សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ យោងតាមសេចក្តីប្រកាសព័ត៌មានរបស់សហព័ន្ធស្រូវអង្ករកម្ពុជាបានឱ្យដឹងថា ក្នុងរយៈពេល ៤ខែនៃឆ្នាំ២០២៤នេះ កម្ពុជាទទួលបានចំណូលជិត ៩០០លានដុល្លារពីការស្រូវ និងអង្ករ។ ក្នុងនោះការនាំចេញអង្ករចំនួនប្រមាណជាង២៤ម៉ឺនតោនទទួលបានចំណូលប្រមាណជាង១៧០លានដុល្លារ និងការនាំចេញស្រូវជាង២លានតោនទទួលបានចំណូលចំនួនប្រមាណជាង៦៩៣លានដុល្លារអាមេរិក។
របាយការណ៍បានបង្ហាញថា ពីខែមករា ដល់ខែមេសា កម្ពុជាបាននាំចេញអង្ករបានចំនួន ២៤៨ ៤៩១ តោន ទៅកាន់ទីផ្សារអន្តរជាតិ ទទួលបានចំណូលដែលគិតជាទឹកប្រាក់ប្រមាណជាង១៧០លានដុល្លារ។ ក្នុងរយៈពេល៤ខែនេះ កម្ពុជាក៏បាននាំចេញស្រូវទៅកាន់ប្រទេសជិតខាងក្នុងបរិមាណចំនួន ២,៤១៩,៣១៧តោន(ស្រូវសើម)ដែលគិតជាទឹកប្រាក់បានប៉ាន់ប្រមាណ ជាង ៦៩៣.៣៩ លានដុល្លារសហរដ្ឋអាមេរិក ដែលក្នុងនោះ ៧២% បាននាំចេញដោយឆ្លងកាត់ការស្នើសុំការបញ្ជាក់ឯកសារនាំចេញ ពីអាជ្ញាធរមានសមត្ថកិច្ច ។
របាយការណ៍នេះបាននិយាយថា អង្កររបស់ព្រះរាជាណាចក្រកម្ពុជាត្រូវបាននាំចេញទៅកាន់ប្រទេស និងតំបន់ចំនួន៦០ ជុំវិញពិភពលោកដោយអ្នកនាំចេញមានចំនួន ៤៨ក្រុមហ៊ុន ខណៈដែលអ្នកទិញអង្ករសំខាន់ៗរបស់កម្ពុជាក្នុងអំឡុងពេលនោះរួមមានប្រទេសសហភាពអឺរ៉ុប ប្រទេសចិន និងតំបន់ស្វយ័តរបស់ខ្លួន និងប្រទេសសមាជិកអាស៊ាន។
តាមរបាយការណ៍របស់សហព័ន្ធស្រូវអង្ករកម្ពុជាបានបញ្ជាក់ថា ការនាំចេញអង្ករជាង២៤ម៉ឺនតោន ធ្វើឡើងតាមរយៈក្រុមហ៊ុននាំចេញអង្ករចំនួន៤៨ ក្រុមហ៊ុន ទៅកាន់គោលដៅចំនួន ៦០ ដែលក្នុងនោះទៅកាន់បណ្តាប្រទេសនៅក្នុងតំបន់អឺរ៉ុបចំនួន ២៦ បានបរិមាណអង្ករចំនួន ១០៥,៧៩៩ តោន គិតជាទឹកប្រាក់ចំនួន ៨១.៦២ ដុល្លារអាមេរិក ទៅកាន់ប្រទេសចិនរួមទាំងហុងកុង និងម៉ាកាវចំនួន ៦៧,៤៥៧ តោន គិតជាទឹកប្រាក់ ៤២.២៨ លានដុល្លារអាមេរិក
ដោយឡែក ការនាំចេញអង្ករ ទៅកាន់ប្រទេសក្នុងអាស៊ាន រួមទាំងទីម័រខាងកើតចំនួន ៧ប្រទេសបានបរិមាណចំនួន ៥៣,៧៦៦ តោន គិតជាទឹកប្រាក់ ២៧.៧៤ លានដុល្លារអាមេរិក និងទៅកាន់គោលដៅ២៤ ផ្សេងទៀតអាហ្វ្រិក មជ្ឈឹមបូព៌ា អាមេរិក កាណាដា អូស្ត្រាលី ញ៉ូហ្សេឡេន ។ល។ បានចំនួន ២១,៤៦៩ តោន គិតជាទឹកប្រាក់ចំនួន ១៨.៥៧ លានដុល្លារអាមេរិក។
របាយការណ៍បានគូសបញ្ជាក់ថា ពូជអង្ករដែលកម្ពុជានាំចេញរួមមាន អង្ករក្រអូប អង្ករសគ្រាប់វែង អង្ករស អង្ករសរីរាង្គ ជាដើម ដែលប្រភេទអង្ករនាំចេញទាំងនោះ រួមមាន៖អង្ករក្រអូបចំនួន៧៣.០៧ % ប្រភេទអង្ករស ធម្មតា ២៣.១៨% អង្ករចំហ៊ុយ ២.២១ % អង្ករសរីរាង្គចំនួន ១.៣២% និងអង្ករផ្សេងៗចំនួន ០.២២% ។
សូមបញ្ជាក់ថា ប្រទេសកម្ពុជាកំពុងតែមានគោលបំណងពង្រីកសក្តានុពលនៃការនាំចេញបន្ថែមទៀតនូវអង្ករកម្ពុជាទៅកាន់ទីផ្សារម៉ាឡេស៊ី ហ្វ៊ីលីពីន និងប្រទេសមជ្ឈឹមបូព៌ា។ ប្រទេសម៉ាឡេស៊ី ជាប្រទេសធំទី៣ ដែលកម្ពុជាបាននាំចេញប្រចាំឆ្នាំមានបរិមាណប្រមាណជាជាង ៥ម៉ឺនតោន ដែលអង្ករទាំងនោះគី ៩៥%ជាអង្ករក្រអូប (អង្ករផ្ការំដួល និងសែនក្រអូប)។ សហព័ន្ធស្រូវអង្ករកម្ពុជា ក៏បានចូលរួមចែករំលែកនិងពិភាក្សាអំពីទិដ្ឋភាពទីផ្សារកម្ពុជា ធៀបទៅនឹងប្រទេសប្រកួតប្រជែង ដើម្បីជាផ្លូវមួយក្នុងការជម្រុញទីផ្សារអង្ករកម្ពុជាឱ្យកាន់តែរីកលូតលាស់បន្ថែមទៀតដោយបានកំណត់គោលដៅប្រកបដោយមហិច្ឆតា ក្នុងការនាំចេញអង្ករឱ្យបានយ៉ាងហោចណាស់មួយលានតោននៅឆ្នាំ២០២៥។
Account
Security
Favourite Content