សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពី CNN បានរាយការណ៍ថា លោកប្រធានាធិបតី Donald Trump បានចុះហត្ថលេខាលើបទបញ្ជាប្រតិបត្តិមួយក្នុងគោលបំណងបញ្ឈប់ការដំឡើងថ្លៃសំបុត្រខនសឺត ឬ ការកម្សាន្ត។
ទន្ទឹមនឹងនេះ បទបញ្ជានេះដឹកនាំដោយគណៈកម្មការពាណិជ្ជកម្មសហព័ន្ធ (FTC) សហការជាមួយអគ្គមេធាវី Pam Bondi ដើម្បីធានាថាច្បាប់នេះត្រូវបានអនុវត្តនៅក្នុងឧស្សាហកម្មតន្ត្រី និងការកម្សាន្ត ក្នុងគោលបំណងរក្សាតម្លាភាពតម្លៃនៅគ្រប់ដំណាក់កាលនៃការទិញសំបុត្រ។ ក្នុងអំឡុងពេលចុះហត្ថលេខាលើបទបញ្ជាប្រតិបត្តិ Trump បានលើកឡើងថា លោកបាននិយាយគ្នាជាមួយនឹងតន្តី្រករ Kid Rock អំពីបញ្ហានេះជាច្រើនឆ្នាំមក ហើយបញ្ហានេះពិតជារំខានដល់គាត់ និងសិល្បករដទៃទៀត។ ជាក់ស្តែង អ្នកទិញសំបុត្របានក្នុងតម្លៃ ១០០ ដុល្លារ ហើយពួកគេយកវាទៅលក់បន្តក្នុងតម្លៃ ២ ០០០ ដុល្លារ។ Trump ទទួលស្គាល់ថា គាត់មិនដឹងច្រើនអំពីការដំឡើងថ្លៃសំបុត្រនោះទេ ប៉ុន្តែខ្ញុំវាគឺជាបញ្ហាធំ។
Kid Rock ដែលមានវត្តមានក្នុងអំឡុងពេលចុះហត្ថលេខាលើកឡើងថា គាត់ចង់ឱ្យអ្នកគាំទ្រទិញតម្លៃសំបុត្រសមរម្យ ដើម្បីអោយពួកគេអាចទស្សនាកម្មវិធីផ្សេងៗជាច្រើនទៀត ។ Kid Rock បន្ថែមថា គាត់ចង់ឱ្យតម្លៃសំបុត្ររបស់ខនសឺតរបស់គាត់ទាបជាងនេះ ប៉ុន្តែប្រសិនបើគាត់កំណត់តម្លៃសំបុត្រនោះ អ្នកទិញដែលប្រើ BOTS នឹងប្រមូលសំបុត្រទាំងនោះបានភ្លាមៗ ហើយពួកគេនឹងលក់បន្តក្នុងតម្លៃបន្ថែមរាប់រយដុល្លារទៀត ដែលធ្វើឲ្យពួកគេអាចក្លាយជាអ្នកមាន។
ការបញ្ជារបស់ Trump អំពាវនាវឱ្យមានការពង្រឹងការអនុវត្តច្បាប់លក់សំបុត្រតាមអ៊ីនធឺណិតឲ្យកាន់តែងាយស្រួល (BOTS) ដែលជាច្បាប់បង្កើតឡើងនៅឆ្នាំ ២០១៦ ដែលអនុញ្ញាតឱ្យគណៈកម្មការពាណិជ្ជកម្មសហព័ន្ធ (FTC) ចាត់វិធានការប្រឆាំងនឹងបុគ្គល និងក្រុមហ៊ុនដែលប្រើ bots ដើម្បីទិញសំបុត្រប្រគុំតន្ត្រីក្នុងចំនួនច្រើន និងលក់បន្តក្នុងតម្លៃថ្លៃ។ ជាក់ស្តែង ក្នុងអំឡុងពេលការធ្វើខនសឺតជុំវិញពិភពលោក Eras Tour របស់ Taylor Swift ក្នុងឆ្នាំ ២០២២ តម្លៃសំបុត្រត្រូវបានលក់បន្តដល់ទៅរាប់ម៉ឺនដុល្លារ។ តម្លៃសំបុត្រថ្លៃខ្ពស់កប់ពពកបានបង្កឱ្យមានប្រតិកម្មយ៉ាងខ្លាំងក្លាពីសមាជិកសភាប្រឆាំងទៅនឹង Ticketmaster ដែលជាគេហទំព័រលក់សំបុត្រ និងផ្សព្វផ្សាយការប្រគុំតន្ត្រីដ៏ធំបំផុតមួយ ពាក់ព័ន្ធនឹងការប្រើល្បិចទិញសំបុត្រផ្តាច់មុខ។
កាលពីឆ្នាំមុន នាយកដ្ឋានយុត្តិធម៌ រួមជាមួយនឹងអគ្គមេធាវីរដ្ឋចំនួន ៣០ នាក់ បានដាក់ពាក្យប្តឹងប្រឆាំងនឹងក្រុមហ៊ុនមេរបស់ Ticketmaster គឺ Live Nation ដោយចោទប្រកាន់ថា ក្រុមហ៊ុននេះបានប្រើអំណាចរំលោភបំពានក្នុងឧស្សាហកម្ម ដែលធ្វើឲ្យប៉ះពាល់ដល់អ្នកគាំទ្រ។ យ៉ាងណាមិញ Live Nation បង្ហាញពីអារម្មណ៍ថា ខ្លួនគាំទ្រកិច្ចខិតខំប្រឹងប្រែងដើម្បីកែទម្រង់ឡើងវិញក្នុងការលក់សំបុត្រ និង ទទួលស្គាល់ថា bots ពិតជារារាំងអ្នកគាំទ្រមិនអាចទិញសំបុត្របានក្នុងតម្លៃដើមដែលសិល្បករបានកំណត់។
គួរឲ្យបញ្ជាក់ដែរថា ការប្រគុំតន្ត្រី និងកម្មវិធីកម្សាន្តមើលផ្ទាល់របស់អាម៉េរិកមានឥទ្ធិពលសេដ្ឋកិច្ចទូទាំងប្រទេសមានចំនួន ១៣២,៦ ពាន់លានដុល្លារ និងគាំទ្រការងារ ៩១៣ ០០០ កន្លែង នេះបើយោងតាមទិន្នន័យឆ្នាំ ២០១៩ ពី Oxford Economics ៕
Account
Security
Favourite Content