន្ធផ្សព្វផ្សាយសង្គម។ អ្នកប្រើប្រាស់ប្រព័ន្ធផ្សព្វផ្សាយសង្គមទូទាំងពិភពលោកត្រូវបានគេព្យាករណ៍ថានឹងកើនឡើងដល់ ៥,៨៥ ពាន់លាននាក់នៅឆ្នាំ២០២៧ ហើយ Facebook គឺជាវេទិកាប្រព័ន្ធផ្សព្វផ្សាយសង្គមដ៏ធំបំផុតដែលមានអ្នកប្រើប្រាស់ ៣,០៣ ពាន់លាននាក់នេះបើយោងតាមទិន្នន័យចុងក្រោយដោយ Demand Sage។

តាមការស្រាវជ្រាវដោយដោយ IUPUI ScholarWorks នៃសកលវិទ្យាល័យ Indiana University រកឃើញថា នៅលើបណ្តាញសង្គមការផ្សព្វផ្សាយអំពីដំណឹងអាក្រក់ ឬ Bad news អាចត្រូវបានចែករំលែកលឿនជាងដំណឹងល្អៗ Good News ខណៈដែលការផ្សព្វផ្សាយក្នុងបណ្តាញសង្គមគ្មានដែនកំណត់ផងនោះចុះបើយើងនាំគ្នាចែករំលែកព័ត៌មានអាក្រក់ឬចំណុចអាក្រក់របស់ប្រទេសអ្នកនៅលើបណ្តាញសង្គមនោះតើមានមនុស្សប៉ុន្មានរយលាននាក់ដែលអាចទទួលយកព័ត៌មាននេះហើយពួកគេនឹងអាចធ្វើការវាយតម្លៃងាយៗនិងមិនល្អមកលើប្រទេសរបស់អ្នកបាន៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ប្រាក់ចំណូលរបស់អ្នកបម្រើការងារតាមផ្ទះរួមចំណែកផ្នែកសេដ្ឋកិច្ចយ៉ាងសំខាន់ និងជួយកាត់បន្ថយភាពក្រីក្រ

ព្រឹត្តិការណ៍, សេដ្ឋកិច្ច

• 17/06/2024

ប្រាក់ចំណូលរបស់កម្មករការងារតាមផ្ទះ រួមចំណែកមួយផ្នែកធំដល់សេដ្ឋកិច្ចយ៉ាងសំខាន់ និង បានរួមចំណែកកាត់បន្ថយភាពក្រីក្រនៅកម្ពុជា

ផលិតផលថ្មីរបស់គ្រឿងហ្លួង កាន់តែជួយគាំទ្រ និងផ្សព្វផ្សាយមុខម្ហូបខ្មែរ

ជំនួញ, ព្រឹត្តិការណ៍

• 17/06/2024

គ្រឿងហ្លួង សាបារា ត្រូវបានគេស្គាល់យ៉ាងទូលាយថាជាផលិតផលក្នុងស្រុកដែលត្រូវបានបង្កើតឡើងដោយក្រុមហ៊ុន Sabara Best Food សម្រាប់ជាគ្រឿងផ្សំរសជាតិទៅលើមុខម្ហូបបែបខ្មែរ

សម្ដេច​ធិបតី​ ជំរុញឱ្យ​​គិតគូរ ​និងអនុវត្តន៍ឱ្យបានតឹងរ៉ឹង​លើ​គម្រោង​ប្លង់មេក្នុង​តំបន់​ក្រុង​រណប ​និង​បុរី

ព្រឹត្តិការណ៍, អចលនទ្រព្យ

• 17/06/2024

សម្ដេច​ធិបតី​ ហ៊ុន ម៉ាណែត បានជំរុញឱ្យ​រៀបចំ​ និងអនុវត្ត​ឱ្យ​បានតឹងរ៉ឹង​​ចំពោះ​គម្រោង​ប្លង់​មេ​នៅក្នុងតំបន់​ក្រុង​រណប និង​តាមបុរីនានា​

ផែនការមេដឹកនាំរុស្ស៊ីបំពេញទស្សនកិច្ចនៅវៀតណាមបង្កប្រតិកម្មពីប្រទេសជាដៃគូពាណិជ្ជកម្មធំៗ

ព្រឹត្តិការណ៍, សេដ្ឋកិច្ច

• 17/06/2024

វៀតណាមបានធ្វើពហិកាមិនចូលរួមកិច្ចប្រជុំនៅស្វីស ប៉ុន្តែបញ្ជូនអនុរដ្ឋមន្ត្រីការបរទេសទៅចូលរួម BRICS នៅក្នុងប្រទេសរុស្ស៊ីទៅវិញកាលពីសប្តាហ៍មុននេះ

ទុនពីវិស័យមីក្រូហិរញ្ញវត្ថុជួយបង្កើនចំណូលដល់ប្រជាពលរដ្ឋ ជាពិសេសកសិករ

ព្រឹត្តិការណ៍, ហិរញ្ញវត្ថុ

• 17/06/2024

វិស័យមីក្រូហិរញ្ញវត្ថុបានបង្កើតផលិតផលឥណទានកសិកម្ម និងសេវាកម្មហិរញ្ញវត្ថុសម្បូរបែប ដើម្បីឆ្លើយតបនឹងតម្រូវការរបស់ប្រជាកសិករ និងសហគមន៍កសិកម្មនៅតាមមូលដ្ឋាន

រដ្ឋមន្ត្រីកសិកម្ម ៖ ការចិញ្ចឹមត្រីតាមបច្ចេកទេសត្រឹមត្រូវធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ព្រឹត្តិការណ៍, សេដ្ឋកិច្ច

• 17/06/2024

រដ្ឋមន្ត្រីក្រសួងកសិកម្មបានលើកឡើងថា ការចិញ្ចឹមត្រីអនុវត្តតាមបច្ចេកទេសត្រឹមត្រូវ អាចធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ក្រុមហ៊ុនលំដាប់ពិភពលោក BOSCH នឹងមកសិក្សាពីលទ្ធភាពបើករោងចក្ររបស់ខ្លួននៅកម្ពុជា

ព្រឹត្តិការណ៍, សេដ្ឋកិច្ច

• 17/06/2024

ក្រុមហ៊ុន BOSCH លំដាប់ពិភពលោកដែលមានបុគ្គលិកជិត ៤៣ ម៉ឺននាក់ នឹងមកសិក្សាពីលទ្ធភាពបើករោងចក្ររបស់ខ្លួននៅព្រះរាជាណាចក្រកម្ពុជា ។

សហភាពអឹរ់ុបមានផែនការដាក់ពន្ធបន្ថែមជិត ៤០ ភាគរយលើរថយន្តអគ្គិសនីនាំចូលពីចិន

ព្រឹត្តិការណ៍, អាជីវកម្មថ្មី និងនវានុវត្ត

• 17/06/2024

សហភាពអឺរ៉ុបមានផែនការដាក់ពន្ធបន្ថែមលើរថយន្តអគ្គិសនីដែលនាំចូលពីចិនចន្លោះពី ១៧,៤ ភាគរយទៅ ៣៨,‌១ ភាគរយ ខណៈដែលអត្រាពន្ធបច្ចុប្បន្នមាន ១០ ភាគរយ

ធនាគារ វីង បើកសម្ពោធសាខាថ្មីក្នុងក្រុងកំពង់ឆ្នាំង

ព្រឹត្តិការណ៍, អត្ថបទពាណិជ្ជកម្ម

• 14/06/2024

សេវាធនាគារដ៏សម្បូរបែបរបស់ធនាគារ វីង ឥឡូវនេះបានពង្រីកទៅដល់ក្រុងកំពង់ឆ្នាំងហើយ ដើម្បីជួយសម្រួលប្រជាជនក្នុងខេត្តនេះជាមួយនឹងតម្រូវការសេវាហិរញ្ញវត្ថុប្រចាំថ្ងៃកាន់តែប្រសើរ

៤០ឆ្នាំក្នុងនាមជារោងចក្រពិភពលោក តែមិនប្រាកដថាអាចបន្តភាពជោគជ័យក្នុងទីផ្សាររថយន្តអគ្គិសនីនោះឡើយ

ព្រឹត្តិការណ៍, សេដ្ឋកិច្ច

• 14/06/2024

រថយន្តអគ្គិសនីរបស់ចិន មិនប្រាកដថាអាថវាយឡុកទីផ្សារពិភពលោកបានជោគជ័យដូចជាទីផ្សារផលិតផល និងទំនិញរបស់ខ្លួនដែលធ្លាប់ធ្វើបានជាង៤០ឆ្នាំនោះឡើយ