សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ថ្វីត្បិតថាកម្ពុជាមានគោលនយោបាយអព្យាក្រិត្យចំពោះកិច្ចការបរទស ក៏ប៉ុន្តែទំនាក់ទំនងអន្តរជាតិរបស់កម្ពុជាបច្ចុប្បន្នកំពុងស្ថិតក្នុងក្រសែភ្នែករបស់មហាអំណាចសេដ្ឋកិច្ចពិភពលោកពីរគឺ ចិន និងអាមេរិក។ ប៉ុន្តែយ៉ាងណា សព្វថ្ងៃនេះទំនាក់ទំនងអន្តរជាតិមិនពឹងផ្អែកលើមនោគមន៍វិជ្ជា ឬនៅលើនយោបាយសុទ្ធសាធទេ សព្វថ្ងៃនេះទំនាក់ទំនងអន្តរជាតិផ្ដោតលើមូលដ្ឋានប្រយោជន៍សេដ្ឋកិច្ចជាធំ។ នេះបើតាមប្រសាសន៍របស់ឯកឧត្តម ហ្សង់ ហ្វ្រង់ស្វ័រ តាន់ រដ្ឋមន្ត្រីប្រតិភូអមនាយករដ្ឋមន្ត្រី ទទួលបន្ទុកកិច្ចការបរទេស និងសហប្រតិបត្តិការអន្តរជាតិ។
ការបញ្ជាក់របស់ឯកឧត្តមបែបនេះ គឺធ្វើឡើងក្រោយពេលដែលសម្ដេចធិបតី ហ៊ុន ម៉ាណែត បញ្ចប់ការធ្វើទស្សនៈកិច្ចផ្លូវការនៅប្រទេសចិនរយៈពេល៤ថ្ងៃកន្លងទៅ។
ឯកឧត្តម ហ្សង់ ហ្វ្រង់ស្វ័រ តាន់ បានមានប្រសាសន៍យ៉ាងដូច្នេះថា៖
«កម្ពុជាជាប្រទេសឯករាជ្យដែលមានជំហរច្បាស់លាស់លើឆាកអន្តរជាតិ បានន័យថាកម្ពុជាមិនចាត់ទុកប្រទេសណាជាសត្រូវនោះទេ យើងស្ថិតក្នុងកាលទេសមួយដែលមិនមែនជាសង្គ្រាមត្រជាក់នោះទេ»។
ឯកឧត្តមបន្តថា៖
«នៅទីណាដែលនាំមកនូវប្រយោជន៍សេដ្ឋកិច្ចពាណិជ្ជកម្មដែលអនុញ្ញាតឱ្យប្រជាជាតិកម្ពុជាបន្តអនុវត្តទៅមុខ កម្ពុជាមិនត្រូវរារែកនឹងទាក់ទងជាមួយទេ ទន្ទឹមនឹងនេះកម្ពុជាមិនចាត់ទុកប្រទេសណាជាសត្រូវទេ ព្រោះមូលដ្ឋានធំសម្រាប់ទំនាក់ទំនងអន្តរជាតិគឺប្រយោជន៍»។
យ៉ាងណាមិញ ដំណើរទស្សនៈកិច្ចរបស់នាយករដ្ឋមន្ត្រីកម្ពុជា ទាំង៤ថ្ងៃនេះ គឺភាគីទាំងសងខាងមិនបានអង្គុយជជែកគ្នាលើរឿងនយោបាយនោះទេ ពោលគឺស្ទើរតែ៧០% ជាការជជែករួមគ្នាពីបញ្ហាសេដ្ឋកិច្ច ពាណិជ្ជកម្ម ក្នុងគោលដៅអនុញ្ញាតឱ្យប្រទេសកម្ពុជា និងចិនទាញយកប្រយោជន៍ទៅវិញទៅមក ដើម្បីនាំមកនូវឧត្តមប្រយោជន៍ជាតិសម្រាប់សាកល្បង ធ្វើឱ្យជីវភាពប្រជាជនកម្ពុជារីកចម្រើនទៅមុខ។
ជាថ្មីម្ដងទៀត កម្ពុជានៅតែប្រកាន់យកអព្យាក្រិតភាព បើកចំហរចំពោះទំនាក់ទំនងនានា និងមិនចាត់ទុកប្រទេសណាមួយជាគូសត្រូវនោះឡើយ៕
Account
Security
Favourite Content