សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ទិន្នន័យពីអគ្គនាយកដ្ឋានគយ និងរដ្ឋាករ (GDCE) បានបង្ហាញថា ក្នុងរយៈពេល៤ខែដើមឆ្នាំ២០២៤នេះ កម្ពុជាបាននាំចេញទំនិញមានទំហំទឹកប្រាក់រហូតដល់ ៨ ពាន់លានដុល្លារ កើនឡើង ១៥,២ ភាគរយ ពី៧,៦០ ពាន់លានដុល្លារក្នុងរយៈពេលដូចគ្នាកាលពីឆ្នាំមុន។ ចំណែកការនាំចូលរបស់កម្ពុជាក៏បានកើនឡើងចំនួន ៩,៣ ភាគរយដល់ទៅ ៨,៦៦ ពាន់លានដុល្លារចាប់ពីខែមករា ដល់ខែមេសា។
សម្រាប់ការនាំចេញរបស់កម្ពុជា សហរដ្ឋអាមេរិកគឺជាទីផ្សារដ៏ធំបំផុត ដែលមានទឹកប្រាក់សរុបចំនួន ២,៦១ ពាន់លានដុល្លារ បន្ទាប់មកគឺប្រទេសវៀតណាម និងប្រទេសចិនដែលមានទឹកប្រាក់ចំនួន១,៧១ ពាន់លានដុល្លារ និង៤៨៦ លានដុល្លាររៀងគ្នា។
ឯកឧត្តម ប៉ែន សុវិជ្ជា រដ្ឋលេខាធិកាក្រសួងពាណិជ្ជកម្មបានគូសបញ្ជាក់ថា ទោះបីជាមានការថយចុះនៃមុខទំនិញមួយចំនួន ដោយសារមានវិបត្តិសង្រ្គាមក្នុងពិភពលោក និងការចុះខ្សោយនៃអំណាចទិញ ក៏ការបញ្ជាទិញរបស់កម្ពុជានៅតែមានកម្រិតខ្ពស់ ជាពិសេសទីផ្សារសម្រាប់ប្រទេសសមាជិក RCEP ។
ឯកឧត្តម រដ្ឋលេខាធិការ ក៏បានមានប្រសាសន៍បន្ថែមថា ក្នុងរយៈពេល៤ខែនៃឆ្នាំ២០២៤ ពាណិជ្ជកម្មកម្ពុជា-ចិន បានបន្តកើនឡើង ដោយសារកិច្ចព្រមព្រៀងពាណិជ្ជកម្មសេរីទ្វេភាគី និងតំបន់ ហើយប្រទេសចិននៅតែជាដៃគូពាណិជ្ជកម្មដ៏សំខាន់របស់កម្ពុជា។
ទំហំពាណិជ្ជកម្មទ្វេភាគីកម្ពុជា-ចិន បានឈានដល់ ៤,៤៨ ពាន់លានដុល្លារក្នុងអំឡុងខែមករាដល់ខែមេសាឆ្នាំនេះ កើនឡើង ១៥,១ ភាគរយ ធៀបនឹងរយៈពេលដូចគ្នាកាលពីឆ្នាំមុនដែលមានត្រឹម ៣,៨៩ ពាន់លានដុល្លារ ។ នេះបើតាមរបាយការណ៍ អគ្គនាយកដ្ឋានគយ និងរដ្ឋាករកម្ពុជា។
ឯកឧត្តម ប៉ែន សុវិជ្ជា បានបញ្ជាក់ថា ការអនុវត្តកិច្ចព្រមព្រៀងពាណិជ្ជកម្មសេរីកម្ពុជា-ចិន និងកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់ (RCEP) បានបន្ថែមសមន្ទុះដល់កំណើន នៃការនាំចេញរបស់ប្រទេស ហើយទីផ្សារសម្រាប់ប្រទេសសមាជិក RCEP មានទំហំធំសម្រាប់ផលិតផលរបស់កម្ពុជា។
ឯកឧត្តម ប៉ែន សុវិជាតិ បានបញ្ជាក់ថា៖ ដោយសារការអនុគ្រោះពន្ធក្រោមកិច្ចព្រមព្រៀងពាណិជ្ជកម្ម ផលិតផលរបស់យើង ជាពិសេសកសិផល ដែលមានគុណភាពខ្ពស់ដូចជាអង្ករ ចេកលឿង ស្វាយ មៀន ដំឡូងមី និងម្រេច មានទីផ្សារខ្ពស់នៅក្នុងប្រទេសចិន។
Account
Security
Favourite Content