សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ រដ្ឋមន្ដ្រីក្រសួងរ៉ែ និងថាមពល បានលើកឡើងថា គិតត្រឹមថ្ងៃទី១៧ ខែវិច្ឆិកា ឆ្នាំ២០២៣ កម្ពុជាផលិតបានដុំមាស ចំនួន ១ ០៤០ដុំ ស្មើនឹងជាង ៨ ៩៧៩គីឡូក្រាម និងទទួលបានចំណូលពីសួយសារចំនួនជាង ១៤.៤លានដុល្លារ។ ការលើកឡើងនេះត្រូវបានធ្វើឡើងនៅក្នុងវេទិកាពិភាក្សា ស្ដីពី «គោលនយោបាយរ៉ែ និងថាមពលនៅកម្ពុជា» ដែលរៀបចំដោយក្លិបអ្នកកាសែតកម្ពុជា នៅសណ្ឋាគារសុខាភ្នំពេញ នាព្រឹកថ្ងៃទី២១ ខែវិច្ឆិកា ឆ្នាំ២០២៣ ។
ឯកឧត្តម កែវ រតនៈ រដ្ឋមន្ដ្រីក្រសួងរ៉ែ និងថាមពល បានឱ្យដឹងថា គិតមកដល់ពេលនេះ ក្រសួងបានចេញអាជ្ញាបណ្ណរុករករ៉ែមាសដល់ក្រុមហ៊ុនសរុបចំនួន៩ ខណៈក្រុមហ៊ុនចំនួន៦ កំពុងដំណើរការអាជីវកម្ម និងក្រុមហ៊ុនចំនួន៣ទៀតកំពុងរៀបចំការដ្ឋានអាជីវកម្មទៅតាមផែនការ ដែលឯកភាពជាមួយនឹងក្រសួងរ៉ែ និងថាមពល ហើយអនុលោមទៅតាមច្បាប់ និងបទបញ្ញាត្ដិជាធរមាននានាដោយមិនមានជាបញ្ហាអ្វីនោះទេ។
ឯកឧត្តមបានគូសបញ្ជាក់ថា ៖
«ទោះបីជាអាជីវកម្មរ៉ែមាស ឬធនធានរ៉ែធម្មជាតិរបស់កម្ពុជាទទួលបានផលតិចតួចនៅឡើយ ក៏ប៉ុន្តែវាជាមូលធនសួយសារដ៏សំខាន់ក្រៅពីចំណូល ដែលបានមកពីការវិនិយោគដទៃទៀតដែលបានធ្វើ បើយើងគិតត្រឹមសួយសារអាករដែលទទួលបានពីធនធានរ៉ែទាំងនេះ កាលណាអាជីវកម្មទាំងនេះរីកកាន់តែធំ វានឹងបានរួមចំណែកជំរុញដល់កំណើនសេដ្ឋកិច្ចជាតិរបស់យើងដូចគ្នា»។
ឯកឧត្តម អ៊ឹង ឌីប៉ូឡា អគ្គនាយកនៃអគ្គនាយកដ្ឋានធនធានរ៉ែ នៃក្រសួងរ៉ែ និងថាមពល បានដឹងថា ក្រុមហ៊ុនចំនួន៦ ដែលកំពុងតែចម្រាញ់រ៉ែមាសនៅក្នុងប្រទេសកម្ពុជា រួមមាន៖
ទី១- ក្រុមហ៊ុន Renaissance Minerals (Cambodia) Ltd ស្ថិតក្នុងតំបន់អូរខ្វាវ ស្រុកកែវសីម៉ា ខេត្តមណ្ឌលគិរី
ទី២- ក្រុមហ៊ុន Xinshan ស្ថិតនៅក្នុងតំបន់ភ្នំម្លុង ខេត្ដព្រះវិហារ
ទិ៣- ក្រុមហ៊ុន ឌែលខម (Delcom Cambodia) ស្ថិតនៅក្នុងតំបន់ភ្នំម្លុង ខេត្ដព្រះវិហារ
ទី៤- ក្រុមហ៊ុន Rong Cheng ស្ថិតនៅតំបន់ចុងផ្លាស់ ខេត្ដមណ្ឌលគិរី
ទី៥- ក្រុមហ៊ុន Xing Yuan ស្ថិតនៅតំបន់អូរត្រូន ខេត្តក្រចេះ
ទី៦- ក្រុមហ៊ុន LATE CHENG MINING DEVELOPMENT CO., LTD ស្ថិតតំបន់ភ្នំជី ខេត្តកំពង់ធំ។
ឯកឧត្តម អ៊ឹង ឌីប៉ូឡា បានបញ្ជាក់ថា គឺក្រុមហ៊ុន Renaissance Minerals នៅខេត្តមណ្ឌលគិរី ទទួលបានទិន្នផលខ្ពស់ជាងគេក្នុងចំណោមក្រុមហ៊ុនទាំង៦ ខណៈ៥ក្រុមហ៊ុនទៀត ទទួលបានផលតិចតួច។ ក្រុមហ៊ុន Renai ssance គ្រោងនឹងចម្រាញ់រ៉ែមាសប្រមាណ ៣ តោនជារៀងរាល់ឆ្នាំសម្រាប់រយៈពេល ៨ ឆ្នាំដំបូងនៃប្រតិបត្តិការអណ្តូងរ៉ែ ដែលមានប្រហែល ចំនួន២៥០ គីឡូក្រាមក្នុងមួយខែ។ ក្រុមហ៊ុននេះ នាំចេញរ៉ែមាសទៅអូស្ត្រាលី ដើម្បីចម្រាញ់។
សូមបញ្ជាក់ថា កម្ពុជាបានចាប់ផ្តើមចម្រាញ់យកមាសក្នុងស្រុកកែវសីមា ខេត្តមណ្ឌលគិរី ចាប់តាំងពីការជីកយកមាសជាលក្ខណៈពាណិជ្ជកម្មកាលពីខែមិថុនា ឆ្នាំ២០២១ ដែលនេះជាកំណត់ត្រាជាប្រវត្តិសាស្ត្រនៃការចាប់ផ្តើមឧស្សាហកម្មចម្រាញ់រ៉ែមាសជាលើកដំបូង ដែលបាននាំមកនូវរំហូរទុនវិនិយោគពីក្រៅប្រទេសមកកម្ពុជា ការបង្កើតឱកាសការងារ និងសេដ្ឋកិច្ច ការពង្រីកនូវពិពិធកម្មខឿនឧស្សាហកម្មក្នុងស្រុក និងផលប្រយោជន៍សេដ្ឋកិច្ច សង្គមផ្សេងៗទៀតជាច្រើនសម្រាប់កម្ពុជា ។
លោកបណ្ឌិត ហុង វណ្ណៈ ប្រធាននាយកដ្ឋានសេដ្ឋកិច្ចអន្តរជាតិនៃវិទ្យាស្ថានទំនាក់ទំនងអន្តរជាតិនៃរាជបណ្ឌិត្យសភាកម្ពុជា បានកត់សម្គាល់ថា ការធ្វើអាជីវកម្មរ៉ែរបស់ក្រុមហ៊ុនស្របច្បាប់ គឺអាចជាកាលានុវត្តភាពមួយដែលកម្ពុជាទទួលបាន ទី១- ចំណូលពីសួយសារ នៃអាជីវកម្មរ៉ែមាសពីការវិនិយោគ ទិ២- សម្រាប់ស្រូបទាញកម្លាំងពលកម្មនៅក្នុងតំបន់ ដោយបានផ្តល់ការងារដល់ប្រជាជន និងទី៣- ជាអត្តសញ្ញាណរ៉ែមាសរបស់កម្ពុជា។
បណ្ឌិត ហុង វណ្ណៈ បានមានប្រសាសន៍ថា ការផលិតមាសរបស់ក្រុមហ៊ុន ដែលធ្វើអាជីវកម្មមានការកើនឡើងគួរឱ្យកត់សម្គាល់ ដែលជាសក្តានុពលរ៉ែ ដែលទទួលបាន និងអាចរួមចំណែកក្នុងចរន្តសេដ្ឋកិច្ចរបស់កម្ពុជា៕
Account
Security
Favourite Content