សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពី CNN បានរាយការណ៍ថា អត្រាអតិផរណារបស់សេដ្ឋកិច្ចអឺរ៉ុបបន្តស្ថិតនៅកម្រិតខ្ពស់នៅឡើយ ខណៈដែលជួបប្រទះនឹងវិបត្តិបម្រែបម្រួលអាកាសធាតុ។
កាលពីខែសីហាកន្លទៅនេះ អត្រាអតិផរណានៅតែខ្ពស់ក្នុងរង្វង់ ៥,៣ ភាគរយ បើទោះបីជាធ្លាក់ចុះពី ៥,៥ ភាគរយនៅខែកក្កដាក៏ដោយ។ លើសពីនេះ តម្លៃអាហារ គ្រឿងស្រវឹង ថ្នាំជក់ និងសេវាកម្ម គឺជាកត្តាជំរុញដ៏ធំបំផុតនៃអតិផរណានៅក្នុងខែសីហា ទោះបីជាតម្លៃទាំងនោះឡើងថ្លៃក្នុងល្បឿនយឺតជាងខែកក្កដាក៏ដោយ។ យ៉ាងណាក៏ដោយ បើប្រៀបធៀបនឹងខែកក្កដា តម្លៃថាមពលបានកើនឡើង ៣,២ ភាគរយ ដែលធ្វើឱ្យអត្រាប្រចាំឆ្នាំធ្លាក់ចុះពី ៦,១ ភាគរយមកត្រឹម ៣,៣ ភាគរយប៉ុណ្ណោះ។
ឥឡូវនេះ ភាពអាប់អួរនៃសេដ្ឋកិច្ចកំពុងរីករាលដាលពាសពេញទ្វីប ខណៈដែលសេដ្ឋកិច្ចពិភពលោកកំពុងចុះខ្សោយ។ លើសពីនេះ តម្លៃថាមពលលក់រាយនៅតែខ្ពស់ជាងកាលពីឆ្នាំមុន ហើយអត្រាប្រាក់ចំណូលមិនទាន់ងើបឡើងវិញទេ។ កាលពីខែសីហាកន្លងទៅនេះ សកម្មភាពនៅក្នុងវិស័យសេវាកម្មធ្លាក់ចុះដល់កម្រិតខ្សោយបំផុតក្នុងរយៈពេលពីរឆ្នាំកន្លះ។ មិនត្រឹមតែប៉ុណ្ណោះ អត្រាការប្រាក់ខ្ពស់ចាប់ផ្តើមប៉ះពាល់ដល់សេដ្ឋកិច្ចអឺរ៉ុប ខណៈដែលជំនួយរដ្ឋសម្រាប់ជួយពលរដ្ឋក៏កំពុងថយចុះផងដែរ។
លោក Marc de Muizon សេដ្ឋវិទូជាន់ខ្ពស់នៅធនាគារ Deutsche Bank បាននិយាយថា ការឡើងថ្លៃនៃតម្លៃថាមពលចំពេលតម្លៃប្រេងឡើងថ្លៃក្នុងរយៈពេលប៉ុន្មានសប្តាហ៍ចុងក្រោយនេះ គឺជាកត្តាជំរុញឲ្យអត្រាអតិផរណានៅកម្រិតខ្ពស់។ ទន្ទឹមនឹងនេះ អត្រាអតិផរណាខ្ពស់ក្នុងរយៈពេលយូរអាចបង្កើនសម្ពាធលើធនាគារកណ្តាលឱ្យដំឡើងអត្រាការប្រាក់បន្ថែមទៀត ទោះបីជាសេដ្ឋកិច្ចអឺរ៉ុបអាចនឹងធ្លាក់ចូលទៅក្នុងវិបត្តិសេដ្ឋកិច្ចក៏ដោយ។ កាលពីខែកក្កដាកន្លងទៅនេះ ធនាគារកណ្តាលអឺរ៉ុប ECB បានដំឡើងអត្រាការប្រាក់សម្រាប់រយៈពេល៩ដងជាប់ៗគ្នា ដោយអត្រាកម្ចីគោលក្នុងតំបន់អឺរ៉ុបឡើងដល់ ៣,៧៥ ភាគរយ។
ស្របពេលនេះដែរ សេដ្ឋវិទូជាច្រើនបានគូសបញ្ជាក់ពីហានិភ័យសេដ្ឋកិច្ចរបស់ប្រទេសអាល្លឺម៉ង់ ដែលជាសេដ្ឋកិច្ចធំបំផុតនៅអឺរ៉ុប នឹងធ្លាក់ចូលទៅក្នុងវិបត្តិសេដ្ឋកិច្ចកាន់តែខ្លាំង ខណៈដែលប្រទេសនេះទទួលរងនូវការធ្លាក់ចុះយ៉ាងខ្លាំងនៃសកម្មភាពអាជីវកម្មអស់រយៈពេលជាង ៣ ឆ្នាំរួចមកហើយ៕
Account
Security
Favourite Content