«សហគមន៍កសិកម្មទំនើប» ជំរុញរួមគ្នាអភិវឌ្ឍវិស័យកសិកម្ម ចាំបាច់ត្រូវមានការគាំទ្របច្ចេកទេស ដើមទុន និងទីផ្សារ

ភ្នំពេញ ៖ ថ្មីៗនេះ ក្រសួងកសិកម្ម រុក្ខាប្រមាញ់ និងនេសាទ បាន និងកំពុងជំរុញចងក្រងសហគមន៍កសិកម្មទំនើប ដែលជាដំណោះស្រាយមួយក្នុងការជំរុញរួមគ្នាអភិវឌ្ឍវិស័យកសិកម្ម សម្រាប់ប្រជាកសិករដែលត្រូវការការគាំទ្រទាំងក្នុងបញ្ហាបច្ចេកទេស ដើមទុន ទីផ្សារ និងបញ្ហាប្រឈមផ្សេងៗឱ្យទាន់ពេលវេលា និងមានប្រសិទ្ធភាព។

អ្នកនាំពាក្យក្រសួងកសិកម្ម ឯកឧត្តម ឃឹម ហ្វីណង់ បានហៅថា ការរួមគ្នាចងក្រងជា «សហគមន៍កសិកម្មទំនើប» ប្រៀបដូចទៅនឹងការប្រមូលផ្តុំគ្នាទៅជាចង្កឹះមួយបាច់ធំ ដែលមានភាពរឹងមាំ និងជាខែលការពារពុកម៉ែបងប្អូនប្រជាកសិករតូចៗពីរាល់ហានិភ័យ និងបញ្ហាប្រឈមនានា ដែលចង្កឹះតែមួយពិបាកនឹងទប់ទល់តែម្នាក់ឯងបាន។

ឯកឧត្តម អ្នកនាំពាក្យ បានលើកឡើងពីការធ្វើកសិកម្មជាលក្ខណៈគ្រួសារ ធៀបនឹងការធ្វើក្រោមទម្រង់សហគមន៍ មួយណាចំណេញជាង? ផ្ទៃដីផលិតកម្មតូច និងធនធានតិច ពិបាកនឹងធ្វើឱ្យពុកម៉ែបងប្អូនប្រជាកសិករមានលទ្ធភាពប្រកួតប្រជែងជាមួយនឹងអ្នកផលិតក្នុងកម្រិតពាណិជ្ជកម្មណាស់ ប៉ុន្តែប្រសិនបើកសិករតូចៗទាំងនោះស្ម័គ្រចិត្តប្រមូលផ្តុំគ្នា ដាក់ធនធានដើម្បីធ្វើផលិតកម្មរួមគ្នា រួចហើយចាំធ្វើការបែងចែកផលចំណេញដោយស្មើភាពនិងប្រកបដោយសមធម៌វិញ នោះបញ្ហាប្រឈមនានានឹងងាយស្រួលក្នុងការដោះស្រាយ។

ឯកឧត្តមបន្តថា ៖

«ជាក់ស្តែង យើងឃើញមាន សហគមន៍កសិកម្មទំនើបស្រូវនាងអំ ស្ថិតនៅខេត្តសៀមរាប, សហគមន៍កសិកម្មទំនើបខេត្តកំពង់ចាម សហគមន៍កសិកម្មទំនើបនៅខេត្តកំពង់ធំ ។ល។ និងសហគមន៍កសិកម្មចំនួន២ នៅក្នុងខេត្តតាកែវ ក៏កំពុងត្រៀមខ្លួនប្រែក្លាយទៅជា សហគមន៍កសិកម្មទំនើប ក្នុងនោះមាន សហគមន៍ផលិតស្រូវមួយនៅក្នុងស្រុកកោះអណ្តែត ដែលបានត្រៀមគ្នាចំនួន ៣០គ្រួសារ រួចជាស្រេច ដើម្បីស្ម័គ្រចិត្តធ្វើស្រែរួមគ្នាលើផ្ទៃដី ១០២ហិកតា និងសហគមន៍បន្លែមួយទៀតនៅក្នុងស្រុកត្រាំកក់ ដែលមានសមាជិក ១០៩គ្រួសារ និងមានរោងផ្ទះសំណាញ់ចំនួន ៥៧៣ខ្នងរួចហើយផងដែរ»។

លោក ឆេង ថុង ប្រធានសហគមន៍ កសិកម្មសំបូរមានជ័យ បានបញ្ជាក់ពី «អត្ថប្រយោជន៍ទាំង៥នៃសហគមន៍កសិកម្មទំនើប» នឹងដោះស្រាយបញ្ហាខ្វះទុន ខ្វះបច្ចេកទេស ខ្វះទីផ្សារ ថ្លៃដើមផលិតខ្ពស់ និងផលប៉ះពាល់ពីការប្រែប្រួលអាកាសធាតុ។ ដូច្នេះសម្រាប់សហគមន៍របស់លោកមានចំណុចមួយចំនួន ដែលផ្តល់ភាពងាយស្រួលដល់កសិករជាសមាជិករបស់លោក ដែលផលិត ដំណាំផ្សេងៗពីគ្នា។

ប្រធានសហគមន៍រូបនេះក៏បានលើកឡើងពីតំបន់ដីភូមិសាស្ត្ររបស់សហគមន៍ផងដែរ ពោលគឺ មានទឹក និងមានដី មានសក្តានុពលគ្រប់គ្រាន់ អាចអភិវឌ្ឍន៍សហគមន៍របស់លោកឱ្យក្លាយទៅជាសហគមន៍កសិកម្មទំនើបបាន។ យ៉ាងណាក៏ដោយ លោកថា សហគមន៍របស់លោកបានចូលជាសហគមន៍ទំនើបហើយ ប៉ុន្តែនៅពុំទាន់បានអនុវត្តន៍យន្តការ ដើម្បីក្លាយខ្លួនជាកសិកម្មទំនើបនៅពេលអនាគត។

លោក ឆេង ថុង បានបា្រប់AMS ថា ៖

«សហគមន៍យើងមានភាពងាយស្រួល ដោយយើងមានផែនការច្បាស់លាស់ទៅលើដំណាំអាទិភាព គឺស្លឹកគ្រៃ ដែលបានអនុវត្តដំណាំនេះ ផលិតទៅតាមផែនការជាបន្តបន្ទាប់ លក់រួមគ្នាចូលទៅក្នុងទីផ្សារ ដោយសារយើងមានដីសម្រាប់ផលិត  និងមានដើមទុន ដែលបានចូលជាសហគមន៍មកធ្វើការពង្រីកការផលិត រហូតដល់បានធ្វើជាប្រេងស្លឹកគ្រៃទៀតផង»។

លោកបានបន្តថា ៖

«យើងមានចំណុចច្រើន ដែលយើងអាចចូលជាសហគមន៍កសិកម្មទំនើបបាន គឺមានបុគ្គលិកធ្វើការ ប្រើប្រាស់ចំណូល ចំណាយរួម ដែលចំណុចទាំងនេះ ជាផ្នែកនៃកសិកម្មទំនើបដែលតម្រូវឱ្យមានចំណុចច្រើន ទើបយើងអាចជំរុញរួមគ្នាអភិវឌ្ឍវិស័យកសិកម្ម ពោលគឺចាំបាច់ត្រូវការ ការគាំទ្រ បច្ចេកទេស ដើមទុន និងទីផ្សារ ហើយសហគមន៍យើងនៅឡើយតែអនុវត្តន៍យន្តការ តាមប្រភេទដំណាំប៉ុណ្ណោះដែលពុំទាន់បានល្អគ្រប់ជ្រុងជ្រោយ»។


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ប្រាក់ចំណូលរបស់អ្នកបម្រើការងារតាមផ្ទះរួមចំណែកផ្នែកសេដ្ឋកិច្ចយ៉ាងសំខាន់ និងជួយកាត់បន្ថយភាពក្រីក្រ

ព្រឹត្តិការណ៍, សេដ្ឋកិច្ច

• 17/06/2024

ប្រាក់ចំណូលរបស់កម្មករការងារតាមផ្ទះ រួមចំណែកមួយផ្នែកធំដល់សេដ្ឋកិច្ចយ៉ាងសំខាន់ និង បានរួមចំណែកកាត់បន្ថយភាពក្រីក្រនៅកម្ពុជា

ផលិតផលថ្មីរបស់គ្រឿងហ្លួង កាន់តែជួយគាំទ្រ និងផ្សព្វផ្សាយមុខម្ហូបខ្មែរ

ជំនួញ, ព្រឹត្តិការណ៍

• 17/06/2024

គ្រឿងហ្លួង សាបារា ត្រូវបានគេស្គាល់យ៉ាងទូលាយថាជាផលិតផលក្នុងស្រុកដែលត្រូវបានបង្កើតឡើងដោយក្រុមហ៊ុន Sabara Best Food សម្រាប់ជាគ្រឿងផ្សំរសជាតិទៅលើមុខម្ហូបបែបខ្មែរ

សម្ដេច​ធិបតី​ ជំរុញឱ្យ​​គិតគូរ ​និងអនុវត្តន៍ឱ្យបានតឹងរ៉ឹង​លើ​គម្រោង​ប្លង់មេក្នុង​តំបន់​ក្រុង​រណប ​និង​បុរី

ព្រឹត្តិការណ៍, អចលនទ្រព្យ

• 17/06/2024

សម្ដេច​ធិបតី​ ហ៊ុន ម៉ាណែត បានជំរុញឱ្យ​រៀបចំ​ និងអនុវត្ត​ឱ្យ​បានតឹងរ៉ឹង​​ចំពោះ​គម្រោង​ប្លង់​មេ​នៅក្នុងតំបន់​ក្រុង​រណប និង​តាមបុរីនានា​

ផែនការមេដឹកនាំរុស្ស៊ីបំពេញទស្សនកិច្ចនៅវៀតណាមបង្កប្រតិកម្មពីប្រទេសជាដៃគូពាណិជ្ជកម្មធំៗ

ព្រឹត្តិការណ៍, សេដ្ឋកិច្ច

• 17/06/2024

វៀតណាមបានធ្វើពហិកាមិនចូលរួមកិច្ចប្រជុំនៅស្វីស ប៉ុន្តែបញ្ជូនអនុរដ្ឋមន្ត្រីការបរទេសទៅចូលរួម BRICS នៅក្នុងប្រទេសរុស្ស៊ីទៅវិញកាលពីសប្តាហ៍មុននេះ

ទុនពីវិស័យមីក្រូហិរញ្ញវត្ថុជួយបង្កើនចំណូលដល់ប្រជាពលរដ្ឋ ជាពិសេសកសិករ

ព្រឹត្តិការណ៍, ហិរញ្ញវត្ថុ

• 17/06/2024

វិស័យមីក្រូហិរញ្ញវត្ថុបានបង្កើតផលិតផលឥណទានកសិកម្ម និងសេវាកម្មហិរញ្ញវត្ថុសម្បូរបែប ដើម្បីឆ្លើយតបនឹងតម្រូវការរបស់ប្រជាកសិករ និងសហគមន៍កសិកម្មនៅតាមមូលដ្ឋាន

រដ្ឋមន្ត្រីកសិកម្ម ៖ ការចិញ្ចឹមត្រីតាមបច្ចេកទេសត្រឹមត្រូវធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ព្រឹត្តិការណ៍, សេដ្ឋកិច្ច

• 17/06/2024

រដ្ឋមន្ត្រីក្រសួងកសិកម្មបានលើកឡើងថា ការចិញ្ចឹមត្រីអនុវត្តតាមបច្ចេកទេសត្រឹមត្រូវ អាចធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ក្រុមហ៊ុនលំដាប់ពិភពលោក BOSCH នឹងមកសិក្សាពីលទ្ធភាពបើករោងចក្ររបស់ខ្លួននៅកម្ពុជា

ព្រឹត្តិការណ៍, សេដ្ឋកិច្ច

• 17/06/2024

ក្រុមហ៊ុន BOSCH លំដាប់ពិភពលោកដែលមានបុគ្គលិកជិត ៤៣ ម៉ឺននាក់ នឹងមកសិក្សាពីលទ្ធភាពបើករោងចក្ររបស់ខ្លួននៅព្រះរាជាណាចក្រកម្ពុជា ។

សហភាពអឹរ់ុបមានផែនការដាក់ពន្ធបន្ថែមជិត ៤០ ភាគរយលើរថយន្តអគ្គិសនីនាំចូលពីចិន

ព្រឹត្តិការណ៍, អាជីវកម្មថ្មី និងនវានុវត្ត

• 17/06/2024

សហភាពអឺរ៉ុបមានផែនការដាក់ពន្ធបន្ថែមលើរថយន្តអគ្គិសនីដែលនាំចូលពីចិនចន្លោះពី ១៧,៤ ភាគរយទៅ ៣៨,‌១ ភាគរយ ខណៈដែលអត្រាពន្ធបច្ចុប្បន្នមាន ១០ ភាគរយ

ធនាគារ វីង បើកសម្ពោធសាខាថ្មីក្នុងក្រុងកំពង់ឆ្នាំង

ព្រឹត្តិការណ៍, អត្ថបទពាណិជ្ជកម្ម

• 14/06/2024

សេវាធនាគារដ៏សម្បូរបែបរបស់ធនាគារ វីង ឥឡូវនេះបានពង្រីកទៅដល់ក្រុងកំពង់ឆ្នាំងហើយ ដើម្បីជួយសម្រួលប្រជាជនក្នុងខេត្តនេះជាមួយនឹងតម្រូវការសេវាហិរញ្ញវត្ថុប្រចាំថ្ងៃកាន់តែប្រសើរ

៤០ឆ្នាំក្នុងនាមជារោងចក្រពិភពលោក តែមិនប្រាកដថាអាចបន្តភាពជោគជ័យក្នុងទីផ្សាររថយន្តអគ្គិសនីនោះឡើយ

ព្រឹត្តិការណ៍, សេដ្ឋកិច្ច

• 14/06/2024

រថយន្តអគ្គិសនីរបស់ចិន មិនប្រាកដថាអាថវាយឡុកទីផ្សារពិភពលោកបានជោគជ័យដូចជាទីផ្សារផលិតផល និងទំនិញរបស់ខ្លួនដែលធ្លាប់ធ្វើបានជាង៤០ឆ្នាំនោះឡើយ