តំបន់អឺរ៉ុប អាចមានកំណើនសេដ្ឋកិច្ចឡើងវិញជាង៥ភាគរយ ខណៈភាពប្រឈមនឹងវិបត្តិថ្មីៗក៏កំពុងមាន

ទិន្នន័យផ្លូវការមួយដែលត្រូវបានបង្ហាញកាលពីថ្ងៃចន្ទម្សិលមិញអាចមើលឃើញថា សេដ្ឋកិច្ចនៅក្នុងតំបន់អឺរ៉ុបកាលពីឆ្នាំ២០២១មានសន្ទុះឡើងវិញក្រោយរងនូវវិបត្តិកូវីដ ប៉ុន្តែសម្រាប់ឆ្នាំ២០២២នេះ បញ្ហាអូមីក្រុង រួមជាមួយបញ្ហាថាមពលបានដាក់សម្ពាធ និងគំរាមដល់កំណើនសេដ្ឋកិច្ចសាជាថ្មី។

កាលពីឆ្នាំ២០២១ តំបន់អឺរ៉ុបអាចធ្វើបានកំណើនសេដ្ឋកិច្ចជាប្រវត្តិសាស្ត្រប្រមាណជា ៥,២ភាគរយធៀបទៅនឹងពេលវេលាដ៏អាក្រក់កាលពីឆ្នាំ២០២០ ដែលសេដ្ឋកិច្ចរបស់ខ្លួនបានដាំក្បាលចុះរហូតទៅដល់ -៦,៤ភាគរយក្នុងពេលដែលកូវីដបានចាប់ផ្តើមវាយលុកទ្រង់ទ្រាយធំជាលើកដំបូង។

កំណើនសេដ្ឋកិច្ចរបស់តំបន់អឺរ៉ុបនេះក៏បានកើនឡើងក្នុងពេលដំណាលគ្នាដែលសេដ្ឋកិច្ចមហាយក្សអាមេរិកបានទទួលកំណើនប្រមាណជា៥,៦ភាគរយ និងមហាយក្សចិនអាចទទួលបានកំណើនរហូតទៅដល់ ៨,១ភាគរយ។ សម្រាប់បណ្តាប្រទេសជាសមាជិករបស់អឺរ៉ុបទាំង២៧បូករួមទាំងប្រទេសដែលមិនចាយលុយអឺរ៉ូផង ដូចជាប៉ូឡូញ, ស៊ុយអែត ជាដើម ក៏អាចមើលឃើញកំណើនប្រមាណជា ៥,៩ភាគរយដែរ។

បញ្ហានៃអូមីក្រុងព្រមទាំងវិបត្តិថាមពលផងបានធ្វើឲ្យសេដ្ឋកិច្ចអឺរ៉ុបកំពុងជួបភាពមិនច្បាស់លាស់ ហើយក្នុងនោះរដ្ឋាភិបាលនៃប្រទេសអាល្លឺម៉ង់កាលពីថ្ងៃពុធសប្តាហ៍មុនបានថែមទាំងធ្វើការព្យាករណ៍ដើម្បីទម្លាក់កំណើនសេដ្ឋកិច្ចរបស់ខ្លួនយ៉ាងខ្លាំងសម្រាប់ឆ្នាំ២០២២នេះដោយសារតែបញ្ហាប្រឈមទាំងនេះ។

ក្រៅពីនោះ វិបត្តិនៅអ៊ុយក្រែនក៏កំពុងធ្វើឲ្យមានភាពស្រពេចស្រពិលផងដែរចំពោះស្ថានភាពធ្វើសេដ្ឋកិច្ចនៅក្នុងប្លុកទាំងមូល ជាពិសេសការផ្គត់ផ្គង់ថាមពលហ្វីស៊ីល និងហ្គាស ដែលរុស្សីដែលជាគូភាគីជម្លោះនោះកំពុងមានឈ្មោះជាអ្នកលក់ធំបំផុតទៅឲ្យសមាជិកជាច្រើនរបស់អឺរ៉ុបបូករួមទាំងអាល្លឺម៉ង់ជាដើម។

បញ្ហាអតិផរណាក៏ស្ថិតនៅក្នុងកត្តាសំខាន់ដែលអាចនាំឲ្យកំណើនសេដ្ឋកិច្ចក្នុងតំបន់អឺរ៉ុបជួបឧបសគ្គធំដែរសម្រាប់ឆ្នាំ២០២២នេះ ជាពិសេសគឺនឹងធ្វើឲ្យប៉ះពាល់យ៉ាងខ្លាំងទៅលើសកម្មភាពទិញពីសំណាក់អតិថិជនជាអ្នកប្រើប្រាស់ចុងក្រោយ ខណៈដែលតម្លៃនៃបណ្តាទំនិញនានាបានកើនឡើងខ្ពស់បំផុតប្រមាណជា៥ភាគរយកាលពីខែធ្នូ ឆ្នាំ២០២១កន្លងមកនេះ ហើយជាការឆ្លើយតប ធនាគារអឺរ៉ុប European Central Bank (ECB) គឺបានកំណត់ការជួបជុំពពិភាក្សាគ្នាដែរនៅថ្ងៃព្រហស្បតិ៍សប្តាហ៍នេះ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ស្ថានីយវិទ្យុ និងទូរទស្សន៍អប្សរា និងក្រុមហ៊ុន អប្សរា មេឌាសឺវីស (AMS) សម្ពោធដាក់ឱ្យប្រើប្រាស់មជ្ឈមណ្ឌលបំពេញការងារប្រមូលផ្តុំទំនើប

ព្រឹត្តិការណ៍, សេដ្ឋកិច្ច

• 29/03/2024

នស្ថានីយវិទ្យុ និងទូរទស្សន៍អប្សរា និងក្រុមហ៊ុន AMS សម្ពោធដាក់ឱ្យប្រើប្រាស់មជ្ឈមណ្ឌលបំពេញការងារប្រមូលផ្តុំទំនើប

ធនាគារជាតិនៃកម្ពុជាចេញសេចក្តីបំភ្លឺអំពីប្រតិបត្តិការទូទាត់ឌីជីថលនៅកម្ពុជា

ព្រឹត្តិការណ៍, ហិរញ្ញវត្ថុ

• 29/03/2024

ប្រតិបត្តិការទូទាត់ឌីជីថលនៅកម្ពុជា បានកើនឡើងយ៉ាងឆាប់រហ័ស ក្នុងរយៈពេលប៉ុន្មានឆ្នាំចុងក្រោយនេះ ស្របពេលដែលការប្រើប្រាស់ទូរស័ព្ទទំនើបមានកំណើនខ្ពស់ និងគំនិតផ្តួចផ្តើមថ្មីៗកាន់តែច្រើនពីធនាគារជាតិនៃកម្ពុជា

Okra គំរូធុរកិច្ចបរិយាបន្ន ដើម្បីដោះស្រាយបញ្ហាថាមពលស្អាតតម្លៃទាប សំដៅសហគមន៍ក្រីក្រនៅកម្ពុជា

ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត

• 29/03/2024

Okra ជាគំរូធុរកិច្ចបរិយាបន្នមួយនៅកម្ពុជាដែលមានដំណើរអាជីវកម្មតាមរយៈការជួយគាំទ្រ និងផ្គត់ផ្គង់ថាមពលស្អាត តម្លៃទាបសំដៅសហគមន៍ក្រីក្រ

ក្រសួងពាណិជ្ជកម្មកម្ពុជា-កូរ៉េ ពិភាក្សាលើការជំរុញ និងបង្កើនទំហំពាណិជ្ជកម្មទ្វេភាគី

ព្រឹត្តិការណ៍, សេដ្ឋកិច្ច

• 29/03/2024

មន្ត្រីជាន់ខ្ពស់កម្ពុជា បានជួបពិភាក្សាការងារជាមួយរដ្ឋមន្ត្រីក្រសួងពាណិជ្ជកម្មនៃសាធារណរដ្ឋកូរ៉េ ដើម្បីពិភាក្សាអំពីវឌ្ឍនភាពនៃទំនាក់ទំនងពាណិជ្ជកម្មរវាងប្រទេសទាំង២

លោកស្រី យូ បូរី ៖ ឌីជីថលពិតជាសំខាន់ក្នុងការជំរុញអាជីវកម្មធុនតូច និងមធ្យម ក៏ដូចជាជំនួញ

ជំនួញ, ព្រឹត្តិការណ៍

• 29/03/2024

បច្ចុប្បន្ននេះ ឌីជីថល បានដើរតួយ៉ាងសំខាន់ក្នុងការបម្រើសេចក្ដីត្រូវការបស់មនុស្ស ដូច្នេះ ចង់ ឬមិនចង់ ប្រជាជនគ្រប់ស្រទាប់ត្រូវតែសម្របខ្លួនឱ្យទាន់បរិបទ

តម្លៃប្រេងឡើងថ្លៃលើសពី ៨៥ ដុល្លារក្នុងមួយបារ៉ែល ខណៈដែលការផ្គត់ផ្គង់នៅតែបន្តមានភាពតឹងតែង

ព្រឹត្តិការណ៍, សេដ្ឋកិច្ច

• 29/03/2024

តម្លៃប្រេងឆៅម៉ាក Brent បានឡើងថ្លៃដល់ ៨៧,៣០ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក West Texas Intermediate (WTI) បានឡើងថ្លៃ ៨២,៦៣ ដុល្លារក្នុងមួយបារ៉ែល

ដំណឹងល្អ ! ស្ពានអាកាស​មរតក​តេជោ​ ដំណាក់កាលទី​១ នឹង​ដាក់ឱ្យ​ប្រើប្រាស់​បណ្តោះអាសន្នចាប់ពីថ្ងៃទី០១ ខែមេសា​តទៅ

ព្រឹត្តិការណ៍, អចលនទ្រព្យ

• 29/03/2024

ដំណឹងល្អ ! ស្ពានអាកាស​មរតក​តេជោ​ ដំណាក់កាលទី​១ នឹង​ដាក់ឱ្យ​ប្រើប្រាស់​បណ្តោះអាសន្នចាប់ពីថ្ងៃទី០១ ខែមេសា​តទៅ

ក្រុមហ៊ុន ហ្វតតេ ឡាយហ្វ៍ និងសាលារៀនជំនាន់ថ្មី វិទ្យាល័យព្រះស៊ីសុវត្ថិ ចុះ MOU ដើម្បីជួយលើកកម្ពស់ការអប់រំ និងចំណេះដឹងហិរញ្ញវត្ថុ

ព្រឹត្តិការណ៍, អត្ថបទពាណិជ្ជកម្ម

• 29/03/2024

ក្រុមហ៊ុន ហ្វតតេ ឡាយហ្វ៍ និងសាលារៀនជំនាន់ថ្មី វិទ្យាល័យព្រះស៊ីសុវត្ថិ ចុះ MOU ដើម្បីជួយលើកកម្ពស់ការអប់រំ និងចំណេះដឹងហិរញ្ញវត្ថុ

អាជីវកម្មបរិយាបន្ន VinaSamex ជួយសម្រួលជីវភាពប្រជាជនក្រីក្រនៅខេត្តភាគខាងជើងនៃប្រទេសវៀតណាម

ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច

• 29/03/2024

អាជីវកម្មបរិយាបន្ន VinaSamex កំពុងជួយជីវភាពប្រជាជនក្រីក្រនៅខេត្តភាគខាងជើងនៃប្រទេសវៀតណាមឱ្យមានលទ្ធភាពធូរធាជាងមុន

My Dream Home ធរុកិច្ចបរិយាបន្នបង្កើតឡើងដើម្បីបំពេញក្តីសុបិនពលរដ្ឋដែលមានជីវភាពខ្វះខាតអាចសាងសង់ផ្ទះផ្ទាល់ខ្លួន

ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច

• 29/03/2024

My Dream Home ជាអ្នកជំនាញផលិតឥដ្ឋបរិស្ថាន ឬ Eco-brick ដែលមានតម្លៃទាប ងាយស្រួលប្រើប្រាស់ និងពុំចាំបាច់មានជំនាញក្នុងការងារជាជាងសំណង់ឡើយ