គ្រោះរាំងស្ងួតនៅវៀតណាមបានសម្លាប់ត្រីរាប់សែនក្បាល និងបង្កការគំរាមគំហែងដល់កសិកម្ម

បរទេស៖ យោងតាមប្រភពព័ត៌មានពី Business Insider បានរាយការណ៍ថា គ្រោះរាំងស្ងួតរយៈពេលមួយសប្តាហ៍នៅទូទាំងអាស៊ីអាគ្នេយ៍បានសម្លាប់ត្រីរាប់សែនក្បាលនៅប្រទេសវៀតណាម រួមទាំងធ្វើឲ្យឱ្យតម្លៃកាហ្វេធ្លាក់ចុះទៀតផង។

វាលទំនាបដីសណ្ដទន្លេមេគង្គត្រូវបានគេស្គាល់ថា ជាចានបាយរបស់វៀតណាម ដោយសារវាទ្រទ្រង់វិស័យកសិកម្មរបស់ប្រទេសនេះ។ យ៉ាងណាក្តី វិបត្តិអាកាសធាតុ និងការអភិវឌ្ឍន៍មនុស្សបានគំរាមកំហែងដល់ទឹកដែលតំបន់នេះ ជាពិសេសនៅក្នុងឆ្នាំនេះដែលមានបាតុភូតអែល នីយ៉ូ (El Niño)។ ទន្ទឹមនឹងនេះ កម្រិតទឹកសាបរបស់វៀតណាមធ្លាក់ចុះ ខណៈដែលទឹកប្រៃបានហូរចូលបណ្តាលឱ្យប៉ះពាល់សេដ្ឋកិច្ចយ៉ាងខ្លាំង។ យោងទៅតាមក្រសួងធនធានធម្មជាតិ និងបរិស្ថានរបស់វៀតណាម បានឲ្យដឹងថា ចាប់តាំងពីឆ្នាំ ២០២០ ដល់ឆ្នាំ ២០២៣ ការហូរចូលនៃទឺកប្រៃបានធ្វើឲ្យដីសណ្ដទន្លេមេគង្គខាតបង់ប្រាក់ចំនួន ៧០ ទ្រីលានដុងវៀតណាម (២,៩៦ ពាន់លានដុល្លារ)ជារៀងរាល់ឆ្នាំ។ ក្រសួងបង្ហាញក្តីបារម្ភថា តួលេខនៃការខាតបង់ទាំងនោះនឹងកើនឡើងនៅក្នុងប៉ុន្មានឆ្នាំខាងមុខ។

ទន្ទឹមនឹងនេះដែរ នៅភាគខាងត្បូងប្រទេសវៀតណាម គ្រោះរាំងស្ងួតបានសម្លាប់ត្រីរាប់សែនក្បាលនៅក្នុងអាងស្តុកទឹកមួយកាលពីខែមុន ខណៈដែលសីតុណ្ហភាពឡើងខ្ពស់ដល់កំពូលជិត ៣៨ អង្សាសេ ហើយមិនមានភ្លៀងធ្លាក់អស់ជាច្រើនសប្តាហ៍។ គេប៉ាន់ប្រមាណថា ចំនួនត្រីងាប់ទាំងនោះអាចប្រហែលជាង ២០០ តោន។ អាចប្រជាពលរដ្ឋបង្ហាញភាពមិនសប្បាយចិត្តចំពោះវិបត្តិ​អាកាសធាតុ និង​ការគ្រប់គ្រង​អាង​ស្តុក​ទឹក​។ បន្ទាប់ពីគ្រោះរាំងស្ងួតដ៏មហន្តរាយក្នុងឆ្នាំ ២០២០ វិធានការធារាសាស្ត្ររួមទាំងវិធានការណ៍មួយចំនួនបានជួយរក្សាភាពសើមនៃដីសណ្ដទន្លេមេគង្គបានខ្លះ ទោះបីមានភាពស្ងួតរីករាលដាលក៏ដោយ។ ទោះជាយ៉ាងណាក្តី ខេត្តភាគខាងត្បូងចំនួនពីរនៅតែមានភាពរាំងស្ងួតខ្លាំង ខណៈដែលតំបន់ទាំងនោះត្រូវប្រមូលផលដំណាំនៅក្នុងខែនេះ។

យោង​តាមគណៈកម្មការ​ទន្លេមេគង្គដែលជា​ទីភ្នាក់ងារ​អន្តររដ្ឋាភិបាលបាន​ឲ្យ​ដឹង​ថា កម្រិត​ទឹក​មាន​កម្រិត​ទាប​ជាង​មធ្យម​ក្នុង​ស្ថានីយ​ត្រួតពិនិត្យ​ចំនួន ១៣ ក្នុង​ចំណោម​ស្ថានីយ​ទាំង ២៤ របស់​ប្រទេស ដែល​ភាគច្រើន​នៅឆ្ងាយពី​ភាគ​ខាងជើង និង​​ភាគខាងត្បូង។ ស្របពេលដែលប្រទេសវៀតណាមបានសាងសង់ហេដ្ឋារចនាសម្ព័ន្ធសំខាន់ៗដើម្បីប្រយុទ្ធប្រឆាំងនឹងគ្រោះរាំងស្ងួតដ៏ធ្ងន់ធ្ងរ កសិករកំពុងតស៊ូពីបញ្ហានេះ។ មិនត្រឹមតែប៉ុណ្ណោះ អាងស្តុកទឹកមួយចំនួនដែលពួកគេត្រូវការទាញយកមកប្រើប្រាស់ គឺកខ្វក់ទៅដោយសារធាតុគីមី ខណៈពេលដែលជម្រើសប្រព័ន្ធធារាសាស្រ្តផ្សេងទៀតមានតម្លៃថ្លៃ។ កសិករ​ម្នាក់​បាន​លើកឡើងថា​ថា ស្រូវ​របស់​គាត់​ពីរ​ហិចតា​បាន​ឆេះ​ដោយសារ​គ្រោះ​រាំងស្ងួត។ ជារៀងរាល់ឆ្នាំ ពួកគេប្រមូលផលស្រូវបានប្រហែល ១៨ បាវ ដោយក្នុងមួយបាវមាន ៦០ គីឡូក្រាម ប៉ុន្តែការខ្វះខាតទឹកនៅឆ្នាំនេះធ្វើឲ្យការប្រមូលផលទទួលបានតែពីរ ឬ បីបាវប៉ុណ្ណោះ។

យោងតាមធនាគារពិភពលោក បានឲ្យដឹងថា ទោះបីជាសេដ្ឋកិច្ចរបស់វៀតណាមលែងពឹងផ្អែកលើវិស័យកសិកម្មជាចម្បងក៏ដោយ ប៉ុន្តែវិស័យនេះបានរួមចំណែកជិត ១២ ភាគរយនៃផលិតផលក្នុងស្រុកសរុបរបស់ខ្លួនកាលពីឆ្នាំមុន។ ទោះជាយ៉ាងណាក្តី គ្រោះរាំងស្ងួតឆាប់កើតឡើងពេកនៅឆ្នាំនេះ ហើយវាកាន់តែធ្ងន់ធ្ងរដោយសារបាតុភូត El Niño ដែលនឹងប៉ះពាល់ដល់ការប្រមូលផល និងការនាំចេញ។ កាលពីចុងខែមីនា សមាគមកាហ្វេវៀតណាមលើកឡើងថា ការនាំចេញកាហ្វេ robusta ដែលជាគ្រាប់កាហ្វេដែលប្រើសម្រាប់ឆុង espresso និងកាហ្វេកញ្ចប់អាចធ្លាក់ចុះ ២០ ភាគរយក្នុងរយៈពេល ១២ ខែគិតត្រឹមខែកញ្ញា បើធៀបនឹងរយៈពេលដូចគ្នាកាលពីឆ្នាំមុន។ គួរបញ្ជាក់ឲ្យដឹងថា ប្រទេសវៀតណាមគឺជាប្រទេសផលិតគ្រាប់កាហ្វេ robusta ធំជាងគេបំផុតរបស់ពិភពលោក ហើយទីផ្សារតម្លៃគ្រាប់កាហ្វេប្រភេទនេះបានឡើងដល់កម្រិតខ្ពស់កាលពីសប្តាហ៍មុនក្នុងរយៈពេល ១៦ ឆ្នាំ។

កាលពី​ខែ​មុន យ៉ាង​ហោច​ណាស់​ខេត្ត​ចំនួន​បី​បាន​ប្រកាស​ដាក់​ថាជារដ្ឋ​ក្នុង​គ្រាអាសន្ន​ ដោយ​សុំ​ជំនួយ​ពី​រដ្ឋាភិបាល​ដើម្បី​ដោះស្រាយ​បញ្ហា​កង្វះ​ទឹក និង​បញ្ហា​ជាតិអំបិល។ ទន្ទឹមនឹងនេះ គ្រោះរាំងស្ងួតនៅប្រទេសវៀតណាមគូសបញ្ជាក់ពីរបៀបដែលវិបត្តិអាកាសធាតុកំពុងប៉ះពាល់ដល់វិស័យកសិកម្មទូទាំងពិភពលោក។ លើសពីនេះ ទិន្នផលដំណាំទាបអាចបង្កឲ្យមានផលិតភាពទាប អតិផរណាខ្ពស់ និងកង្វះអាហាររូបត្ថម្ភកាន់តែអាក្រក់ក្នុងចំណោមបញ្ហាផ្សេងៗទៀត៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ

ព្រឹត្តិការណ៍, អត្ថបទពាណិជ្ជកម្ម

• 13/06/2024

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ

អាជីវកម្មកែច្នៃភេសជ្ជៈទឹកអំពិលទុំផ្គត់ផ្គង់ទីផ្សារក្នុងស្រុក កំពុងមានតម្រូវការខ្ពស់

ជំនួញ, ព្រឹត្តិការណ៍

• 13/06/2024

សហគ្រាសទឹកអំពិលទុំស្នាដៃអ្នកម្តាយ TAPT ជាសហគ្រាសដែលកំពុងផលិតភេសជ្ជៈទឹកអំពិលទុំមានរសជាតិឆ្ងាញ់ និងកំពុងមានតម្រូវការទីផ្សារខ្ពស់

គិតត្រឹមត្រីមាសទី១ ឆ្នាំ២០២៤ ស្ថានភាពបំណុលសាធារណៈរបស់កម្ពុជា ស្ថិតក្នុងភាពអាចគ្រប់គ្រងបាន

ព្រឹត្តិការណ៍, ហិរញ្ញវត្ថុ

• 13/06/2024

ស្ថានភាពបំណុលសាធារណៈរបស់កម្ពុជា គិតត្រឹមត្រីមាសទី១ ឆ្នាំ២០២៤ នេះ នៅតែត្រូវបានវាយតម្លៃថា ស្ថិតក្នុងភាពអាចគ្រប់គ្រងបាន ពោលគឺនៅតែមាន “ចីរភាព” និង “ហានិភ័យកម្រិតទាប” ដដែល

ការជួបជុំធុរជនជិត ៥ពាន់នាក់មកពី ៥០ប្រទេសនៅសៀមរាប ផ្តល់ចំណូលដល់វិស័យទេសចរណ៍ និងសេដ្ឋកិច្ចកម្ពុជា

ព្រឹត្តិការណ៍, សេដ្ឋកិច្ច

• 13/06/2024

ការជួបជុំធុរជនជិត ៥ ពាន់នាក់មកពី ៥០ប្រទេស ទីក្រុងសៀមរាប ខេត្តសៀមរាប ផ្តល់ចំណូលដល់វិស័យទេសចរណ៍ និង សេដ្ឋកិច្ចកម្ពុជា

សម្ដេចធិបតី ៖ យើងមិនអាចរស់ដោយពឹងគេរហូតទេ ត្រូវតែពង្រឹងខ្លួនឯងឱ្យដើរចេញពីប្រទេសអភិវឌ្ឍន៍តិច

ព្រឹត្តិការណ៍, សេដ្ឋកិច្ច

• 13/06/2024

សម្រាប់កម្ពុជា គឺកំពុងតែរំកឹលខ្លួនបន្តិចម្ដងៗចេញពីប្រទេសដែលមានចំណូលមធ្យមកម្រិតទាប ទៅជាប្រទេសដែលមានចំណូលមធ្យមកម្រិតខ្ពស់ក្នុងរយៈពេល៥ឆ្នាំខាងមុខនេះ

មធ្យោបាយ​ធ្វើដំណើរ​ទៅកាន់បណ្ដាខេត្ត​ជាប់​សមុទ្រ​នឹង​កាន់តែសំបូរបែប​នាពេលឆាប់ៗនេះ ខណៈ​សក្ដានុពល​វិនិយោគ​ក៏​កាន់​តែ​ទាក់​ទាញ​​

ព្រឹត្តិការណ៍, អចលនទ្រព្យ

• 13/06/2024

តំបន់​សមុទ្រ​កាន់តែបង្ហាញពីសក្ដានុពល​ទាក់ទាញខ្លាំង ក្រោយសមិទ្ធផល​ និងគម្រោង​វិនិយោគ​របស់រដ្ឋ​ និងឯកជន​បានបង្ហាញ​ខ្លួន​ជា​បន្តបន្ទាប់

ប្រទេសសមាជិកអាស៊ានចំនួន ៦ មានកំណើនសេដ្ឋកិច្ចល្អប្រសើរ

ព្រឹត្តិការណ៍, សេដ្ឋកិច្ច

• 13/06/2024

យោងតាម​ការ​ព្យាករណ៍​របស់ Maybank Research Pte Ltd បានឲ្យដឹងថា ផលិតផលក្នុងស្រុកសរុបរបស់ប្រទេសអាស៊ានទាំង ៦ រួមមាន៖ ឥណ្ឌូណេស៊ី ម៉ាឡេស៊ី សិង្ហបុរី ថៃ វៀតណាម និងហ្វីលីពីន

ម៉ាឡេស៊ី ចំណាយលុយពង្រឹងវិស័យយោធាជើងទឹកតាមរយៈកុងត្រាសាងសង់នាវាចម្បាំងធុនធ្ងន់ថ្មីចំនួន៣គ្រឿង

ព្រឹត្តិការណ៍, អាជីវកម្មថ្មី និងនវានុវត្ត

• 13/06/2024

STM នឹងចាប់ផ្តើមសាងសង់នាវាចម្បាំងទាំង៣គ្រឿងនៅក្នុងឆ្នាំ២០២៤នេះហើយនឹងបញ្ចប់ការងារព្រមទាំងប្រគល់នាវាទៅឱ្យម៉ាឡេស៊ីក្នុងរយៈពេល៣ឆ្នាំកន្លះខាងមុខ

តំណាងធនាគារ មីក្រូហិរញ្ញវត្ថុ និងម្ចាស់អាជីវកម្មធុន មីក្រូ តូច និងមធ្យម ប្រមាណ ៣០០ នឹងមានវត្តមានក្នុងពិធីសម្ពោធកម្មវិធី «វិថីហិរញ្ញវត្ថុ រដូវកាលទី២»

ព្រឹត្តិការណ៍, ហិរញ្ញវត្ថុ

• 13/06/2024

តំណាងធនាគារ មីក្រូហិរញ្ញវត្ថុ និងម្ចាស់អាជីវកម្មធុន មីក្រូ តូច និងមធ្យម ប្រមាណ ៣០០នាក់ នឹងមានវត្តមានក្នុងពិធីសម្ពោធកម្មវិធី «វិថីហិរញ្ញវត្ថុ រដូវកាលទី២»

កម្ពុជា-សហភាពអឺរ៉ុប ឯកភាពក្នុងការពង្រឹងទំនាក់ទំនងសេដ្ឋកិច្ច និងពាណិជ្ជកម្មបន្ថែម

ព្រឹត្តិការណ៍, សេដ្ឋកិច្ច

• 12/06/2024

កម្ពុជាបានយកចិត្តទុកដាក់ជាខ្លាំង ចំពោះការលើកកម្ពស់ទំនាក់ទំនងនិងកិច្ចសហប្រតិបត្តិការ ជាមួយសហភាពអឺរ៉ុប និងអរគុណសហភាពអឺរ៉ុបដែលបានជួយកម្ពុជាក្នុងការស្ដារប្រទេសជាតិឡើងវិញក្រោយវិបត្តិផ្សេងៗ ដូចជាការកសាងហេដ្ឋារចនាសម្ព័ន្ធ កសិកម្ម ធនធានមនុស្ស និងការបោសសម្អាតមីនជាដើម...