សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពីរ៉យទ័រ បានរាយការណ៍ថា សេដ្ឋកិច្ចតំបន់ចាយប្រាក់អឺរ៉ូនឹងកើនឡើងយឺតជាងការរំពឹងទុកនៅឆ្នាំនេះ បន្ទាប់ពីការកើនឡើងតម្លៃទំនិញបានកាតបន្ថយអំណាចបញ្ជាទិញ និងអត្រាការប្រាក់ខ្ពស់របស់ធនាគារកណ្តាលអឺរ៉ុប ECB មានភាពតឹងតែងដល់កម្ចី ប៉ុន្តែអតិផរណានៅឆ្នាំនេះក៏នឹងយឺតជាងការរំពឹងទុកផងដែរ។
គណៈកម្មការសហភាពអឺរ៉ុបបានព្យាករណ៍ថា ផលិតផលក្នុងស្រុកសរុបនៅក្នុងប្រទេសចំនួន ២០ ដែលប្រើប្រាស់រូបិយប័ណ្ណអឺរ៉ូនឹងកើនឡើងត្រឹមតែ ០,៨ ភាគរយប៉ុណ្ណោះក្នុងឆ្នាំ ២០២៤ ដែលកើនឡើងពី ០,៥ ភាគរយនៅឆ្នាំ២០២៣ ប៉ុន្តែវាទាបជាងការរំពឹងទុកពីខែវិច្ឆិកា ១,២ ភាគរយ។ នៅឆ្នាំ២០២៥ កំណើនសេដ្ឋកិច្ចគួរតែបង្កើនល្បឿនដល់ ១,៥ ភាគរយ ដែលកាត់បន្ថយពីការព្យាករណ៍លើកមុន ១,៦ ភាគរយ។
ប្រទេសអាល្លឺម៉ង់ ដែលជាប្រទេសមានសេដ្ឋកិច្ចធំបំផុតរបស់សហភាពអឺរ៉ុបនឹងមានឥទ្ធិពលដ៏ធំបំផុតលើកំណើនតំបន់ចាយប្រាក់អឺរ៉ូនៅឆ្នាំនេះ ជាមួយនឹងកំណើនត្រឹមតែ ០,៣ ភាគរយប៉ុណ្ណោះនៅក្នុងឆ្នាំ២០២៤ ដែលទាបជាងការព្យាករណ៍នៅខែវិច្ឆិកា ០,៨ ភាគរយ។ បន្ថែមពីនេះ បារាំងដែលជាសេដ្ឋកិច្ចធំបំផុតទី២ នៅក្នុងតំបន់ ក៏នឹងមានកំណើនយឺតនៅឆ្នាំ២០២៤ ក្នុងរង្វង់ប្រមាណ ០,៩ ភាគរយ ទាបជាងការព្យាករណ៍នៅខែវិច្ឆិកា ១,២ ភាគរយ ហើយអ៊ីតាលី ដែលជាប្រទេសធំជាងគេទី៣ នឹងមានកំណើនត្រឹមតែ ០,៦ ភាគរយទាបជាងការព្យាករណ៍ ០,៩ ភាគរយ។
មិនត្រឹមតែប៉ុណ្ណោះ ដោយសារសកម្មភាពសេដ្ឋកិច្ចតូចជាងមុននឹងជំរុញឲ្យកំណើននៃតម្លៃទំនិញប្រើប្រាស់ទំនងជានឹងថយចុះជាងការព្យាករណ៍ពី ៣,២ ភាគរយមកត្រឹម ២,៧ ភាគរយ។ លើសពីនេះ គណៈកម្មការសហភាពអឺរ៉ុបបាននិយាយថា អតិផរណានឹងថយចុះបន្ថែមទៀតដល់ ២,២ ភាគរយនៅឆ្នាំ២០២៥ ដែលនៅជិតគោលដៅរបស់ធនាគារកណ្តាលអឺរ៉ុប ២ ភាគរយក្នុងរយៈពេលមធ្យម។ យ៉ាងណាមិញ គេកត់សម្គាល់ថា ខណៈពេលដែលអតិផរណានឹងបន្តធ្លាក់ចុះ ការធ្លាក់ចុះនៃសេដ្ឋកិច្ចនឹងយឺតជាងមុន ដោយសារតែរដ្ឋាភិបាលសហភាពអឺរ៉ុបបានបញ្ឈប់ការឧបត្ថម្ភធនដល់តម្លៃថាមពល ពីព្រោះតម្លៃដឹកជញ្ជូនបានឡើងថ្លៃបង្កដោយការរំខានពាណិជ្ជកម្មនៅក្នុងសមុទ្រក្រហម។ លើសពីនេះ ភាពមិនប្រាកដប្រជាមានកម្រិតខ្ពស់ដោយសារតែភាពតានតឹងភូមិសាស្ត្រនយោបាយ និងហានិភ័យនៃវិបត្តិនៅមជ្ឈិមបូព៌ាកំពុងរីករាលដាលនៅឡើយ៕
Account
Security
Favourite Content